بسم الله الرحمن الرحيم,,,
اولا : الفنادق الصراحه انا جربت فندق اربع نجوم "ناطحة السحاب" وهو فندق يتكون من 77 دور اول 18 دور اسواق ومواقف سيارات والريسبشن يبدي من الدور 18 وبعدها عاد حمام السباحه والنادي الصحي والمساااج وغيره وغيره عقب الدور22 يبتدي الغرف والدور 77 المطاعم وتعالي شوفي منظر بانكوك لما تكونين بالدور 77 .
؟؟ شغله ما انساه كنت اطل من الدريشه اقول بتاكد في مطر والا لا اشوف ان ماكو مطر ولما انزل القى المطر مغرق المنطقه تدرين ليش لان المطر من السحاابه اللي تحتي ؟؟ جدامه مجمع وبره كله بسطات روووعه .
بس اذا معاج يهال لا تخافين لان شبابيكهم ما تتبطل .
الفنادق القريبه من شارع العرب " شارع غريس " بس ما انصج فيها لانها وصخه ودج تروحين بس سوقها ومطاعمها وبس لانها فساد بليل .
فندق ماريوت حلو وقريب من غريس ونظيف <-- ماجربته للامانه.
فندق رويال بنجا حلو وقريب من شارع غريس ونظيف <<---- راح اجربه هالسنه ان شاء الله .ثانيا:
المطاعم : انا وريلي كنا كله نروح المطاعم العربيه لان اكلهم يهبل وحلال ورخيص .
المطاعم العربيه كلها بشارع العرب "غريس" مطعم شهرزاد,المطعم العراقي,مطعم مصري ...كلهم يم بعض ماراح اتضيعين انشاء الله.
وغيرهم بالمجمعات تلقين الوجبات السريعه ماكدونالدز,برجر كنج,بيتزا هت....الخثالثا:
المجمعات :مجمع طوكيومجمع كبير فيه اجهزه وتلفونات وملابس ومطاعم وكل شي يخطر على بالج وزحمه بس صج يسوى رووحته وبقولج على شي .. تلقين دي في دي اللي مع الشاشه سعره بالكويت 80 دينار وهناك لقيته ب 40 دينار .
بيج سي bigC مجمع فيه بدل للاطفال حلوه واصليه يعني تقعد معاج مده طويله وكريمات وساعات وغيره وغيره تقدرين تشترين من هناك هدايا لان مجمع رخيص .
شارع غريس : فيه المحلات المهمه " بخور امينه حلو رخيص واصلي " فريده علي لتقليد الماركات من الساعه 6 مساءا الى 5 صباحا اذا شريتي منها ساعه اخذيها بدون علبتها لانها بالعلبه تحسب عليها سعر زياده تحطلج علبه عاديه بدون اسم الماركه. "محل اوم لتقليد الماركات".البسطات والمحلات اللي بالشارع نفسه .
سوق الليل "البات بونغ" : فيه محلات وبسطات ويبتدي من الساعه 10 بليل تقريبا .حلو شريت منه تكرمين جواتي تقليد ماركه وساعات وشنط وارخص من المحلات اللي قلتلج عنهم . <<---- بدون اصطحاب اطفال لتجنب الفضااائح .
سوق الاحد ,الباتونام,السوق الصيني,
مجمع سنام ، مجمع mbk ,...الخ وهناك كثر ما تسالين يعلمونج عادي وميزتهم بسرعه يفهون عليج بالاشاره مو شرط انجليزي لان بعضهم ما يعرفون .رابعا:الاماكن الترفيهيه :دريم وورلد مدينة الاحلام ترفيهيه
سفاري وولد عروووض شيقه للاطفال حيوانات وسيرك
وروحي المكاتب موجوده بكل مكان وساليهم عن الرحلات واخذيهم عن طريق مكتب اريحلج يوفرج الوجبه والمواصلات .
وفي اماكن وايد بس انا الصراحه بس هالمكانين رحت لهم لان كنت راده من جزيرة بوكيت وشبعت من الرحلات وقضيتها سوق ومطاعم ومساجات .خامسا :
المساجات : موجوده بكل مكان باي وقت سويلج مساج فوووت لريولج شنوو راحه ويوونس ورخيص واذا تبين لجسمج كامل تقدرين تطلبينها عندج بالفندق عشان تاااخذين راحتج بس طبعا السعر دبل .
شنو بعد ,, شنوو بعد ما قلتلج عنه .....:eh_s(10)::eh_s(10):
اي صح تذكرت نصيحه نصيحه وطالعه من قلب لبسي اخف شي عندج ونصيحه نصيحه من مجرب والله لبسي تكرمين جوتي مصكر وعادي يعني تكونين حاطه ببالج ماراح تردين فيه للكويت لان راح اهو صج حر على الجوتي المصكر بس انصحج لبسي مصكر تدرين ليش بيني وبينج لاتعلمين احد وكل ما فكرتي انج تبين تلبسين شحاطه تذكري موقفي كنت ماشيه ولقيت .... زهيوي ... داااخل واااااااااااي لا تشوووفين حالتي سويتها مناحه قعدت ابجي بالسووق :eh_s(11)::eh_s(11):وريلي منقص ويه من الناس والمسكين يهديني ويقص علي يقولي خلاص ماكو شي ماكو شي والله كل ما تذكرت لموقف ضحكت على نفسي اشلون ابجي بالسوق وقعدت طول اليوم منسده نفسي من الاكل وطول الليل احلام ........:eh_s(2)::eh_s(2):.....
انا ناويه هالسنه ان شاء الله البس عبايه مصكره للسوق اريح واخف
:eh_s(21)::eh_s(21)::eh_s(21):
واي خدمه ثانيه من عيوني اي سؤال قولي لا تستحين ادري قرقتي ما تخلص .... هههههههههه
