بالثامن والبيبي راسه فووق

[هلا 2010]

مرحبا بنات انا بجر وبالثامن
ومانزل البيبي للحوض للحين وقالتلي الدكتوره لا تمشين وااايد امشي مثل الياهل احبي منو فيكم كانت مثلي ونزل البيي

 

[really cat]

انا أول الثامن
والدكتوره أتقولى البيبي معترض
يعنى ياي بالعرض وماادرى والله نفسج بجر

 

[جذابه بنت ذيابه]

مساء الخير حبيبتي


لا تحاتين .. روحي لدكتور زكريا بدار الشفا يفره لج
انا بولدي البجر كنت باول الثامن ورحت له وفره لي ..

وصج احبي نفس الجاهل ,, الصبح ربع ساعه احبي والظهر ربع ساعه احبي والعصر احبي والعشا احبي

وهكذا والله بيفرجها لا تحاتين .. وخلج ريلاكس


وعسى الله يسهل ولادتج يارب

 

[ماحب اتدلع]

لا تتأخرين روحي لدكتورة تقدر تفرة لج لو كبر اكثر صعبة يفر وطولي بالسجود وانشاء الله يفتر

 

[هلا 2010]

قلتلها تفره قالتلي مايصير انتي بجر خلج علا الحركه هذي بس اللي اهي الحبي

 

[هلا 2010]

بنات امانه انا محتاجتلكم لا تطنشوني ابي تجاربكم

 

[pinkigigi]

عمري روحي للدكتور خل يفره مدام عادي

انا اتوقع ان الياهل بيفر بلحظه مدام تحسين بحركته و طولي بالسجود و ادعي و انتي ساجده و الله بيفرجها لج ان شاء الله

 

["*آآآنؤؤؤقهـ*"]

انصحج انصحج انصحج روحي من الحييين

عشان يقدر يفرووونه ،، روحي لدكتور محمد دسوووقي في الشهري كلينك

يفره لج ،، قبل لايكبر الجاهل ويضيق فييييه الرحم ومايفررر


حبيبتي نصيحه عجلي بعمرج ،، لايشقوون بطنج وتولدين قيصري



الله يسهل عليج وتولدين بسلااااااامه

 

[anooma_86]

والله انا مانصحج تفرينه مايسوى عليج يصير بالياهل شي
الله يسهل عليج و انشالله يلف بروحه

 

[الأميرة جوري]

عادي اختى بالتاسع ينزل راسه..........او وقت الطلق

 

[غلبانه]

انا بالسابع وقالت لي راسه فوق
قالت لاتخافي لو استمر بالثامن هنا ممكن نخاف وقالت ممكن يتحرك باي وقت
وربي ييسر لنا ويسهل ولادتنا

 

[لومية1]

حبيبتي ألحين ما يفروتن الياهل
أنه في بكري الياهل قلب بالسابع بعدين رد قلب صار راسه فوق بالثامن والدكتورة الله يسامحه استعيلت عليي بالولادة ولدتني قيصرية مانطرت عليي ولقت الياهل مستعرض قاعد يلف وانه حسيت فيه ليلة الولادة وهو يلف بس الدكوررررررررررة ولدتني قالت أحسن قبل لا إييك عوار خوا انتي قيصرية

 

[ام عفاف الكويت]

لاتحاتين طبيعي جدا انا باول التاسع يقلبون عيالي
فلاتحاتين عادي

 

[الشموخ~~]

عادي يا قلبي اول ما تدشين شهرج روحي دكتور يفرة لج ترا الوضع طبيعي الحين كل الدكاترة يفرونة لج بس مادري شفيهم الدكتورات من تقولين فرية لي يخترعون

 

[هلا 2010]

تسلموون ماقصرتوااا ريحتوني الله يريحكم

 

[موج-البحر]

الله يسهل عليج ان شاءالله ومافيه الا العافية

 

[engnera]

روحي دكتور يفرة

 

[HaMboOoSha]

آنا بعد البيبي معرض رآنا بجر
و وايد قالولي مو زين تفرينه وايد حريم سووها ومات البيبي اسمالله على عيالنا
الله كريم ان شاءالله يفر

 

[AVE.NJ]

عادي لا تحاتين
الله يسهل عليج

 

[هلا 2010]

ماقصرتوا والله كريم