ببتسافرين اوربا ومع عيالج..تعالي نرتب اغراضنا وبالصور

[وافية*]

السلام عليكم

اول شي اجازة سعييدة انشاللة للكل
السفر بالصيف ولفترة طويلة ممتع ولكن لازم تنظمين نفسج وترتبين اغراضج بحيث ان السفرة ماتصير متعبة بسبب كثرة الجناط والاغراض عشان جذيةخلونا نتشارك بوضع افضل الطرق والاشياء الظرورية اللي تحتاجينها بسفرتج بترتيب ونظااااااااام وبدون دثرة واجياس مالها داعي...
نبدأ بسم اللة...
اول شي طبعا تحتاجين طقم جناط ذربة للسفرة وماانصح بجناط الفيبر القوية لانها ثقيييلة من غير لزمة

ثاني شي جنطة عملية تشيلينها بايدج حق المطار اذا عيالج معاج تحطين تبديلاتهم والعابهم مع اني افضل عيالي كل واحد جنطتة بروحة خفيفة معلقة على ظهرة

ثالثا جنطة للماجلة الاكل والصحون والقفاش وهالسوالف لان في ناس يحبون يسكنون شقق ويطبخون خصوصا باوربا وهذي خليها فيبر قوية عشان الاغراض ماتتكسر بالشحن

وتحتاجين حق عيالج بعد....

دراجةوكرسي للسيارة اذا بتاجرون سيارة لان القانون يمنع البيبي يركب السيارة بدون كرسي

المخدة الصغيرة حق الطيارة او بالسيارة ينامون

سرير البيبي الصغيرون اذا بيبيج اصغر من سنتين

مظلات حق المطر

لبس المطر عشان لاتتبلل ملابهم ويستبردون وهذي من تصويري توني شريتة من دايسو ب600 فلس

وهم بعد اخذ معاي صدرية الاكل مالت الروضة عرفتوها حق ولدي عمرة اربع سنوات بس من ياكل شي اللة لايوريكم الملابس تصير خرايط من الوصخ نفس هذي

وطبعا القبعة والقلوفزات والسكارف مع الجاكيت للقمم الثلجية

الحين عشان ترتبين جنطتج وتوفرين مساحة حطي الملابس كلهم بجيس الضغط واشفطية بالمكنسة الكهربائية وراح تلاحظين الفرق بالمساحة وتلقونة مكود عند دايسة ب600 فلس واحجام مختلفة وطبعا تحطين فية بعد الشراشف واجياس المخدة لانج بتحتاجينهم هناك مااظن في احد يرضى ينام على شراشف الفندق بعد هالامراض اللة يكافينا الشر

تحتاجين بعد الجيس البلاستك عشان تحطين السوائل فية مثل الشامبوات والديودرانت وهالسوالف ونصيحة روحو لبو مية تلقون عندة علب بلاستيكية فاضية عصار تنفع حق الشامببو والبلسم عبيلج فية للمدة اللي تكفيج وفية قفل معاة عشان ماينضغط بالجنطة ويخرب احسن من ماتاخذين الشامبو كلة

وطبعا الشغلات الثانية الغير سائلة حطيهم بالجيس المشبك هذا ارتب

وفي شغلة ضرورية جدا جدا باوربا كلها ماتحصلين ابريج الماي عزكم اللة للحمام فانا شنو سويت رحت دايسو ولقيت هالابيريج الصغيرون وخذيتة خفيف وماياخذ مساحة بالجنطة وضروري حق الفندق وهذا ايضا من تصويري شوفو حجمة بالنسبة لبطل الماي الصغير(بس طبعا انا قصيت شوية من المكان اللي جدام يصب الماي وبردتة بالمبرد لانة طويل حيل) وللطلعات ممكن شطاف الوضوء او بطل الماي اللي ينضغط مثل العصير بمركز سلطان موجود

