بالشهر الثامن والرحم مفتوح 2 سانتي ونص مع طلق

[تبطي عظم!]

السلام عليكم ورحمة الله وبركاته




تقبل الله طاعتكم حبايبي





انا حامل بالشهر الثامن من جم يوم جاني طلق كل خمس دقايق

مع شد عضلي برجلي اليمين ولمن رحت طلع طلق منتظم ولمن فحصوني الرحم مفتوح 2 سانتي


وعنق الرحم سميك بس قالولي لا ينفتح اكثر نبي ندخلج ولاده ونسيطر على الطلق واذا ماقدرنا نولدج



دخلت ولاده وسيطرو عليه الحمد لله وعطوني ابرتين رئه ومضاد وابر شكثر تعبت منهم وقعدت تحت الملاحظه 24 ساعه


والطلق يروح ويرد يالله سيطرو عليه بس الرحم فتح زياده نص سانتي صار 2 ونص وصار لين شوي


اخترعت وطلعوني وطلبو مني راحه تامه وعطوني حبوب تخفف التقلصات ادري ان الحمد لله عديت الاسبوع 34 وخذيت ابرة الرئه بس دكتوري سافر



وبيرد بعد اسبوعين اكون داشه التاسع لي 4 ايام ان شاء الله





منو صار لها نفسي وولدت بالتاسع تكفون طمنوني خايفه اولد ودكتوري ماجا




الحمد لله البيبي مطمنه عليه ومستودعته رب العالمين بيحفظه ان شاء الله بس انا مرتاحه لدكتوري حيييل


ومو متقبله اراجع عند غييره واهو ولدني بولدي قبل مع العلم جتني هالحاله بحمالي بولدي بس الرحم ماكان مفتوح


وولدت بالاسبوع 37

 

[حبيبة اهلهاا]

وعليكم السلام بعد قلبي الله يهون عليج و يسهل عليج والله مادري ماعندي فكره

 

[تبطي عظم!]

مشكووره حبيبة اهلها

ع المرور

 

[درة التاج]

الله يسهل عليك
ما تدرين وين الخيرة
الله كاتب لك تولدين عند دكتورة أحسن من دكتورك
يارب احفظ جنينها وسهل ولادتها

 

[Aloe Vera]

لاتحاتين و اللي الله كاتبة بيصير
و صدقيني ترا الدكاترة مهما ارتحنا لهم ترا مو مهمين هذا من خلال تجربتي بولادتين مع دكتورة كنت وايد ارتاح لها
و انتي ان شاء الله بايدي امينة
و توكلي عالله و ارتاحي

 

[Aloe Vera]

شوفي قصة اللي والدة في مستشفى الصباح كان عندها طلق مبكر و نامت بالمستشفى عشر ايام
كملت لي التاسع ماشاء الله

 

[iTaLiyA]

الله يحفظ جنينج و تولدين بموعدج يا رب
أنا بولدي الله يحفظه صارلي تقريبا نفسج بس أنا كنت بالسابع و سيطرو عالطلق و عطوني إبرة الرئة و وقف الحمدلله بس دشيت الثامن بدا معاي طلق بس بارد تخيلي تميت أطلق طول الثامن و التاسع و ولدت بموعدي الحمدلله و كاهو اسم الله عليه عمره سنتين لا تحاتين بس ريحي و على فكره حتى أنا دكتورتي كانت مسافره و ولدتني دكتوره ثانيه بس الحمدلله التساهيل من رب العالمين
الله يسهل عليج و يقومج بالسلامة

 

[تبطي عظم!]

درة التاج


صاجه نفس كلام امي


الله يسهل علي وعليكم يارب

 

[تبطي عظم!]

الوفيرا


قريت قصتها بس رحمها كان مسكر نفس حمالي بولدي معاي طلق بالثامن بس الرحم مسكر فعادي ماخفت


هالمره الرحم مفتوح ٢ونص هذا الي موترني والطلق خف بس ماوقف

 

[تبطي عظم!]

ايطاليا


رحمج مسكر كان او مفتوح !!

بنت خالتي كان مفتوح وولدت بالثامن والطلق جاها بالسابع


انا بولدي بالثامن جاني طلق بس مسكر الرحم فعادي دخلت التاسع اسبوعين وولدت


بس هالمره لان مفتوح احااتي

 

[iTaLiyA]

رحمي كان مفتوح ٢سم و تم جذيه لي يوم الولاده

 

[تبطي عظم!]

الله يطمن قلبج حبيبتي مشكووره

 

[Aloe Vera]

في بجري كان الرحم مفتوح ٢ سانتي من اول التاسع و بالاسبوع ٣٧ صرت ٣ سانتي و الراس نااااازل بالحوض و عنق الرحم حيل طري و سافرت دكتورتي اسبوع و تحطمت نفسياً لان قالت احتمال اولد خلاص و ظليت بالفراش ما اتحرك لووول
لمن ياني الطلق دقيت عليها الفير و لا توها واصلة من السفر هههه
ماتدرين شنو الله كاتبلج

 

[زوجة حياتي]

الله يسهل عليج يارب

 

[تبطي عظم!]

الو فيرا لووول


الله يطمن قلبج انا بلتزم بالتعليمات هههههه كله بنسدح وماراح اتحرك لين يرجع دكتوري مشكلتي اذا ارتحت خلاص صعب اقتنع

بس الخيره فيما اختاره الله




زوجة حياتي


مشكوره ع الدعوه

 

[MzOoOn 22]

عسي الله يسسسهل امورج ويهون عليج يارب

 

[برد ابو الذهب]

حياتي ما تشوفين الشر ؟ ترا عادي تولدين اول التاسع انا من ادش يومين بالتاسع أروح يولدني بطلق صناعي؟ مابقي شي وتدشين شهرج سهالات انشالله

 

[زين ودلال]

انا صارلي نفسج بالضببببببببط

دخلت المستشفى بالثامن وفيني طلق والرحم مفتوح 2 ونص

عطوني مسكن وابرة رئة

وطلعت من باجر

بس دكتورتي قالتلي ريحي كثر ماتقدرين لاتحهدين نفسج

والحمدلله ولدت باليوم السادس من الشهر التاسع

الله يتمم عليج ان شاء الله

 

[انسام الكويت]

الله يسهل عليج واللي كاتبه بيصير أختي مفروض تولد عند مدحت بس كان مسافر وولدت عند دكتور ناسيه اسمه بس الحمدلله عدت ولادتها وكانت سهالات

فأنتي لاتحاتين السهالات من ربج وحطي فبالج دكتوره او دكتور بديل عن دكتور الأساسي في حال ولدتي ودكتورج كان مسافر واهم شي راحه


عشان لا يصير ولاده قبل تاسع

 

[حنووونه25]

الدكتور مو مهم وايد اهم شي لان في غيره وخبرة
وانشالله اطيحين ابأيدي امينه
وماتدرين يمكن خيرة لج ان سافر دكتورج عاد حزة الولادة اذا يت وماكان دكتورج موجود مو شرط تقتنعين ابواحد ثاني بتكونين مضطره
بس ادعي الله يسهل عليج دايما ومايصيرلج الا العافيه
والتساهيل من الله انشالله