بالثامن ولا التاسع؟

[حنيت إلك]

السلام عليكم
بدخل على طول بالموضوع
اخر دورة لي كانت ب28-9 رمضان
طيب ...
وانا متأكده منها ميه بالميه...وكان يوم احد...
اليوم رحت للدكتورة وسوت لي سونار قالت لي اليوم تمتي الثامن؟
تخيلوا انا انصدمت سألتها :دخلت الثامن
قالت لي لا تمتي الثامن
قلت لها كيف؟
قالت لي متى اخر دورة وعلمتها..قالت مستحيل انتي حامل قبل تاريخ هالدورة باسبوعين..وهذي اللي جاتك مو دورة ممكان كان بيكون اجهاض بس الله سلمك...وتم الحمل.
اللحين شرايكم بنات
انا ببداية الثامن او بدخل التاسع...؟
تخيلوا موعد الولادة قربته 27 يوم يعني شهر
كان ب13-رجب
حطت لي ب16 جمادى الاخره..
ياربي فيدوني من صار لها مثلي
وتراني ماجهزت للحين واحس مو عارفة يعني امشي واخذ راحتي ولا كيف؟
وخاصة اني الشهر اللي طاف جاني افرازات بنية وشوية دم وقالوا لي ولادة مبكرة وكان في طلق بس الحمد لله راح وكلشي تمام ...وحتى عطوني ابرتين لرئتي الجنين...
انتظركم الله يسهل اموركن.:yaaaaaarb:

 

[الجوهرا]

يمكن صاجه لان السونار يعطي قياسات معينه للبيبي بكل شهر وقياسات البيبي مالج قياسات بيبي خلص شهره الثامن جهزي
حق البيبي مابقى شي ايام قليله وقول الحمدالله لك حتى ترضى وسهل ولادتي واقري سورة مريم عشان الله سبحانه وتعالى يسهل ولادتج

 

[ام الحلوااات]

اللـــه يـــــســـهــــل عــــلــيـــج

 

[حنيت إلك]

اوكي ...
شكرا لك
الجوهرا
طيب اقوم امشي عادي ..انا هذا قصدي واعتمد يعني لو تأخرت اخاف ولا لا؟

 

[حنيت إلك]

ام الحلوات شكرا

 

[كل دنيتي امي@]

الله يقومك بالسلامه
ويسهل عليج

 

[حنيت إلك]

شكراا كل دنيتي امي
بنات الفرق شهر مو كم يوم ولا اسبوع؟

 

[مسك وطيب]

انتي كاتبه دورتك كانت يوم واحد معناتها هذي مو دوره
نفس ماقالت لج الدكتوره
والله يسهل علينا يارب

 

[@سيدة نفسي@]

عن تجربة ،، خليج على حسبتج لأن السونار يحسب العمر على قياسات البيبي

يعني عادي انا عادة يعطوني اسبوع الى ١٠ أيام أكثر من عمر البيبي الحقيقي

بس بنفس الوقت خلصي شغلج مبجر يمكن تجيج الولادة بأول أو نص شهرج

وهذي نعمة من رب العالمين و الوحدة فينا من تدخل شهرها تبي تولد وتفتكككك

الله يقومج بالسلامة ان شاءالله

 

[Miss_Moon]

حبيبتي انتي قلتي اخر دوره برمضان رمضان السنة اللي طافت خلص بتاريخ ٢٩-٨-٢٠١١ والعيد كان ٣٠ , وانا متاكده لاني حامل بالثامن واخر دوره لي ٣٠-٨ وكان ثاني يوم العيد يعني حسبة الدكتوره صح بيني وبينج جم يوم والله يسهل عليج يارب

 

[غلا عزوزي]

اي صح مس مون اذا انا دورتي جتني ٨/٩
يعني قبل موعد دورتكم باول عشر ايام من رمضان والحين انا توني بعد اسبوع بخلص الثامن وانتي ياحبيبتي انتي توج خلصتي الاسبوع الاول من الشهر الثامن يعني اخر ٥ ولادتج

 

[حنيت إلك]

حبيبتي مس مون انا كاتبة الدورة بالهجري وكانت 28-رمضان اللي هو 9
وبالميلادي في حدود 28-8 اللي هو اغسطس
هذا اول يوم من الدورة
واللي تقول يوم واحد..لا انا اقصد يوم الأحد..انا كاتبة يوم أحد
والعيد كان الثلاثاء.. صح...
مس مون انتي بالثامن هي قالت لي اني امس خلصت الثامن؟
واليوم ادخل التاسع...

 

[ام فواازي]

حنيت لا دكتورتج غلطانه اذا دورتج كانت 28 اغسطس انا دورتي اول يوم 11 سبتمبر يعني بيني و بينج 15 و انا توني ماخلصت السابع لا حبوبه انتي بنص الثامن دكتورتج مخربطه مسحيل تحملين قبل الدوره وين قاعدين

 

[حنيت إلك]

شكرا ام فوازي

 

[خوووخه w]

حبيبتي اللي يكون اهم شي روحي خلصي شغلج وجهزي جنطه المستشفى يمكن تجيج ولاده باي لحظه

 

[المحافظه]

حبيبتي انا نفس موعدك بس 9/6)ودكتور يزورني اسبوع يقولي داشه الثامن بس الظاهر السونار يزود كم سبوع

 

[حنيت إلك]

حبيبتي انا نفس موعدك بس 9/6)ودكتور يزورني اسبوع يقولي داشه الثامن بس الظاهر السونار يزود كم سبوع

مافهمت...قصدك تاريخ الولادة؟
شكرا لكم
وحابة اسأل ماتعرفون وحده مرت بنفس الحاله؟
وان شاء الله يوم السبت بروح لدكتورة ثانية وحسب ماسمعت عنها انها شاطره مره وبسوي سونار وبشوف شتقول.

 

[الليدي فراوله]

الله اعلم انتي بالثامن الدكتوره مضيعه روحي تاكدي وشوفي دكتوره ثانيه