بجر وماعندي غير الله وانتم ابي خبرتكم

[أمورته]

السلام علييييكم


شلووونكم



بنات انا بجر وماعرف شي صراحه
انا حاليا بالاسبوع السادس شنو لازم اسوي
هل في اكل زين حقي وحق الياهل
شنو امتنع عنه مااكله
وشنو اكثر شي اكله
شنو الطريقه الصحيحه للنوم للطفل
وهل يصير ممارسه الجماع هالايام واذا لا متي ابدي اجامع عادي
انا اخر دوره 31 ديسمبر كل جم ادخل شهر
راجعت امس دكتوره مافادتني وايد
الله يثبت حملي وحمل كل وحده ترد علي يارب يارب يارب وتحقق احلامنااا يارب
يزاكم الله خير مقدما

 

[سـٌگر معـقـود]

لازم تاخذين فولك اسيد ضروووري وتبدين تحددين دكتوره تبينها وتبطلين ملف عندها
سويتي سونار عشان تتاكدين ان الحمل بالرحم ؟ اذا ماسويتي سووي

والاكل كل ماكان طبيعي افضل لصحتج وللبيبي عصاير فواكه سلطات
بعدي عن الوجبات والخرابيطط كثرر ماتقدريين

وطبعا ممنووع اي دواء تاخذينه الا بعد استشاره الطبيب
وضعيه النوم ماعندي علم والله انا عادي بس مو عالبطن اكيد

والجماع هم عادي الا اذا كان معاج مضاعفات حمل ينزل دم او شي فامتنعي

والله يتمم لج

 

[# غنوجة بيبي #]

ما قصرت الاخت سكر معقود


بس يفضل عدم الجماع اول 3 اشهر

عشان تتعدين مرحلة الخطر

بس من الرابع عادي و التخفيف احسن



و بالنسبه لموعد ولادتج


هو

7 اكتوبر 2014

انتي بالاسبوع الخامس



الف مبروك و عسى ربي يثبته لج

 

[# غنوجة بيبي #]

كيف ينمو طفلك؟
ربما لم يظهر عليك الحمل بعد، غير أن طفلك ينمو بشكل كبير. في هذا الأسبوع، يبدأ قلب طفلك الصغير بالنبض. كما تنمو الأعضاء الرئيسية، بينها الكليتان والقلب، كما تنغلق القناة العصبية التي تربط الدماغ بالحبل الشوكي. مزيد من المعلومات حول نمو طفلك هذا الأسبوع.
كيف تتغير حياتك؟
تعاني معظم النساء من الغثيان والإجهاد والرغبة في التبوّل المتكرر. كما تشعر بعض النساء بالصداع خلال الفترة الأولى من الحمل.

من الضروري تناول الطعام الصحي في كل مرحلة من مراحل الحمل حتى يحصل الطفل على المواد الغذائية التي يحتاج إليها كي ينمو. تساعد الوجبات الصغيرة والمتكررة على منع حدوث عسر الهضم، وتقاوم الغثيان والإجهاد. من المفيد التنويع في الأطعمة، خصوصاً إذا كنت نباتية.
منتدى "بيبي سنتر آرابيا"
تحدثي مع غيرك من الأمهات في المنتدى.
أمور جديرة بالانتباه
تناولي كميات كبيرة من فيتامين ج الآن بالذات، إذ تنمو الخلايا الجنينية بنشاط وسرعة كبيرة. من مصادر هذا الفيتامين الجيدة الفواكه والخضروات الطازجة. تذكري غسلها جيداً.

إذا تجاوزت 35 عاماً من العمر وكنت قلقة من وجود مشاكل جينية، عليك التفكير في اختبارات الفحص والتشخيص. تساعد اختبارات nuchal fold scan التصوير الطبقي للرقبة من الخلف واختبارات بزْل السّلى chorionic villus sampling CVS في الكشف عن أية عيوب في الجنين ويجب حجزها مبكراً.

 

[أأأميرة الورد]

الله يتمم حملج على خير ويثبته

اهم شي بالفتره هذي فوليك اسيد تاخذينه اول ثلاث شهور

ولا تجهدين نفسج وايد وقللي الحركه والدرج

 

[لوولوو_88]

بعد بعد فيدونا بنات انا بعد بجريه

 

[كرز.]

روحي للطبيب شوفي اذا الحمل داخل الرحم
بالاسبوع السابع تسمعين نبض قلبه ياااااحلوهم احلى لحظه
لاتاخذين بندول اذا فيج صداع لانه قوي في بنادول خاص للحوامل اسمه بناديكس
يفضل قدر الامكان يكون الجماع بايام متفرقه وخفيف بدون ضغط على البطن او دفع قوي
لاتنامين على بطنج ولا على جنبج اليسار علشان ماتضغطين عالكلى نامي عاليمين والظهر وبالخامس ابتعدي عن نومة الظهر افضل
اخذي الفوليك اسد وبالرابع راح تعطيج دكتورتج باقي الفيتامينات
لاتمشين وايد وتشيلين ثقيل وتصعدين درج وايد ولو بتمشين بمجمع لاتمشين مشي متواصل كل ٢٠ دقيقه ريحي
لاتسافرين اول ٣ شهور واخر ٣ شهور
شربي حليب واكلي موز وااااااايد
ابتعدي عن الاكلات اللي ممكن تسقط الياهل او تفتح الرحم مثل الدارسين والفلفل الاسود والعصيده اذا فيها ادويه والاناناس وشاي الاعشاب والزعفران والزعتر وغالبية الاعشاب
خلي ملابسج راهيه وواسعه وفي محلات للحوامل تبيع جينزات وتيشيرتات خاصه لهم والبجايم اخذي اكبر من مقاسج هذا طبعا اذا كبر بطنج وزاد وزنج بعدين
ابتعدي عن شغل البيت والوقفه والمشي قد ماتقدررررين يعني ريحي عمرج ليمن يرتفع حملج ويثبت ان شالله
هذا اللي يحضرني واي شي تبين سالي

 

[مناوووي]

الله يثبته لج يارب
ماقصرو البنات

 

[مذهلة2013]

ماقصروو البنات

ربي يتمم عليج حبيبتي امورته

 

[سور المدينه]

الله يتمم عليج ويثبت حملج
البنات كفو ووفوا

 

[-مسك الجنان-]

الله يتمم عليج اختي
بس ملاحظه صغيره عنوان موضوعج وقعتي بشرك وانتي ماتدرين مايجوز اختي اتقولين الله وانتم الواو فيها شرك

المفروض قلتي الله ثم انتم بس حبيت انبهج اختي

 

[أمورته]

يزاكم الله خير
والله مادري حياتي بس اتمنى من مشرفات يعدلون العنوان

 

[احبج يا كويت]

الله يتمم عليج ويثبت حملج