بجريه و ابي رأيكم .. لا تبخلون علي ?

[لوولوو_88]

السلام بنات شلونكم

بنات انا بجريه و ربي اتمم علي و على كل كروشه و يرزق من يتمنى

انا اراجع بالسلام عند بادمسري و مرتاحه لها وايد و بولد بالسلام عشانها ..

بس ريلي موصر أولد برويال و رويال ما ينعاف و لا عليه كلام لأنه كل اهلي و رفيجاتي يحبونه ولا يذمونه ..

بس مشكلتي بالدكتوره .. ريلي قال خل تطلع دكتورتج .. بس انا مادري تطلع أو لا و ما ودي دكتوره من برا ..

أفضل دكتوره من نفس المستشفى اريح لي و لدكتوره ما احاتي ..

أبي دكتوره تعطيني حقي انا بجريه و أخاف مابي بسرعه بسرعه ..

عفيا بنات نصحوني قالولي عن خالدة .. و إذا في دكتوره احسن قولولي ..

نصحوني بدكتوره سنعه وقت الولادة و بالمواعيد تعطيني حقي ..

و ما تقصرون بناااات

 

[Om al7la]

لولو

سألتي اللي عندها خلفيه اللي هي انا^_^
شوفي خالده ماعليها كلاااااااام تهبل وتصبر عالبجر وغيرها وكافي انها
تخصص اجنه التخصص الوحيد بالكويت هي وماجد الشمري وعندج
بعد حماتي توها والده عند نداء بوخضور حييييل تمدحها توها فرش
والده تقول صبرت علي وتعطيني حقي وتذكر الله ونفسها حلوه ومااستعجلت علي
كلش مع انه زهقت ابي اولد خلصت التاسع عي بس طمنتها انه عادي والحمدلله ولدت طبيعي برويال حياه

 

[Aloe Vera]

اممم شوفي انا في بجري كنت اراجع عند دكتورة و كنت حيل مرتاحة لها و مصرة تولدني تصدقين لمن ولدتني ماعجبتني طريقتها و تحسفت اللي اقصده لاتتعلقين بالدكاترة ترا ماله شغل انتي روح مستشفى زين و خليج واعية و عارفه شنو تبين عشان محد يقص عليج و بس رويال حياة يهبل عن تجربة ثلاث مرات اولد فيه و اخر ولادة كانت عند الدكتورة منى ابو طعام في رويال نفسه ماعليها زحمة و مواعيدها وايد سهله و متاحة و كانت احلى ولادة الحمدلله

 

[لوولوو_88]

حياتي أم حلا و فيرا جد مشكورين

شجعتوني صراحه وربي يسهل اموري

بعد بنات فيدوني

 

[لوولوو_88]

آب آب

شدعوه بنات بس 2 الي ردو

 

[«ღ»Pure Soul«ღ»]

الدكتوره خالده يمدحونها شوفي تجارب البنات بتجمع رويال حياه

انا اراجع عند منى ابو الطعام رحت لها بعد تجربه اوليفيرا الله يجزاها خير
ارتحت لها بشوشه وتعطيج حقج والسهالات من رب العالمين

السلام يمدحونه دامج مرتاحه ليش تغيرين

 

[beealh]

وايدناس ذمولي دكتوره خالده واللي تقول في وحده مااتت قبل مده عندها واللي تقول تييج حده حده بس للأمانه انا ما جربتها ولا احط بذمتي لانه حماتي وايد نحبها بس غيرت بسبت رويال تقول صار زحمه وضغط اقعد 5 ساعات عشان ادش عليها رحت حق دلال السالم اهيا حبوبه بس مارتحت مادري حسيتها وايد كبيره بالعمر عمومن اي دكتوره كويتيه انا ابتعد عنها

انا نفسج بجريه وابي وحده تكون على راسي و وقت ما ابيها الاقيها استقريت الحين اراجع عند دكتوره راجني بسيف وايد وايد يمدحونها عن تجارب وعندج بعد روبينا هم بل سيف وما عليهم كلام الكل يمدحهم

 

[لوولوو_88]

