هاااي افري بدي ....هاو ار يو -----> لغات
اخباركم يا حلوين ...اشتقت لكم
من ست شهور بحط هالموضوع ...وماكتب الله له انه يشوف النور
ياكثر بربرتي ...الله يعينكم علي
هذا سلمكم الله توسه باحد مواضيعها كانت تقول: ان الواحد المفروض ما يكتم اي معلومه عنده ولو كانت بسيطه
حلو اننا نتخلص من الانانيه ونحب للغير مانحب لانفسنا ....
لذلك حبيت اشارككم هالاكتشاف اللي ابتكرته بنفسي -----> وخر مناك يا انشتاين
اللي اخرني ان هالتجربه تحتاج وقت ....وتحتاج تصوير دقيق ...حتى اكون صادقه بتجربتي
وعشان اوصل لكم المعلومه كامله بدون نقصان ....هالحين انا مادري يمكن يكون احد يعرف هالمعلومه ....لكم انا مامرت علي ولاعمري شفت احد ينصح فيها
الموضوع بكل بساطه ... تشققات الاقدام
مافيه وحده بالدنيا ما تتمنى زي هالرجول <<<< احلمي بس
ما راح امدح نفسي واقول اني ماقد عانيت منها
هو الصحيح اني فعلا وجد ماقد عانيت منها
والسر بسيط ....اني انا من عشاق الجزم الفلات ....والشراب ...طووول الوقت طاقتن الزين بالجزمه والشراب
لدرجة انه وانا صغيره الجزمه بالشتاء ما اشيلها ابد ابد الا بالصلاة
والصيف الشراب ما ينزل من رجولي ....عندي ميزه اني انا ما احس بالحر بتاتا ....حتى بصيف الرياض
لذلك ماكان عندي مشكله ابد
عندي بعد حركه مدري هي ميزه ولا عيب علي .....انا اول ما اشوف احد ...اطالع برجوله
بالعزايم تلقوني بس اطالع تحت ....اطالع بالرجول واقزها قز اشوف هي مثاليه ولا اي كلام
مدري ليه احسها هي مقياس للنظافه وحب الكمال
كثييير اشوفهم يهتمون بالوجه واليدين ....واذا نزلتي تحت للرجول ...انواع الاهمال
طيب اذا انتي ماتهتمين لا تلبسين صندل ....البسي جزمه وريحي
الرجول اهتم فيها اكثر من وجهي ---> انتي ووجهك
{ نرجع لموضوعنا
نصيحه بسيطه كانت امي دايم تقولها واحنا صغار ...وكبرت معانا
كانت تقول { لا اشوف وحده تنام بدون ماتحط فازلين برجولها } لا اشوف وحده رجولها تنشب بشرشف الصلاة ههههههههههههه ياحلوك يمه
اككككره شي بحياتي اذا احد لبس شرشف الصلاة الروز واسمع ال..{تسك تسسسك } صوت الرجول وهي تنشب
اقولكم انا ماعانيت ابد ولله الحمد اكتفي بالنظافه والبدكير بالمناسبات فقط
حتى البدكير له طريقه عندي ماحب الالات اللي تسلخ الجلد ولا الحجر الخفاف
<<<< علي مزاج مدري وش يبي ....كلش ماحبه
الحجر الاسود هذا ....
