بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

[English.Teacher]

السلام عليكم ورحمة الله وبركاته

الف مبروووك لكل خريجات الجامعة للكورس الاول 2010-2011

وتهنئة خاصة لبنات التربية وطبعا حبايبنا خريجات الاساسية

فتحت هالموضوع عشان نتبادل الاخبار خطوة بخطوة

لان اكتشفت ان كثير من البنات ماتوصل لهم مسجات العمادة او اخبار التقديم ع الديون



اول خبر:

اللي ما استلمت الشهادة تطير بكرة او بعده او بعد اللي بعده للعمادة مصحبة اخلاء الطرف والبطاقة المدنية الاصلية

لان تسليم الشهادات بدا من يوم الخميس 10-2 ويستمر الى 16-2


ولاتنسون تقدمون على شهادة طبق الاصل

والديوان بيفتح باذن الله بتاريخ 4-3

وبيكون هالموضوع تجمع خطوة بخطوة للتقديم للديوان ونزول الاسماء بالجرايد والفحص الى المباشرة


حظ موفق للجميع

 

[توتي فروتـي]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

وعليكم السلام ورحمة الله وبركاته .,

الله يبارك فيج حبيبتي .,


موضوع يه في وقته .,
خصوصا ان الحين وقت تسليم الشهادات والتقديم.,


عن نفسي باجر بستلم الشهادة ,.


شكرا ع الموضـــوع :eh_s(7):

 

[English.Teacher]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

مبروووك توتي فروتي

اجل قريتي اسمك في موضوعي اللي عن اسماء الخريجيين

انتي اي تخصص؟؟

وبتاخذين نسخ طبق الاصل؟؟

 

[الباسمه]

الله يبارك لكم

 

[الجفووول]

اهلييييييييين English.Teacher:eh_s(7):


انا مارحت بس باجر انشاءالله بروح

بس فيه سؤآآآآل محيرني :bbbiu:

انا قريت بموضوع في قسم المعلمات ان اول مااستلم الشهاده اروح لوزاره التربيه واقدم يعني ماانطر الديوآن ..شلون جذي !!!!


:080402ask_prv:

 

[منال القلب]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

موفقات بنات >>> ادري مو الموضوع بس والله ذكرتوني بنفسي السنة الي طافت نفس هالحزة كنت أنا فاتحة موضوع علشان نتشاور انا والطالبات الي توهم متخرجات من الجامعة ويبون يصيرون معلمات.. لوول حسيت اوان اقرى موضوكم اني صرت عيوزة لوووول موفقات يا قلبي :eh_s(7):

 

[ṃїşѕ เṖĦƠŊэ]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

يعطيج العافيه زين سويتي على هالموضوع عشان ماتطوفنا الاخبار

وانا جني قريت ان استلام الشهايد بالتربية الاساسية يوم 16 اللي تعرف تنورنااا بنوتااات

ومبروك لكل الخريجااااات :$

 

[أبله جهراويه]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

موضوعج بوقته

انا انشالله باجر بروح للكليه اطلع شهادتي:ch12:

لي باك:eh_s(15):

 

[توتي فروتـي]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

/


/
تخصصي بيولوجيا .,

وشنو تقصدين بطبق الاصل .,//
الشهادة مو ؟!

اي لازم أصليـــــه .,

:eh_s(17):

 

[توتي فروتـي]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

/

/

الجفوول حسب كلام منال ,.

بجرب باجر عقب ماخذ الشهادة من العمادة اروح الوزارة .,
واقولكم شصار معاي

 

[الجفووول]

رد: رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

/

/

الجفوول حسب كلام منال ,.