مشكورين بنات حبايبي على نصايحكم ♡

 

[Bamya]

dr. zainab shakelha wayed zaina o kanat bel9baa7 esteshareyya

 

[(دنيتي)]

ماعندي خبره بالخاص بس بدعي لج

الله يسهل عليج وع البيبي


وتقومين بسلامه

 

[عروسة اكتوبر]

ماعندي فكرة والله

 

[saroooonh2]

يمدحون الدكتوره الهنديه بهواني بالهادي . معرووفه وماشفت احد ذمها انا نفسج بجريه وناويه اولد عندها ان شاءالله

الله يسهل علينا يارب

 

[حبيبة عز]

مادري ليش ريلج يبي رويال حياة

بس انا والدة بالسلام مرتين

مره عند د نزهت ومره عند د بادماسري

وعنايتهم حلوة وناوية هالمره اولد عندهم

اذا مرتاحه بمكان مالج شغل بريلج

انتي اللي بتولدين وتتعبين

اقنعيه وانا معاج بنقطه الدكتورة تكون من نفس المستشفى

والله يقومج بالسلامة ياعمري

 

[كاملة الدسم]

السلام افضل من ناحية العناية وبادمسري حيل زينة توكلي علي الله

 

[همي رضى خالقي]

شوفي شلي يريحج انتي وريلجً

وقرري مبجر لانه يمكن مايستقبلونج اذا رحتي اخر الاشهر

 

[بدون بس مغتربه]

الله يسهل ويتمم عليج حملج

شوفي معاج حق الدكتوره لازم تعطيج وقت وخاصه اذا انتي كنت من النوع لازم تلاحظين على كل شي

بس انتي جربي دكتوره رويال وشوفيها تعطيج مجال او لا واذا كلش ماعطتج ريلج اكيد راح يقول لج غيري

ولكن اعتقد انتي اذا تحطين قائمه اساله والاشيائ اللي بتطمنين عليها بيعطونج وقتج

مثلا انا اليوم رحت للسونار وضليت ساعه عندهم اما اختي ثلاث دقايق وطلعت لان كل شي كان واضح عندها ماشاء الله


جربي حاليا واكيد في مجال تغيرين مستشفى انا اختي اخر شهر غيرت مستشفاها يعني لسه في وقت تفكرين والدكتوره اللي تفتحين عندها ملف قولي ابي ملفي عندي لان هذا للحامل لازم يكون عندها نسخه ممكن تغير مستشفى باي وقت

والله يوفقج

 

[baa6aa]

انا معاج بجريه و ولدت عند دكتورة زينب برويال مسكينه تحملتني قعدت يوم و نص بغرفه الولاده و كلش ماتسعيلت علي
ما اقولج انها طول الوقت على راسي بس كل شوي تطل علي واهيا بالعياده و فوق هذا الفير تدق تتاكد ان كل شي اوكي
ولمن خلاص وصلت حذي بولد هني اللي قعدت معاي ماتحركت و نفسيتها عسل
وكل اللي كانوا معاي بهاليومين كلهم ينو عليها وقالو ان شاء الله اذا الله سهل و حملو الباقي بيراجعون عندها من كثر ما ارتاحوا حق تعاملها و طريقتها
والله يسهل عليج يارب و على كل حامل

 

[أميرة-]

يمدحونها حيل زينب اللي برويال حياة

سمعت مدح من كذا وحده

منى ابو طعام جيتها استشاره حليوه ونفسيتها حلوه بس انا دخلت عليها لانه ماكان عندها احد وانا ابي سونار بس

 

[انتيكا]

يمدحون خالده وتوه قريت ان الدكتوره الهنديه برتي اللي بالهادي انتقلت لرويال حياه وهم نداء يمدحونها والولاده سهاله من الله والدكاترة حظ ناس تمدح وناس تذم اهم شي تستخيرين وتسوين اللي انتي مرتاحتله لان اهم شي نفسيتج بتاثر عليح بالولاده
ورويال حياه تووب وماعليه كلام انا ولادتي الاولى وان شاء الله الحين بعد فيه يهبل بهبل حيل احبه