بتناقش مع زوجي بخصوص فرنسا الخبيرات فيها فيدوني رجاءا ؟

[brettey]

اشلونكم يا حلوات
بسألكم عن فرنسا طبعا بالصيف انا ادري انها غاليه بس اذا بقعد فيها اسبوع جم تكلف انا وزوجي وعيالي اثنين تحت 10 سنين
الفنادق جم الليله فيها وتذكرتها ومصرف وشنو احسن وسيله للتنقل ومطاعم وسوق وابي اسواق رخيصه وجوده بنفس الوقت وشنو مجمعاتها انا طبعا ابي باريس لان بخاطري اشوفها يعني تهقون جم تكلف السفره شامله
رجاءا الخبيرات يساعدوني وادعولي ان الله يكتب لي سفره لها

 

[84 Miss Chocolate]

الفنداق شوفي الاسعار من موقع بوكينج و هم التذاكر شوفي من سايت الكويتيه بس انا والله ما اشوف باريس غاليه عادي نفس الكويت و احسن وسيله اندرقراوند و الاكل في مطاعم الفاست فووود و في مطاعم بيتزا و باستا هم عادي مو غالي و السوق كل باريس سووووووق انا احب الافييت كل شي فيه و احب التسوق من دزني استور بس الي يكون داخل يورو دزني والله شغلاته تونس و معقوله حييييييييييل يعني شريت جاكيت يلد الكل سظالني عنه و سعره بالكويتي 30 و بخصوص الفنادق اذا نويتي قوليلي ادورلج الافضل

 

[ام مهودي]

حبوب فرنساا سوقتها كلها غاليه المحلات كلها بالشانزلزييه وفي شوارع متفرعه منه وفي اللافييت
انا قعدت بس هوليدي ان جاردن ليلته كانت ب 65 اتوقع وكان قريب من الشانزليزيه
لا اطولين اكثر من اسبوع بفرنسا لانه مافيها شي زود
التنقل يا مشي او المتروو بالمترو وناسه وبسرعه توصلين وارخص بس اول مره تصير صعبه عليه بس بعدين تتعودين
طبعا ديزني لا اطوفينها روعه
واذا انتي وعيالج يمكن يبيلج الفين حق اسبوع على حسب انتي ومشترياتج

 

[kandora]

حدج اسبوع فيها اذكر سفرتي لها مع اهلي واحنا ماشالله وايد بس عيبها بتصرفين جنج مينووونه... جناطهم الماركه ارخص سعر من الكويت اخذيلج منهم وسكنا في ميرديان يهبببل بس بعيد عن الشانزلزيه كنا نروح بتاكسي وتكاسيهم حدها ناار واحنا نطلع ب3 تكاسي تخيلي عاد !! هذا غير الاكل كنا ناكل بالفندق على 65 دينار غدا وعشا..يعني نصيحتي خلو اكلكم من الفاست فوود على الاقل يخفف عنكم الميزانيه.. ديزني لاند لازم تروحوون لها حدها عالم ثاني وسوالفهم غريبه وتشوق ولعبي مع ريلج وعيالج وعيشي حيااتج =d

 

[brettey]

ماقصرتوا عسى ربي يحقق لكم كل الي في بالكم

 

[باونتى]

ليش ما تروحين مع قروبات يطلع أرخص لج بالنسبه للفندق والرحلات ؟؟؟

 

[**فلونه**]

هاي حبوبه فرنسا ررروعه ........كل مره اكتشف فيها منطقه احلى من الثانيه

شوفي بايس وايد غاليه عموما اوربا المصروف اليومي بس اكل وتنقل مع طفلين مو اقل من 50 دينار هذا بالميت

المطاعم غاليه الفاتوه اتيلج مثل الورد 60 \ التسوق ارخص من باقي الدول بأوربا وخاصا لويس فيتون

السكن فنادقهم وايد قديمه و اذكر حجزنا التوب عندهم الليله 150 دينار و الغرف اي شي وصغار ( كونكورد لافايت ) بس اذا حجزتي ضروري تحجزين من الكويت وايد ارخص و على حسب الموسم

التنقل ........كل مكان انروح بالمترو افضل شي من حيث الوقت و السعر و التكاسي غاليه وايد

بس باريس تستحق العناء و لا القعده باليل عند برج ايفل منظر كله رمانسيه مايبيله يهال ........بس نقدر مايخلونه

واي سؤال حاضره

 

[estbrq]

باريس روعه وافضل اختيار وانا احبها ورحت لها كذا مره ولا مليت منها وبخاطري اروح لها بفبراير احلى من الصيف اخف زحمه واسعارها مثل باقي دول اوروبا .. الفنادق غاليه وبالنسبه للاطفال اغلبيه الفنادق يحطون الاطفال بغرف بروحهم يعني تاخذين غرفتين فأنصحج تسكنين بشقق فندقيه وفي بالشانز نفسه شقق كلاريج حلوه بس غاليه وتسوى كموقع وفخامه ولايطوفج منظر برج ايفل بالليل عالساعه 12 ورحله سعيده ان شاء الله

 

[bambena]

احلى وقت لها شهر 4 و5

اذا عزمتي تروحين دزيلي خاص اقولج كل شي

بس لاتحجزون لا مرديان ولا كونكورد لافاييت والصرف يعتمد من شخص للثاني بس مو رخيصه

 

[brettey]

ماقصرتوا يا قلبي

 

[اسبانيه + قدساويه]

باريس ما تصلح بالصيف زحمه وكلها خلييييجيين وتصير نار اسعارها بس انصحج لا اطوفين شهر 5 احلى شهر لكل اوربا وما يكون فيها احد وانشالله اذا رحتي بهالوقت راح تدعيلي
اموفقه