ما احبه ولا استخدمه .....اولا يجرح الرجل
ثانيا يزيد المشكله ويزيد التشقق ....وحنا هااات يادعك
يمكن نفع احد ولو اني ما اظن ....لكن انا يسوي شوارع برجولي
وفيه هالطريقه بالمشاغل .....لو اموت ما اسويها
تشيل الجلد الميت ...وتسلخ الرجل سلخ
تتنعم كم يوم ....وعقب تصير رجلك كلها جروح ....لان الطبقه الحاميه انزالت
حشى والله لو اني لحمه يسلخوني ....ولا بطاطسه يقشروني
البطل عندي هالحجر
7
7
زي الاسفنجه بس يابسه -----> يمديكم على الوصف
لكن نااااعمه ....مهما شديتي بالدعك تظل ناعمه على الجلد
اشتريها بكميات كبيره ....لانها احيانا تنقطع من الصيدليات والاسواق ....ولو تلاحظن هالمره مالقيت وردي
حقتي الورديه قديمه واستهلكت كثييييير زي مانتو شايفين
لكن بطلع عن موضوعي واقولكم اختراع ثاني
هالحين مو حرام استخدمها كم مره وعقب ارميها والله قهر
عاد انا اخترعت هالشي ......نقشرها بالمقشره حقت البطاطس ...يمديكم علي
صدق الا قالو الحاجه ام الاختراع <<< الا قولي قعدة البيت ...مغير قاعده واخترع
شوفو وشلون صارت جديده تهبببل
{نرجع لموضوعنا اللي هو التشققات
كنت ماشيه تمام وماعندي هالمشكله ابد ابد ولله الحمد
لكن تفاجات بانها طلعت لي فترة الحمل
مو بسبب اني مهمله ....لا والله احاول قد ماقدر
لكن السبب اني وبكل بساطه ....ماطولها
ما اطول امسك رجولي
متخيلين الماساة
ولازم عشان ادهنها ولا اغسلها انادي احد يغسلها لي .....مررره صعبه اسويها
النتيجه اني بعد النفاس اذا قدرت انحني واشوف رجل اشوفها بدون مبالغه بهالشكل
بذمتكم مو شي يفجع
والله ان نفسيتي تتعب منها
اللي يصير اني اروح للمشغل واسوي بدكير ....تنظف وتروح كم يوم
لكن ترجع مره ثانيه ....صح اخف من اول ...ومع شوية اهتمام بعد
لكن ماااش ما ترضيني ابيها زبده زي زمان
اللي صار اني اجلس اتعذب وانا بس اجرب واحط كريمات وخلطات و و و و
مافيه فايده ...يمكن تنفع شي بسيط ...بس لو اتركها ترجع ثاني يوم
تعبببببت من جد تعبت
عاد وانا افكر بالمشكله ....اقول هي ما يبي لها اختراع ....يبي لها الرجل تكون رطبه
وشلوووون طيب ؟؟؟
صرت اسوي الطريقه اني ادهنها والبس بلاستيك ...اممممم نتيجه مرضيه الى حد ما
لكن نفس الطريق اكرهها لاني ماقدر امشي ....رجولي تتزحلق
وانا اكره ماعلي اني انحبس ولا اتحرك .....والموضوع مو سالفة خمس دقايق كان هانت
..... طيب وش السواة يالربع
لفيتها ودورتها ماش مالقيت حل
مرره وانا بساكو شفت الجزمه اللي تعالج التشققات ...والله اني صورتها بس مدري وين راحت الصوره ....من زمان شكلها ضاعت
لكن خفت اخذها لا تصير مثل غيرها وتنرمي بالزباله .....ولا ما تعطي نتيجه
هي تعتمد على الماء ....تبللين الجزمه وتلبسينها
عاد فكرت ارجع اخذها لكن ربي ما اراد
وكنت ذاك اليوم معزومه وابي البس صندل ومتفشله من رجولي
والا وغصبا انعم رجولي .....مابيها كذا ...قمة الاحباط والله
وتنور ببالي فكره
-----> وخرو جاكم فرانكنشتاين { منهو ذا
}
عاد هالفكره بتكلم عنها بالتفصيل بالرد الجاي
لكن عشان احمسكم
شوفو النتيجه برجولي .... وخلال اسبوع فقط
واستخدام اربع مرات بس
وترا الصوره الاولى عشان احزنكم على حالي ...كانت بعد الاستخدام الاول
من جد كانت حالها يرثى لها
الصور بالترتيب ....بعد كل استخدام اصورها ....ابد 4 مرات وصارت تلق الحمد لله
وش رايكم ..!!؟؟
بذمتكم موب اختراع رهيب .....لا وبسيط جداااا
ومايبي له اخلطي ولا اشتري ولا جيبي ...على قولة ارتوس شعوذه هههههههه
....كله بالبيت وابسط من البساطه
والاهم استخدامه سهل ما يتعبك ولاتشيلين همه
...{ خليكم معي