بجرب باجر عقب ماخذ الشهادة من العمادة اروح الوزارة .,
واقولكم شصار معاي

أكون شاكرتلج ياقلبي

لان بجد كلش ماعندي وقت زوجي مسوي عمليه ولازم أجابله

 

[Programmer.Girl]

موفقين و شدو الهمة :eh_s(9):

 

[عذوق]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

اييييييييه ذكرتوني بالللي مضى


لاتروحين لا وزارة ولا شي هذا قبل سنه الف وحطبه

الحين اللي عليج انج تاخذين شهادتج وتجهزين اوراقج كلها

صور شخصيه و الجنسية والبطاقة المدنية والجواز والميلادية وعقد الزواج اذا متزوجه

اخذي لج كذا نسخه من كل مستند ما اذكر كم طلبو بس سوي من كل شي 5 او اكثر اضمن وخليهم بملف

مع صورج الشخصيه و شهادتج طبعا

احنا الجامعه ما يطلبون طبق الاصل من الشهادة ف ودينا شهادتنا مثل ماهي

وانطري لي ما يفتح الديوان اول ما يفتح بطلي موقع الديوان وسجلي فيه موجوده الخطوات فيه بس ادخلين رقمج المدني

وانطري لما يطلع القبووول بعدهاااا طييييييييييري ع المنطقة واخذي الاوراق وطييييييييري ع المجلس الطبي سوي الفحص

ولما تاخذين النتيجه تودينها للمنطقه يبقى توزيع المدارس وتاخذين ورقة مباشرة عمل

ومبروووووووووك عليج الوظيفه


اتمنى اني فدتكم وادعوولي ينقلوني بناااااااات وربي يسهل ولادتي:yaaaaaarb:



:eh_s(9):

 

[$$لامار$$]

بنات انا خلصت دراسه بس عندي امتحان مؤجل تاريخ 21-2 يعني متى اخذ شهادتي مابي اتأخر


ياليت اللي تروح تسالي تكفون ابي اقدم معاكم حرام عشان ماده اتاخر

 

[توتي فروتـي]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

الجفوول شدعوه احنا خوات .,:eh_s(17):

والله يشفي زوجج ويقومه بالسلامة .,



/



/


عذوق بارك الله فيج ,. والله يسهلج ولادتج وتنتقلين لمدرسة بنات :eh_s(17):

 

[English.Teacher]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

ماشالله ماتوقعت كل هالتفاعل مع الموضوع

وصحيح ماله داعي نروح الوزارة بس ننتظر الديوان يفتح ونسجل

وبعدها تنزل الاسماء بالجرايد


بس الخطوة المهمة حاليا هي فقط استلام الشهادة وطلب نسخ طبق الاصل

وانتظار تاريخ 4-3

 

[English.Teacher]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

منال القلب

ايه خلاص صرتي خبرة

بس مانستغني عن خدماتك

خليك معانا خطوة بخطوة استرجعي ايام الماضي الجميل

 

[الجفووول]

فديتكم

شنو شعوركم وانتو .. مو طلبه ومو موظفات !!

بطآآآليه

شعور حلو بالنسبه لي بس ممل

احب اشوف الناس واعيش بجو مليء بالنشاط :eh_s(7):

 

[English.Teacher]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

لا والله الحلاوة كها بهالشعوووور

صح فيه بعض الملل

بس وناسة وراحة باااال

واذا على شوفة الناس عادي روحي للجامعة شوفي البنات سيري عليهم

واقهريهم قولي ياحراااام الى الان تحضرون محاضرات وامتحانات وبحووث وبرزنتيشن:eh_s(9):

<<<< نسينا ماكلينا


ياحلو السوق والمجمعات حزة الضحى وقت الدواماات وعلى هالجو الحلو ياسلاااااام

وفرصة نتشرى للدوامات

 

[jen2n]

رد : بتقدمين ع الديوان؟! استلمتي الشهادة؟!(خريجات التربية الفصل الاول 2010-2011)

انا بكليه الاداب وبصير مدرسه يصير اصير معاكم:eh_s(2): احس محد من الاداب تبي تصير مدرسه غير :eh_s(16):