بجريه وبيوسع لي الدكتور منو جربت هالشي او عندها فكر .؟

[SoOoNa@aHReEeY]

مرحباا بناات ..

انا رحت للدكتور و انا اول اسبوع لي بالتاسع و قالي ان الموعد الجاي بعد اسبوع راح اراجع ويشوف اذا الراس نازل بالحوض راح يوسع لي و انا بجريه ووزن البيبي زين قالي بيوسع لي 10\11 و انا علي حسب السونار اخر يوم لي بالتاسع 24\11 ما ادري منوو اللي عندهاا فكره ع هالشي ..؟ ​

:0bee2e8d89:

 

[Pissy Missy]

ليش حبيبتي مضايقه

انا دكتورتي نفس الشي قالتلي ثاني سبوع بالتاسع راح تفحصني واتوسعني وانا ام عيال وكل عيالي نفس الطريقه

اذا امورج كلها زينة والمشيمة والماي حوالين البيبي اوكي و وضعج يطمن

قوليله مابي

خل بس يسويلج تخطيط الطلق واذا مافي طلق لا يوسعج ينطر لما ايي موعدج

 

[Pissy Missy]

تره عادي البجر اطول عن موعدها

وساعات حسبة السونار مو دقيقه

بس عاد مايصير يطول عليج وايد

وحتى لو بيفحصج

الفحث بروحه ما اييب الطلق

التوسعه اهي الي تييب الطلق

لا تحاتين ان شاء الله ماكو الا العافيه

 

[fofowa_q8]

عادي حبيبتي لاتحاتين انا مثلج بجريه ووسعت لي دكتورتي وماولدت

طفت موعدي باسبوع تقريبا وولدت الحمدلله

 

[فـراوله]

رد : بجريه وبيوسع لي الدكتور منو جربت هالشي او عندها فكر .؟




أنا أقول دام الحمدالله أمورج طيبه إنتي والبيبي وما فيج شيء

نطري موعدج ليش الدكتور مستعجل

عادي البجريه تتأخر وطوف موعدها بعد

أما اذا لا سمح الله البيبي فيه شيء خليه يوسعج

 

[missglory]

ليش حبيبتي مضايقه

انا دكتورتي نفس الشي قالتلي ثاني سبوع بالتاسع راح تفحصني واتوسعني وانا ام عيال وكل عيالي نفس الطريقه

اذا امورج كلها زينة والمشيمة والماي حوالين البيبي اوكي و وضعج يطمن

قوليله مابي

خل بس يسويلج تخطيط الطلق واذا مافي طلق لا يوسعج ينطر لما ايي موعدج

وانا رايي من راي Pissy Missy مع اني ماجربت التوسعه

 

[الغاليه ام احمد]

حبيبتي سونا تو الناس على ولادتك لا تخلين الدكتوره تفحص من تحت الحين انا عندي بنتين متزوجات وعندي اربع احفاد لما بنتاتي يقولولي يمه الدكتوره تبي تفحصنا الاسبوع الياي اقولها قولي للدكتوره امي تسلم عليج وتقولج لا تفحصيني تو الناس اخر اسبوع من موعد الولاده افحصي على كيفج اما الحين لا لا لا ما دام كل شي طبيعي لا تلمسج

 

[ماريا 1986]

انا عكس البقيه خليه يوسع لك دام امورك وامور البيبي طبيعيه ..تراه يسرع الولاده ..انا سويته لكن بنهاية التاسع ..وقالوا ليي المفروض سويته قبل لان وزن البيبي كبير شوي ..وصحيح تعبت وتعذبت فولادته..تمنيت اني سويته من بداية او نصف التاسع ..

 

[MiSs_PiNkOz]

انا بعد بجرية والدكتورة مايابتلي سالفة التوسعه لحد الحين وبعد جم يوم بخلص شهري بس قالتلي علي سالفة الفحص وقلتلها المرة الياية

 

[مدمنة ككاو]

مافيه مشكله التوسعه بس مو من بداية التاسع صبري على روحج شوي يعني نطري لين نهاية التاسع واذا مافيه اي بوادر ولاده خل يوسعج ويختصر لج الوقت والتعب

والله يسهل عليج وعلى كل حامل يارب

 

[بنت الحرزي]

رد : بجريه وبيوسع لي الدكتور منو جربت هالشي او عندها فكر .؟

انا فبجري الدكتوره وسعتني بس شنو عقب ماكنت طايفه موعدي ب12 يوم توالناس عليج حبيبتي

 

[شيخة الغراشيب]

عادي حبيبتي انا ماعندي اي خلفيه بس اختي كانت طايفه موعد ولادتها
والحمدلله راحت عند دكتوره تاريخ 9 هالشهر وربت في 10\10 تاريخ مميز

 

[SoOoNa@aHReEeY]

مشكورين بنات تجمعي ع الردود و الباقي همن مشكورين ع الردود ..

 

[.،:"$الـعـوبــــة$":،.]

رد : بجريه وبيوسع لي الدكتور منو جربت هالشي او عندها فكر .؟

أنا رحت لدكتورة بريتي بالهادي امس ، وفحصتني وتقول سوت لي توسعة !!
بس مدري ليه احس خرطي !
لأنها ماعورتني ولانزل معاي شي !!
بس اذكر دكتورة عالية مرة فحصتني وعورتني حيييييييييييل واتوقع انها سوت لي توسعة لاني بعد يومين انفك معاي الماي وولدت ، بس والله الله يجزاها خير ن وشكلي بروح لها اذا ماولدت هالاسبوع !​

 

[ZOHOR]

انا اقول نطري توناس عليج اذا خلصتي شهرج يعطونج اسبوع زيادة لاتستعلين حتى لو كبير البيبي نطري ...


انا 2 ولادة لي وخلصت شهري والحين ماولدت ولا افكر في الفحص يماااا..

 

[كويتيه مذهله 87]

الله يسهل عليج
,,,

 

[الأميرة جوري]

رد : بجريه وبيوسع لي الدكتور منو جربت هالشي او عندها فكر .؟

ليش التوسعه مادام ماطوفتى نطري ليمن تييج الولاده من الله بعدها روحي ... الله يسهل عليج

 

[اللافندر79]

الله يسهل عليج أنا عندي عادي خل يوسع شلج بالثقل لولدي وارتاحي

 

[امووووما]

حبيبتي نصيحه مني سمعي كلام الدكتور وماعليج من احد انا بجر وثاني اسبوع من التاسع فحصني الدكتور وقالي 2 سم قالي شربي دارسين وخروع وبعد اسبوع تعالي وبعد اسبوع قعدت امشي واشرب مطارة دارسين يوميا وخروع وكف مريم ومشي ساعه يوميا واخر يومين على البحر رحت ولا انا 4 سم ودخلوني ولاده والحمداللله مليون مررررررررررررررره احلا ولاده بالدنيا بدون تحميله ولا طلق صناعي ولا ولا ولا شي حتى العوار ربي سهله علي لاني توكلت على الله وسمعت كلام الدكتور وسويت كل محفزات الولاده معود ولادتي كان 19-8 وولدت 8-8

 

[wafa82]

رد : بجريه وبيوسع لي الدكتور منو جربت هالشي او عندها فكر .؟

حبيبتي الله يهووون عليييج يااااااااااااااارب