ببجي ببجي ببجي .. اذا ما ساعدتوني برتكب جريمه بالمطبخ :"(

[sheraZia_Q8]

سلام عليكم ورحمه الله وبركاته

شلونكم بنات شخباركم ؟

مالكم بالطويله .. الله يسلمكم بيتنا صارلنا نازلين فيه 7 سنين يعني توه يديد
المهم

مطبخنا الرئيسي الي تحت قامو يطلعون فيه اشكال وانواع الحشرات :eh_s(16):

مو صج والله

كل ما ادخل بسوي لي اكل تنط لي حشره واصااااااااااااااااارخ.. بس عشان ايييون اهلي ويذبحونها @@! :eh_s(2):

بس خلاص نفسيتي تعبت ادخل المطبخ اطالع يمين ويسار لوووول اخاف لا يطلع لي شي
الوضع لا يطااااااااااااااااااااق

وامي لاعت جبدها المسكينه .. قبل عزيمه اخوي حق الريايل((المناسبه زواجه)) بيوم واحد .. امي دخلت بتنظف المطبخ فتحت الكبت ولا يطلعون اشكال والوان الحشرات انصدمت زين ما وقف قلبها بعد عمري

وقامت تنظف وزفت الخدامه شلون غافله عن هالمكان

بس خلاص من بعد هاليوم .... لازم كل ماادخل المطبخ تنط لي حشره ويييييييييييييييع لاعت جبدي
اخاف اكل واغسل الصحن والاكل 10 مرات يالله اكل ببجي :eh_s(11):

عفيه ساعدوني شالحل ؟ عشان نبلش فيه انا وامي بعد امتحانات اخواني الصغار ما تخلص ... وشكرا



وبنات مابي وحده تنقزلي وتقولي الغلط من امج شلون ما تنظف ومن عالحجي :eh_s(4): امي اهيا تغسل ملابس اهيا تطبخ وتدرس اخواني وتجهزهم
اهيا تصف الملابس بالكتب
اهيا تنظف غرفتها وحمامها الخاص ما تخلي الخدامه تقرب صوبه

يعني اهيا ام السنع اشوف واحده تقول عنها شي غلط يويلها

بس خدامتنا مسؤله عن تنظيف غرفنا وتنظيف المطبخ .. كله منها هالحشرات الوصخه

 

[JANAA]

حبيبتي في شركات وايد حق مقاومة حشرات المنزل بالوسيط دقوا عليهم اهم عندهم الحل
او انا استخدمت ابره موجوده بمركز سلطان والاخوات هني بالمنتدى تكلموا عليها وفعلا عملية كتير اسمها كومبات ابره فيها جل للصراصير والحشرات انا كان عندي بالمطبخ بداية صراصير صغيره وفعلا حطتيها بالمطبخ ما شوفت ولا صرصور جربيها وان شاء الله وانا مثل الوالده كل اشوي انظف المطبخ ما اعتمد على الخادمه بس الحمد لله استخدمت الابره ومفعولها كتير حلو

 

[ام زهقانه]

جيبي شركه ترش البيت

 

[krkooora]

دقي على هذيله مكافحه الحشرات يرشون المطبخ كله و اذا عندكم بواليع وايد بالمطبخ يكتون فيها ماده و دايم سكرو البواليع اهيا اللي اتيييب الحشرااااااات

 

[yuoni]

الله يعينك لايكون عين بس

 

[بخـــارى]

لاحبيبتي ظهور الحشرات بالبيوت ماله علاقه بالنظافه اصلا بالعكس كل ماتنظفون المطبخ يطلعون لانكم بردتم السيراميك واهمه يطلعون بسبب الحر مقموتين داخل لووووووووووول ترى من صجي ماتغشمر وبسبب يجمعون اكل للشتا
الحين شيلي مواعينكم وغسلوهم وظبوهم ابكراتين
وخا اتيي شركه ترش البيت وياليت تكونون بعاد عن المطبخ لويوم
وان شاءالله يموتون

 

[بسكوت بطعم التوت]

حبيبتي انصحك بالجارةبلا شركات بلا خرابيط تاكل فلوس على الفاضي وشوي الا هم راجعين تلقينها عند الصيدلية البيطرية اسمها الجارة خطيرة شوي يعني تكتونها وتطلعون من المطبخ وتسكرونة وبالصبح تبدون تنضفون وتغسلون عادي وقولي للنمل والحشرات باي

 

[sheraZia_Q8]

مشكورين حبيباتي ماقصرتو وانشاءلله بعرض هالحلول على أمي عشان اول مايعطلون إخواني الصغار نبلش بالمطبخ ماقصرتوو :********

 

[ديانا سبنسر]

جيبو شركة ترش البيت

 

[فيونكه الماسيه]

اذا مطبخكم الكبتات مو استيلس من داخل راح يطلعون ويردون بعد فتره من التنضيف

 

[Killer^Girl]

كل يوم رشي مبيد حشري
كل يوم كل يوم خصوصا بالاماكن الي تحسين انها السبب
مثلا حفر او داعوس او فتحه بالخشب
وراح ينقطعون انشالله

 

[قطوة@@]

الله يعينكم انا قريت موضوعكم و باقول للوالده اجيك عالمطبخ خخخخ خفت و الله

 

[{هتًان}]

شوفي انا جبت شركه ورشت وراحت والحال مثل ماهو

بعدين مرت اخوي انصحتني في ( بايجون ) طبعا شيلي قشج كله ورشي عدل

عقب ان شاء الله ماتحصلين واحد يوطوط في المطبخ ولا البيت

​