بالشهر الول وفيني امساك

[عسولةريلي]

السلام عليكم
أرجوكم ساعدوني
أنا حامل بالشهر الاولوهذا اول جمل لي
وفيني أمساك ​

شنو تنصحوني فيي اخذه تعبت وايد ​

 

[joorey]

مبروووك الله يتمم عليج

انا اعاني نفسج وهالشي طبيعي مع الحمال لا تحاتين
شربي عصير برتغال واكلي عنب وشربي ماي وايد
هالاشياء تسهل

 

[ام رينـاد]

صارلي نفسج بحملي

وقالي الدكتور

حاولي تشربين ماي وايد

أكلي الفواكه مثل التين والبرتقال والعنب والكيوي وابتعدي عن الموز والروب والاجبان لانها تسبب الامساك

وحاولي تاكلين الخضراوات مثل الخس والبقدونس والجرجير لانها تساعد في حركه الامعاء

وانشالله يروح عنج

 

[رقة ورد]

انا اكثر شي استفدت منه عصير برتقال وسكر وتسوين لك باميا والله حيل ارتحت منها

 

[لسووعه]

كثري عصير برتقال على طول اطلبي من مطعم عصير برتقال كبير ومع كل و جباتچ اشربيه واشربي ماي

 

[ملاك ^ الحب]

كثري ماي و عصير برتقال

 

[عسولةريلي]

أشكركم خواتي وما قصرتو بالرد عليي

اليوم شربت عصير برتقال مع جزر

وكليت خس وعنب
بس خفت من برتقال اشوه طمنتوني

ادعولي أنا خايفه من قبل أمس ياني عوار بطن مو طبيعي قعدني من النوم مع عوار بأريولي خفت بس مارحت الطبيب
الحين خايفه فيني شي او الجنين ​

 

[وحده كويتيه]

ديري بالج حبيبتي الامساك مو زين مع الحمال بس مثل ماقالوا البنات اكلي برتقال افضل من العصير وانا والله عطوني ادويه وتحاميل للامساك ما سوولي شي كثر الكيوي والبرتقال والله يتمم عليج يارب

 

[عـــزآآآآآهـ]

الجرجير والمشمش وحده بوحده وكثري الماي

 

[شموخي اتعبهم]

كثري من الروب قليل الدسم والماي وربي يسهل عليج

 

[مسك اسود]

انا رايي من راي الخوات بس بضيف شغله
حطي قفشة زيت زيتون بقلاص ماي واشربيهم علي الريج وان شاء الله بترتاحين

 

[ABEER FLOWER]

الدكتورة قالت لي ألتزم بأكل الخضراوات والفواكه مثل العنب والكيوي ممتازين

وآكل روب وأحط عليه ملعقة نخالة

 

[sosowaty]

وعليكم السلام انتبهي اختي انا كان سبب اجهاضي الامساك القوي خلي الدكتور يعطيج ملين

ترا رحم عن رحم يفرق

يمكن انتي رحمج رقيق نفسي ما يتحمل اي شي

والله يتمم عليج


ادعيلي اني اولد طبيعي ر ما احتاج طلق صناعي