اممممممممممممم وبعد وبعد مادري اي تذكرت غطاء المرحاض عزكم اللة موجود بالجمعيات وفي بنات هني يبيعونة

واكيد سجادة الجيب اللي يبيعونها الخوات بالمنتدى

وبوصلة تحديد اتجاة القبلة

وطبعا لاتنسون اهم سي تدشين عالنت وتسوين برنت لمواقيت الصلاة للديرة اللي انتي رايحتلها بعدد الايام اللي بتقعدينها هناك

وبس لاتنسون دعاء السفر وحصن المسلم والقران الكريم
وتروحون وتردون بالسلامة
ياللة شاركوني باللي عندكم

اي نسيت اقولكم حصلت عداد الاستغفار عند دايسو يونس صراحة وخذيتة

بنات ترى الموضوع مومنقول كلة من تجميعي وتستاهلون ​

 

[buffy]

الله يعطيج العافية
انا بروح شوي وراجعتلج اكمل معاج
بس مايصير حق اللي بتسافر امريكا
او بس اوربا

 

[وافية*]

ههههههههههههه لاشدعوى حياج اللة بس انا من اسمع امريكا اعتفس تخرع يامعودة اللة يستر عليكم من هالوباء اللي فيها

 

[وافية*]

بنات الابريج اللي من دايسو هذي صور اوضح لة لايطوفكم خفييييييييف وعملي واللة

شوفو حجمة يم الpsp

 

[buffy]

يالله انا رجعت
وعلى طاري الوباء الله يكافينه شره وان شاء الله مافيه الا العافية
شوفي حبيبتي
انا ان شاء الله باجر سفرتي بليل وتقريبا زهبت كلشي تقريبا نفس اللي قلتيهم
بس انتي في جم شغله ناسيتهم

اولا: محول الكهربا لازم تشتؤينه لان كهربتهم مونفس كهربتنا
وبعد عندج انا خذيتلي سفره حق الطاوله عشان لبغينا ناكل لاني انا موطولين شوي يعني بنقعد اكثر من شهر

وبعد
طبعا وحطيت البوصله نفس ماقلتي والسياده بس للاسف ماعندي الصغيره
وثوب الصلاة
وشنو


امممممممممممممم




خليييييييييييييني اتذكر






اها

عيش هاهاهاهاهاهاهاهاهاهاههاهاهاهاها
وبهارات
وقهوة عريبة وتمر
ومطارتين صغار
لاني بصراحه مااستغني عن الجاي والقهوة
وعندج اليهال يملون من اكل المطاعم فبين فترة والثانية اسويلهم عيش مشخول

اذا ذكرت كتبت مع اني توني مسويتهم بس نسيت

 

[buffy]

اعيالي حطيت حق كل واحد جنطة صغيرونه حق الطياره موانتي عارفه طريج امريكا
حطيت فيها ملابس غيار حق الطياره وحطيت لهم الوان ودفتر الرسم والبسبي عشان يتسلون بهالطريج

 

[سينتيا]

لووول ذكرتوني بامي قبل الله يذكرها بالخير كانت من تسمع انه بنسافر تجهز جدرها والماجله وكنا نضحك عليها نقولها احنا بنروح مجاعه والا بنسافر



انا طبعا ما انسى الديتول بكل انواعه السائل والكلنكس والجل اكود منه لان من اشم ريحته احس بنظافه

بس بلييز انا متعوده على اوربا وهذي اول مره بروح فيها تايلند انشالله عقب 4 ايام

شنو تنصحوني اخذ حق هناك ؟

 

[سينتيا]

نسيت اقولج يعطيج العافيه خوووش موضوع لاني قاعده افررفر بالمواضيع عن جناط السفر

بس تصدقين انا ما احب الا الجناط الفايبر لان يحافظون على اغراضج ياما جربت الخام بسرعه ينشقون والا السحاب يخترب بعد تدرين من كثر اغراضنا السنه الي طافت جربت الهايبر وووايد فرق وياي كفايه اغراضج مايتبهدلون موتدرين الهود مشالله يحذفون الجناط حذاف

