بجم يسوون تحاليل الهرمونات بالخاص ؟

[بشه المنفشه]

السلام عليكم


أنا سويت تحليل هرمونات اليوم الصبح بالحكومة جان يصدموني إنها تاخذ 3 أسابيع !!!!!!!!!!!

بهالفترة لو آخذ علاج من الصيدلية وأبدي فيه راح أطيب قبل لا تطلع النتيجة خخخخخخخخ


بالخاص جم قيمة تحليل الهرمونات ؟ برجسترون وتستسترون وبرولاكتين هرمون الحليب ؟؟؟ صج بيطلع علي واااااايد ؟؟ قالولي قريب الـ100

علموني :eh_s(16):

 

[آلزينْ مُلكيْ]

اشدعوه ثلااث اسابيع
انا سويت بالسيف خذو شي وسبعيين تحليل الهرمونات
بس تصدقيين نسيت جم كانت المده ههههههههههه بس اقل من ثلاث اسابيع لووووول
ه

 

[قمرية الفيس]

بالخاص النتيجة بعد ساعة وكلهم على بعضهم مايتعدون الاربعين

 

[Dark SouL]

انا سويتها ببالمختبر السالمية اللي يم مروش خذوا مني 60 وماطولة غير ساعه واذا دقيتي عليهم ساعات يعطونج اياها قبل ساعه

اشدعوه 3 اسابيع خو مابيسوونها بيدهم ويحللونها الله يعافي اللاجهزة بدقايق تخلص واحد ورا الثاني :/

 

[بشه المنفشه]

من صجكم ساعة بس ؟؟!!!! عيل 3 أسابيع شبسوون فيها ؟!

صج ما تمشي الدنيا إلا بالفلوس .. فلسنا من هالدكاترة بس شنقول الشكوى لله

مشكورين يا حلوين وعسى عمركم طويل

 

[دلع^_^]

انا بالسلام سويتهم ب ٧٥ وطلعو ثاني يوم الصبح

 

[بشه المنفشه]

مشكورين بنات ما قصرتوا

 

[ابدا يالغالي مانساك]

وايد 3 اسابيع وش دعوووووووووه
سوي بالخاااااااص ياختي وخلصي شغلج احسن من هالمستشفياااااات
الحكوميه

 

[Om_Abdulrahman]

65 بالمواساة وخذت يومين

 

[بشه المنفشه]

مشكورين يا حلوين

 

[الأميرة جوري]

الخاص بسرعه بس ناسيه جم المده مو اكثر من اسبوع ...

 

[ام عفاف الكويت]

سويتهم برويال وايد هرمونات سويت ب 105
وطلعوا بالليل وفي جزء طلع الصبح اليوم الثاني

الحكومه يقولون لج التحاليل بعضها يودون نتايجها بره الكويت
مادري ومره صدقت ونطرت ورحت لهم جان يقولون ضاعوا
طبعا لاتشوفين ويهي !!
واخرها قالت نسوي من جديد طالعتها قلت وين الباب بس وطلعت ورحت الخاص

 

[auoma]

شنو سبعين انا من سنه مسويتهم شي واربعين بطيبه كلينك وبعد ساعه تطلع النتيجه
الله شنو ٣ اسابيع لو انا ما انطر حتى لوادفع١٠٠ او٢٠٠ دينار