ببجي والله ببجي :(

[Graviту]

هـااااااي

بنات انا بخاطري قطوه من زمان بس امي مو راضيه :0bee2e8d89:

قبل لما كنت بالمتوسط كان عندنا قطوه حلووه بس بعناها لان كانت تسبب حساسيه ، يمكن عشان عيونها كانت تدمع
وامي كانت حابتها وعادي معاها بس بعناها عشان الحساسيه وعشان توصخ
مع ان كانت نظيييييييييفه بس امي مادري شنو تشوووووووووف:eh_s(14):

حنيت عليها وااااااااايد بس ماكو فايده تقولي انسي

وامس امي شفت قطوه صغيره عند بيتنا قالتلي عنها تقولي تاخذينها وتخلينها بالحوش قلتلها صج واستانست وجذي
وناطرتها تيي البيت ، وما يت

اليوم قلتلها بشتري قطوه قالت لا ماااكووو قلنا هذيج اذا يت بتاخذينها
بعدين تقولي ماادخلينها البيت عشان توصخ وحساسيه :/

واااااااااااي بس لاعت جبدي ببجي ، ابي قطوه شسوي يعني
اموووووووت عليهم

 

[ابي قطوة ميوووو]

حبيبتي انتي نفس معنا تي انا الحين بروح 8 وهمن اهلي مو راضين والله يعني انتي كان عندج انا لا كلش والله اقترح عليج اتذكرين امج بالاياام الحلوة يوم كانت القطوة معاكم وقولي لها يمى يمكن احنا الي شرينها مو زينا يمكن كان في مرض
وهذا محل راح اعطيج رقم مالهم سكوب دو
الرقم 97579933

 

[Graviту]

مشكووووووره حبيبتي
بحاول اكلمها واقنعها وانشالله اتواااافق مع ان ماعتقد توافق :s

 

[أم معآذ]

شوفي
جمعي لها صور قطاوه صغار وحلوين
وحني عليها اكثر صدقيني بتوافق
انا بناتي جذي يسون معاي
": )

 

[السفيرة عزيزه]

والله حبيبتي منتي ملزومه إذا تسوي لكم حساسيه ــ ليش الحنه خلاص

 

[بــدويه]

....إن شــااء الله تحن امج وتشترين

 

[NOORAN]

:ssssso: حبيبتي انتي نفس مشكلتي
زوجي مو مخليني أجيب قطوة
وانا رح أجن وما أقدر اعيش من دونهم:krkrkr::krkrkr::krkrkr:
وحاولت أقنعو ومو راضي :eh_s(14):
واااااااااااااااااااع:krkrkr:
والله إني متوهقة وقلبي ينقف على ما أتبنى قطوة صغيرة لأني أموت فيهم
لما كنت بنت يعني من 9 شهور كان عندي لوندي حبيبي وعيوني تركتو بلبد وأنا سافرت والحين أشتاقله مووووووووت
إن شالله أمك توافق وتجيبي قطوة حلوة وصغيرة وتلعبي فيها على كيفك وتربيها متل ما بدك
وإن شالله زوجي يوافق وأجيب وحدة
يااااااااااااااااااارب

 

[a7la-86wa]

مس اذا تبين قطوه وامج تبي تحطها بالحوش
لا تشترين ولا تييبين قطوه شيرازيه
لان مو زين لها تقعد بحر الكويت
اذا ما تبون تشترونها ما اعتقد راح تطعمونها عند البيطري
نطري القطوه اللي تكلمتي عنها
وقعديها عندج شوي لين تقنعين امج بمصاريف القطاوى وتطعيماتها
بعدين اشتري او تبني قطوه شيرازيه قبل لا تتوهقين
وبالعكس امج مربيه قبل
تلقينها كل شوي بتقولج ييبيها نتفرج عليها تلعب
وان شاء الله توافق
^_^

 

[قطوه ورديه]

صاجه حرام اتخلينها بهالجو الحار
قطوة البيت مو مثل قطوة الشارع
اللي تتحمل هالجو الحار

 

[lojeeen]

شيرازيه و بالحوش ما يننننننفع اصلان حرام انتي حكمي عليها من فروه شعرها اهي محتاجه للبراد اكثر منا
يا امج اتوافق على انه القطوه اتعيش معاج و قريبه منج داخل البيت بدون ما تطلع برى يا تنسين هل فكره ~~~

 

[عطر مذهب]

نفس الحاله

 

[$شعـــوله$]

اي والله انتي مثلي بعد امي مو قطوه وبس رافضه جميع الحيوانات
انا اموت عالارنب

 

[أدووويا]

ما احب القطاوة

 

[تولاي 2009]

ان شاء الله توافق امج وفيه وحدة بالمنتدى تبي احد يتبنا قطوها بس مدري احد خذاة او لا

 

[Graviту]

لا امي انسووووو توافق
كلمتها ماكو فايده
خل احلم فيهم احسن

 

[دمي مـטּ ذهب]

ان شاء الله امج بتوافق
انا امي مثلج ما ترضى وتقول توسخ ومادري ... الخ
بس بصراحه سويت خوش طريقه
بطلت المنتدى ووريتها مواضيع البناات
اللي يكتبون فيها احاديث نبويه تحلل وما تحرم وجود القطوه بالبيت
وباعتبار الرسول كان يتوضااا بااماي اللي تشرب منه القطوه
وتسمية أبو هريره بهذا اللقب
وحاولي تلينين قلبها لأن المرأه عموما وبالأغلبيه العظمى تحب تربية الحيوانات الأليفه
وتقبلي مروري وسوري طولت عليييج

 

[فوفو كيوت]

والله انا مثل حالتج ابي قطوه بس امي ماترضى بروح احاول فيها لمن ترضى