 

[وافية*]

اللة يسهل دربج انشاللة ويسعدج بسفرتج انتي وعيالج

بس عفية عليج تصدقين ناسية سالفة السفرة هذي ذكرتيني فيها

والمحول موناسيت بعد حطيتة

سنتيا واللة ترى لازم تاخذين ماجلة وعيش اذا مطولة تلوع جبدج من اكلهم الحمدللة عالنعمة

لاتنسين الكابتشينو والنسكافية اسرع من القهوة العربية

الاعلى طاري القهوة شلون راح تسوينها هناك عندج طريقة عملية ولا اغششج (طبعا بس حق الفنادق لان اذا بشقة عندج الجولة)

 

[وافية*]

صاجة سنتيا الفايبر يحخافظون عالاغراض بس ثقال ويطفرون بالشيل والحط

 

[سينتيا]

وافيه

اناماعرف اطبخ بتاتا لا بالكويت ولا بره الكويت والقهوه ريلي يحب النسكفيه والكابتشينو وهالسوالف يحطونها بالفندق على ما اعتقد بس زين ذكرتيني عشا اقط لي بالجنطه جم واحد

 

[buffy]

لا والله انا ماخذة ريزوؤت فيه مطبخ كامل مع معداته
لان بصراحه بنقعد فتره طويله حتن الريوق مهم لازم كل يوم ريوق فيبيله مطبخ

 

[سلطـ زمانها ــانة]

تروحون وترجعون بالسلامه

ماحصلي سفره هالصيف

 

[فيلجاويه_عسل]

يعطيج العافية حبيبتي

 

[buffy]

تروحون وترجعون بالسلامه

ماحصلي سفره هالصيف

ان شاء الله المرات اليايه

 

[وافية*]

buffy
على اي طيران رايحة انشاللة؟؟؟
عاد يبيلج فيرست كلاس (الاسعار حيل نازلة واغلب شركات الطيران مسوين عروض هالصيف قوية) عشان ترتاحين صراحة الطريج بعيييييييييييد اللة يسهل عليكم انشاللة
جنة طلعنا برة الموضوع
ياللة ذكرونا بنات بالاشياء المهمة برة

 

[buffy]

buffy
على اي طيران رايحة انشاللة؟؟؟
عاد يبيلج فيرست كلاس (الاسعار حيل نازلة واغلب شركات الطيران مسوين عروض هالصيف قوية) عشان ترتاحين صراحة الطريج بعيييييييييييد اللة يسهل عليكم انشاللة
جنة طلعنا برة الموضوع
ياللة ذكرونا بنات بالاشياء المهمة برة

ان شاء الله على طيران اللوفتهانزا عاد انا اول مره اجربها الله يستر:eh_s(1):​

 

[وافية*]

لاحلوة اللوفتهانزا لاتحاتين زوجي دايما يسافر عليها عالاقل احسن من قرمبع الكويتية بس اهم شي لاتنسين ادعية السفر وحصني نفسج وعيالج قبل لاتسافرين وتوكلي على اللة
عاد انا مو خوااااااااااااااااااافة احب اسافر بس ماحب الطيارة كلش عشان جذية ماافكر اروح امريكا تطلع روحي وانا ماوصلت لااعرف انام ولااسولف ولااكل بس قاعدة واتسمع لمطبات الهوائية اللة يبعدها عنكم انشاللة
جنة خرعتج هههههههههههههههههههههههه

 

[buffy]

لا الله يخلييييييييييييييييييييييييييييييييييييييج لاتخرعييييييييييييييييييييييييينيييييييييي
الله يسهل علينا هالطريج اللي شطووووووووووووووله
المشكله عندي وااااااااااااااااحد عسر (ولدي الصغير ) ما ادري شلون بسكته
الله الحافظ

 

[buffy]

وافية
ان شاء الله متى سفرتكم
وين ان شاء الله؟