 

[كـلا كـلا]

اي صح ما انصحج بكونكورد لا فاييت بعيد حده وغرفه ضيجة وغالي

 

[حدي ستايل *]

انا سكنت بنوفوتيل ايفل تاور روووووووووووعة


ويم الشانز يعني قريب عليه


وعندهم متحف الشمع يهبل ومتحف اللوفر حددددددده المبنى كلااااس


ولاتطوفين برج ايفل طبعا صعديه عشان تتمقلين باريس عدل


واذا كنتي ناوية سياحة بس ما تكلفج وايد لان اغلى ما فيها سوقها

 

[bo6aa6ee]

شوفي حبيبتي سكني بفندق اسمه نيكوو عجييييييييييب عباره عن فترينه الغرفه كلها جامات بس تكرمون الحمام المغطى و بالنسبه للسوق و التمشي انسي الشانزليزيه وييع انا ماطبه خير شر روحي السان ميشيل اونس و ماكو عرب كلش و عندج جاليري لاوفوايت و برونتوم حق السوق و في الحي اليهودي كله ماركات بس نص السعر و السوبر ماركت مالهم اسمه مونابريه عجيييييييب المكياج ماله عجيييييييب

مممممم خل اذكر بعد و اقولج

 

[brettey]

جزاكم الله خير

 

[طوق الياسمين]

بالنسبه للفنادق يعتمد على ميزانيتج وعلى قربه او بعده من الشانز..فلج الاختيار وعندهم فنادق وايد بس لاتتوقعين بتشوفين شي حلو على اللي بتدفعينه لان فنادقهم مب ذاك الزود وغاليه..واحسن وسيله للتنقل الاندرقراوند بس احنا كنا ناجر سياره لان معانا يهال ومانبي مرمطه بس تكلف لان غير اجار السياره والبترول بعد تدفعين فلوس للمواقف..والمطاعم عاديه اسعارها يعني اغلى منا بس في حددود المعقول..
بس اليخاه هناك احسها غاليه يعني بتدفعين في اي مكان مبلغ وقدره بس تستاهل..عندج الحي اللاتيني روووعه وفي مكان الحين نسيته بس هو تل يكون كله رسامين والمكان وايد شرح وعندج الوفر وبرج ايفل غرامي روحي له بالليل احلى شي...وهناك المنطقه شرحه يعني كلها تمشي
وعندج حدايق وغاباات بعد قريبه من الشانز وحلوه وفي غير ديزني ملاهي صغيره تقريبا قريبه من فندق الانتر...وفي شارع اسمه ريفولي رهييييييييب اسعار المحلات فيه معقوله وطبعا جاليري لافاييت وسان اونور..وافينيو مونتين لو تبين الماركات...وفي شوارع ودواعيس فيها محلات رهييييبه تبيع شغلات للبيت واكسسوارات..اصلا باريس كلها محلات

 

[اميرة الغيد]

اول شي اتمنى لج رحله سعيده
حبيبتي باريس احلى مافيها جوها بالصيف براد وغيم ومطر خفيف بالشتا بارده حيل
بالنسبه لي برايي اذا بتروحين باريس ماتقدرين تشترين من السوق لانه غالي حيل اذا كان الشانزليزيه او غاليري لافاييت الا اذا كنتي مليونيره او تبين تاخذين شي وااحد عن خاطرج هههه خل نتحكي الصج
المطاعم غاليه حيل واغلب المطاعم اللي بالشانزليزيه مايرضون تقعدين حق قهوه وشي بسيط الا تطلبين عشا او ما تدخلين المطعم "والله صارت لنا وايد هالحركه البايخه هناك "
الفنادق غاليه كنا ساكنين بكونكورد لافاييت واهوه على بعد 5 دقايق مشي الى الشانزليزيه وعنده محطة المترو يم الفندق على طول توديج المحطه الجايه على طول للشانزليزيه
يورو دزني اعجبتني بس تبعد عن الشانزليزيه 30 دقيقه بالمترو اتوقع اكثر شي تعجب عيالج تذكرتها للشخص الواحد بس دخول 20 دينار
طبعا المترو (الاندر غراوند ) احسن وسيله وارخص وسيله للتنقل باوروبا مو بس في باريس
اللوفر خبونا عليه وايد ما اشوف فيه زود والناس كلها عند صورة الموناليزا بس تذاكره مو غاليه
مثل ماقالوا خواتي اللي قبلي خليكم على مطاعم الفاست فود ارخص وانصحج تاخذون ماجلتكم معاكم عشان توفرون لان صج المطاعم غاليه
واسبوع وايد حيل على باريس
اكثر شي عجبني فيها مكان برج ايفل والحديقه اللي حوالينه والنهر اللي يمه حلو تروحون برحله في المركب
عليكم بالعافيه الروحه وان شاء الله تستانسون

 

[طوق الياسمين]

حبيبتي من قال ان لازم عشا في مطاعم الشانز؟بالعكس انا اروح الفوكيت واشرب قهوه انا وزوجي او عصير ونقوم وحتى باقي القهاوي اللي هناك مثل الماريوت وغيرها...انا اشوف الاسعار هذي حتى في بلادنا يعني مو بس بباريس بس على الاقل هناك كفايه الجو والهوا الحلو
ومحلات الشانز ترى حيييل عاديه لان في سيفورا ومحلات رياضه ومحلات عاديه بس يمكن تقصدين الافنيو مونتين وترى اسعار البوتيكات فيه نفس اسعارنا لان اصلا هالبوتيكات عالميه مثل شانيل وبرادا ولوي فيتون