بالون و لا تحزيم بلييز فيدوني

[It'S Me]

السلام عليكم بناااات

شلونكم شخباركم ؟؟

الصراحه قررت اسوي عمليه بس عشان اضعف :eh_s(2):

انا طولي 156 و وزني 75 يعني يبيلي 20 - 25 كيلو

بليز لا تقولولي رجيم مو لانه ماعندي اراده بس والله اسوي رجيم شهرين ينزل وزني 6 كيلو بس يعني قمة الاحباط ماعدت نفس قبل (قبل الزواج و الولاده) كنت اضعف بسرعه الحين انزل 6 كيلو و اقعد شهر ثابت وزني و والله مليييت من شكلي :eh_s(16):

و ترى على فكره حق طولي و وزني انا اعتبر من السمنه المفرطه سألت الدكتور فيها و قالي ايي سمنه مفرطه :eh_s(2):

عشان جذي ابيكم تنصحوني ايهو احسن البالون و لا تحزيم مادري حلقه !!!

ابي منو احسن دكتور يسويها ؟

و جم تكلف ؟

واللي سوت عمليه منهم بلييز قوليلنا تجربتج شكثر نزلتي و شلون العملية تعور ولا لأ؟؟

و فيها خطوره ؟

و شنو انسب عملية حق 25 كيلو ؟؟

و ترى مو تقولون موضوع متكرر حاولت ادور عن مواضيع عن التحزيم (الحلقه) بس اغلبها من 2009 و انا ابي وحده توه مسويتها تعطينا من خبرتها سواء من الاسعار و المستشفيات و غيره

و شاكرتلكم

 

[شوشه منفوشه]

سوي بالون ماتعتبر جراحه اهي منظار ومدتها 6 اشهر

انا مسوتها صارلي شهر نزلت 10 كيلو وانا وزني كان 73

 

[mizyana]

ترى الحلقه صارت قديمه ومحد قام يسويها والبالون تحسين بلوعه على طووول​

 

[It'S Me]

مشكورييين حبيباتي على الرد

شوشه منفوشه ممكن تفيديني اكثر عند اي دكتور سويتيها و ممكن تقوليلي بجم كلفتج اذا ماعليج امر و يعور و لا لأ؟

ميزيانه عيل شن، تنصحيني فيه ؟؟؟

 

[It'S Me]

بنااات تكفون انا ماييتكم الا لانه صج مالي غيركم يفيدني و نفسيتي صفر
والله مو معقوله 25 وحده شافت الموضوع و ماكو الا 2 اللي ردو علي ماقصروا :*

بس ابي اعرف منو احسن دكتور و بحروت الجم بتكلفني و صج في ناس يقولون راح امتن عقبها !!!
اكييد انا اذا نزلت وزني ماراح اخذ راحتي بالاكل لانه ماياه بالساهل
بس الشي اللي مضايقني انه يقولون ماتضعف غير 8 كيلو !

 

[شوشه منفوشه]

هلا حبيبتي سويتها بطيبه كلينك عند د. محمود البدوي
كلفتني كلها مع التحاليل 900 دينار مع اقامه يوم
اول اسبوعين كل ترجيع لان للحين البالون ماخذت مكانها

بعد الاسبوعين عادي يوقف الترجيع ويعطيج نظام غذائي تمشين عليه وكل اسبوع اتراجعين الدكتور

بس يبيلها اراده و قوة تحمل

 

[sugar&spice]

هلا اختي

أنا كتبت موضوع قبل جم يوم عن نفس النقطه للي وزنهم تحت ال ١٠٠

انتي بالنسبه لج ماتصلحلج التكميم السليف ماتحتاجينها ،،، اكو الحين جراحه يديده اسمها طي المعده gastric plication وانا قاعده اسأل عنها بكل مكان تناسب اللي ماعندها اراده من طقتنا

أنا طولي ١٦٠ ونزني ٨٥ ستار وساراي ٣ سنين كلشي سويت عشان اضعف بس انزل جم كيلو ومحلك سر

أنا سألت عنها ت و٩٠٪ راح اسويهااا

أنا سألت عنها هني بالمنتدي محد عطاني ويه

بس لتأكد من شغله بخصوص الحمال اذا أوكي راح اسويهااا حيل قريب

وأي استفسار أنا حاااضره*

 

[sugar&spice]

وهم بخصوص الحلقه مانفعت مع الكل تراا بس هم تناسب اللي وزنهم تحت ١٠٠

وانتي وكيفج

 

[sugar&spice]

:eh_s(22):توني اشووف البدلياات اللي انا كاتبتهاا سوري

 

[بتبوتااا]

الحلقه فاشله مو مع الكل تنجح واعرف ناس سوو إلحلقه وبعدها سألوها وسوو تحويل ولا تكميم

سالي اكثر عن البالون ياقلبي وان شاء الله تنزلين بصحه وعافيه

 

[It'S Me]

sugar & spice
مشكووورة حبيبتي على الرد اي والله احس توهقنا يعني احس 25 او 20 كيلو مايسوى جراحه و يشقونا بس تكفين اذا سويتيها بلغيني بلييز اذا عادي عقبها حمال و مايأثر ان شالله انا وراج و عادي عادي كلنا بالهوا سوى بالبدليات

بتبوتا مشكووورة حبيبتي ايي هذا اهوا انا بسأل عن البالون احس اهيا انسب شي لي بس ودي لو احد يقولي عن احسن دكتور

مشكورين بنات على ردودكم :***

 

[om MaRyooM]

بالنسبة للبالون وايد سالت عنها وقريت مقابلات بالمجلات وهذا اللي استنتجته:



*تسبب ترجيع مستمررررر .. والغالبية مايتحملونه فيرجعون للعيادة ويقولون للدكتور يشيله

*يسبب ريحة بالفم جدا قوية .. ليش؟ لأن بقايا الاكل تتراكم عالبالونة فتتخمر وتسبب هالريحة الفظيعة
والحل 24 ساعة علللج

* عقب مايشيلون البالونة وعقب مانزلتي وزنج رح يرد الوزن اضعاف . . ليش؟
لأن المعدة تفخوها بالبالونة يعني بالعربي تغير حجمها وصار كبيييير وهذا اللي يعطيج الشعور بالشبع
ومجرد مايشيلونها رح تظل فترة المعدة كبييرة فبتلاحظين نفسج تاكلين وااايد ورح يرجع الوزن اكثر من اول



للامانة هذي الاشياء اللي حصلتها وحبيت افيدج
وعموما كل الدكاترة يقولون أأمن طريقة التكميم وانجحها

 

[It'S Me]

عمري ام مريووم مشكووره و ماتقصرين انا الحين للامانه بديت رجيم اذا نزل وزني عليه والله بكمل بس اذا مانزل راح اضطر اني اسوي عمليه لانه نفسيتي وايد تعبت من الوزن الزايد