بانتحاري راح يتأثرون ولا لأ ؟

[حدي متوهقه.....]

بسم الله الرحمن الرحيم
السلام عليكم ورحمه الله وبركاته

شلونكم يا عضوات ان شاء الله كلكم بخير ...

اولا هاذي مو عضويتي عضويه وحده من رفيجاتي ...
المهم انا ابي استفسر عن شي وهو بالنسبه لي انا شخصيا مهم ... وما ابي اي وحده منكم تعلق او تستهزء فيني لان هذا قراري انا .. ! وانا ما نزلت الموضوع الا محتاجه اجابه ...

اولا انا بنت عمري 18 وعندي اخت توها متزوجه ما صار لها حتى سنتين .. وهي اكبر مني وعندي 3 خوات اصغر مني وحده منهم بالثانويه ...!
انا بعد تفكير طويل قررت اني انتحر وهذا شي خاص فيني ورجاء ادري انه هذا حرام والله ما يرضى بس ... خلاص قررت وانتهى! وطبعا ما قدرت اناقش اختي بالموضوع هذا ... فحبيت اعرف منكم ....!



سؤالي : بأنتحاري هذا ...خواتي راح يتأثرون ...يعني راح يوقف نصيبهم لا سمح الله..
وانتوا يعني ما شاء الله متزوجات وادرى بالحريم ونظراتهم يعني برايكم راح يتأثرون ؟ ومن اي ناحيه راح يتأثرون بذات ؟... ولا الي الله كاتبه يصير ان شاء الله وماله شغل بهذا الشي ..

الي تقول راح يتأثر يا ليت تشرح لي شلون ؟ والي تقول لي ما راح يتأثر هم بعرف شلون ؟



وشكرأ مقدمأ

ملاحظه : ما ادري اذا هذا القسم المناسب ولا لأ حق الموضوع ^^"​

 

[Tom ♥ Jerry]

,


جنج قاعد تقولين انا قررت آدش جهنم !
خلي تفكيرج آكبر من جذي

 

[ŦSЩД3УФИУ]

الحمـد لله و الشكـــر !!
لا ماراح يتأثرون ابـد بس انتي
يا انـج بتنشويــن شـــــوي الله يعينـج عليه





..





​

 

[ŦSЩД3УФИУ]

ارجوج اختي اقري هالكلام
بس اقريه منتي خسرانةة شي



المنتحر والعياذ بالله قتل نفسه عمداً بغير حق وانتحاره من سفاهته لأنه بانتحاره يظن أنه يتخلص مما هو فيه من المحنة والضيق لكنه يتخلص إلى شئٍ أضيق وأشد محنة فهو كالمستجير من الرمضاء بالنار وقد ثبت عن النبي صلى الله عليه وعلى آله وسلم (أن من قتل نفسه بشيء فإنه يعذب به في نار جهنم خالداً مخلداً أبداً فيها) والعياذ بالله





..




​

 

[منـــاي]

بعد رمضان يصير خير الحين فشله تنتحرين

 

[جنون العاطفه]

الله يهديج

اعتقد محد بيتاثر غيرج ​

 

[الأميرة جوري]

واااااااي الحياه حلوه و الجنه احلي ......تبين دشين القبر ويضيج عليج وتفوح عليج ريح من جهنم تتعذبين ما اقول الا الله يهداج ...روحي لشيخ ساليه عن الانتحار وبعدها قررري

 

[ام فواازي]

اعوذ بالله من الشيطان الرجيم
انتي صاحيه تقولينها بكل برود بنتحر اعنبوج ماتخافين ربج
روحي و ولعي الجوله وحطي ايدج عليها بتتحملينها؟
اذا اي روحي انتحري اذا ماتحملتيها فكري ان هذا مصيرج لين يوم القيامه تخيلي يحطونج بحفره متر بمترين وانتي منتحره ياهي بتظلم عليج و تضيق
وخواتج اكيد بتتسببين عليهم لان هذه فضيحه لاهلج و بيتمون يدعون عليج عمرهم كله يعني فوق ذنبج اللي سويتيه بنتحارج غير ذنوبج بدنيتج لان اللي تفكر بالانتحار هذه اتوقع ذنوبها ترس الكويت فوق هالذنوب تجيج دعوات خواتج عليج
بصراحه مااشوف شي يسوى الواحد يذبح روحه عشانه الدنيا تدور وتغير من حال الى حال
اذا كانت ضايقه عليج وكوني واثقه انها بتتوسع عليج

 

[* ليــــدي *]

خواتج يوم يومين ينسونج ويلهون بحياتهم
بس انتي شنو مصيرج عند الله ؟
الله يفرج همج ويهديج

 

[خالتي قموش]

فرشي سجادتج وصلي ركعتين لله
ترتاحين فيهم
الا بذكر الله تطمئن القلوب
ماكو سبب يخليج تنهين حياتج و تدشين النار
هذا كفر
بين تكونين كافره
كلنا ببنموت
لاحقه على ظلمة القبر

