بالنسبه لغيابي شلون ؟

[Blonde B]

السلام عليكم
انا بسوي عمليه وبغيب 3 شهور
بسببها لاني ماراح اقدر اتحجى "جراحة فك"
فابي اسأل شنو لآزم اسوي قبل لا اغيب ؟؟
عمليتي بخاص
يعني اقول لرئيسة قسمي ولناظره
او اغيب ؟
او شنو ؟
هل معاشي بينقطع او لآ ؟؟
شكرآ​

 

[@ الرسامة @]

رد : بالنسبه لغيابي شلون ؟

غياب 3 اشهر بدون لاتبلغين المدرسة وايد ماينفع

سوي مجلس طبي

وبعدين لازم المدرسة تعرف سبب غيابج


وماتشوفين شر

 

[ام عفاف الكويت]

انا عمليتي كانت 3 اشهر
بلغت الاداره عشان يحطون بدالي بديله
بدال مااضغط على القسم والابلات حرام
وبعدين سويت عمليتي وبعد مانتهيت اعتمدهم بالمجلس الطبي واخذت اجازه طبيه شهرين واخر شهر صار تدهور بالعمليه اضطريت اقعد بالبيت والحمدلله الخصم ماشي ماشي بس الصحه الحمدلله على كل حال اهي اهم من الفلوس
وبالنسبه للمدرسه كانت متفهمه ماشاء الله والحمدلله
والله لايعودها

 

[اريج الجوري]

رد : بالنسبه لغيابي شلون ؟

قدمي مجلس طبي ,,,


مايصير تغيبين بدون لا تبلغين الاداره يسولج انقطاع عن العمل وتنفصلين ,,,


ما تشوفين شر ان شاء الله ...

 

[الفنانة لؤلؤة]

بلغي الإدارة حبوبة عشان ما يسجلون فيج إنقطاع ولا تتأخرين بتسليم الطبية ،، وبعدين طلبي تحويل المجلس الطبي قبل لا تنتهي طبيتج أو وقت ما تسلمين الطبية الإدارة،، تعبين نموذج عندهم في المدرسة ويختمونه >>> مو شرط إنتي تروحين أي أحد بدالج عادي يخلص لج هالسالفة بالمدرسة والمنطقة

وبعدين روحي المجلس الطبي عشان يعتمدون الطبية وما يصير عليج خصم،،، ولو إني أعتقد على هالقوانين اليديدة ما راح يعتمدون المدة كلها

ما تشوفين شر حبوبة الفلوس تروح وتيي وأهم شي الصحة >>> على فكرة لغاية السنة إللي طافت كنت مدرسة وهالسنة ببدايتها إستقلت ومريت بسوالف الطبيات والخصم إللي ماله نهاية

الحمد الله على كل حال