اما عن خواتج بتجيهم الاتهامات من كل صوب
بيطلعون عليج سوالف
واهلج بيتاعيرون فيج

نصيحه تعوذي من ابليس و صلي النبي
وتركي عنج هلافكار
روحي توضي و صلي واحنا في العشره الاواخر
الل يهديج يختي
ماكو شي يستاهل

رحمة الله واسعه

 

[ناتشوو]

استغفر الله العظيم
الله يصلح بناتي وبنات المسلمين
اللهم امين

 

[KOKO_284I]

انتي مو خيفه من الله وتبين اتعارضينه وتنتحرين

بتكونين خايفه علي خواتج

يعني اذا قلنالج هالشي بيوقف نصيبهم ماراح تنتحرين

روحي بالمطبخ وحطي ايدج عالجوله اذا اتحملتي حرارتها راح تتحملين نار جهنم

الله يهديج ان شالله واللي عنده رب العالمين مو لازم يكون انسان يائس لان مافي احد يستاهل

 

[نونه المنكوشه]

حبيبتي اجلي الانتحار لي العيد وبهالايام استغفري باليوم الف مره وصلي وصدقيني اذا ماحسيتي براحه وبتحسين قرارج مال امه داعي واذا ع خواتج واهلج محد بيتاثر اله بيقولون مريضه نفسيا وماعليها حرج وبيزعلون عليج جم يوم وبعدين بيعيشون حياتهم وانت اللي بتاكلينها

 

[VET-Nour]

روحي صلي ركعتين ترتاحين وادعي ربج
والله لو فيج اهموم الدنيا تروح بالصلاه
اقري قرآن
قوليلنا شنو مشكلتج؟ راح نساعدج و لو ب دعاء عالاقل

الله يفرج همومج و يبعد عنج هالفكره : )

 

[♥MaSteRiyA♥]

البنات كفوا ووفوا
الله يهديج بس

استغفر الله ربي وأتوب اليك​

 

[خيال و مطر]

راح اجاوب على قد السؤال
راح يتأثرون مو شويه حيييل و راح تخربين حياة كل وحده فيهم و خواتج محد راح يتزوجهم لأن الناس بنظرهم ان خواتج نفسج و لأنكم نفس التربيه
و منو راح يرضى يزوج ولده وحده اختها منتحر*

 

[منــال]

حبيبتي إذا احنا نعاني من مشاكل بهالدنيا فمو معناته ان احنا ننهي حياتنا لان عذاب الآخره أشد من عذاب الدنيا ولو تشوفين او تسمعين عن عذاب الآخره ما اعتقد تفكرين تنتحرين حبيبتي والله انا مريت بمشاكل واكتئاب انصحج بالدعاء واللجوء لله سبحانه لان اهوااللي بيده كل شي واهوا قادرسبحانه على تفريج همومج حبيبتي شيلي الانتحار من راسج لان الندم ماراح يفيدج بعدين وماراح ترد لج حياتج مره ثانيه عسى الله يفرج همومج وكل مسلم يارب ويخلي حياتج كلها سعاده طبعا سعاده طاعة الله لان بطاعة الله بنشوف الدنيا احلى بوايد حتى سألي الملتزمين بهالشي إذا حسيتي بضيقه اشكي لربج وادعيه وصدقيني بيتغير حالج إن شالله وخلي عنج الشكوى للناس لأنها ماراح تزيد جروحج إلا جروح صدقيني وسألي مجرب

 

[kyan]

ترا والله يااختي مافي شي يستاهل تخسرين حياتج عشانه

تاكدي اذا كنتي الحين مضايقه من شي والا خسرتي شخص معين .. الله سبحانه راح يجيبلج اللي احسن منه

مافي مشكله الا ولها حل
موسيدا تنتحرين ,, ترا مو لعبه هالسالفة

الله يهديج ويصلحج ويكون بعونج

 

[عادت ذكرياتي]

أستغفر الله وأتوب إليه


ولا تلقوا بأيديكم إلى التهلكة ))

 

[لمسات فتاة]

ليش بتنهين حياتج بيدج وتروحين لجهنم !!!

ماكو شي بالحياة يسوى انج تنتحرين مهما كانت مصايبج
الله اذا احب العبد يبتليه ليرى مدى ايمانه وقوته وصبره
افرشي سجادتج وصلي ركعتين وادعي واشتكي لله

ورددي (لا اله الا انت سبحانك اني كنت من الظالمين ) (ربي اني مسني الضر وانت اررحم الراحمين)

شوفي الفرق بينج وبين الناس الي تدعي خصوصا الحين برمضان (اللهم اعتق رقابنا من النار) وانت بتروحين بنفسج للنار !!!

ترى يمكن ماتموتين يمكن تنشلين يمكن تدخلين غيبوبه ويمكن تتشوهين ويمكن يمكن ماتدرين !!

ترى مابعد الموت راحهه لااا بعده حسااااب وعقااااب

نصيحه لا تضيعين عمرج واستغفري ربج ..
وسبحان الله شلون اذا روحج تقبض يبشرج ملك الموت بجهنم !!

احنا اذا جرح بسيط شوفي شيصير فينا شلون بعذاب نار جهنم !!

بعدها مايفيد الندم
تعوذي من الشيطان ولا تخلين بليس يوسوس فيج