بالثامن واحس مثانتي مشدودة

[حب1985]

السلام عليكم
يابنات انا توني داشة الثامن الحمد لله رب العالمين وقاعده احس باشياء غريبة
احس بطني من تحت فيه مثل الشد العضلي واصل للمثانة واذا مشيت احس فخذي يعورني
الشغله الثانية اييني مثل عوار الدورة بس خفيف شوي بعد الجماع ووقت النوم
والشغله الثالثة ان احس اذا البيبي تحرك وانا واقفة علا حيلي احس كأني محصورة وبروح الحمام وانتو بكرامة حته لو اني توني طالعة من الحمام
وتنزل مني افرازات زايده من غير ريحة ولا حكة لكنها زايده عن قبل ةساعات احس لها ملمس وساعات احسها مثل الماي مالها ملمس
منو مرت بهالاشياء مثلي بالشهر الثامن وهالامور طبيعية الحين ولا الوحده تحس فيها بالتاسع؟؟؟

 

[حب1985]

ليش فيه مشاهدات ومافيه ردود ؟؟؟؟
انا اذا دخلت موضوع ما اطلع منه الا برد او كلمة اب
او حتى دعاء
عموما يعطيكم العافية اللي شافو موضوعي

 

[beauty rose]

الله يهون عليج حبيبتي
انا كنت احس بشد بعد و عوار لمة اروح الحمام تكرمين و كله حسرانة و ماكو الا نتفه
يعني مو صج حسرانه بس عشان الثقل
و مرات احس بعوار بفخذي من داخل العظم يعورني و يروح و يرد

 

[-فلانة-]

عادي يا حبيبتي.. هذا من الثقل..
وراح تزيد معاج الحالة بالتاسع
انا وصلت لي مرحلة ما أقدر أفرد ظهري ساعات من كثر ما تكون المثانة مشدودة..
عوار الدورة هذا عادي بعد يا حبيبتي و يسمونه الطلق الكاذب
الإفرازات عادية دام إنها من غير ريحة ولا حكة، تصير شفافة وثقيلة وبالتاسع راح تزيد
لا تحاتين حبيبتي أمورج كلها طبيعية إن شاء الله
إنشالله توصلين التاسع بخير و عافية و تولدين بالسلامة..​

 

[حب1985]

مشكورين بيوتي روز وفلانة ردكم طمني والله يحققلكم اللي تتمنونة يارب

 

[english muffin]

اعتقد عادي
لاني في السابع ونفسج كلللللله جني حصرااااانة بس مافيني شي
وكله يضغط تحت

 

[t0o0fa]

انزين بنات هالاعراض لها علاقة إنه من ادش التاسع بولد

ولا راح اكمل لي موعدي

الحين توني داشة التاسع و اتمنى ما اطول

انا بعد بالضبط نفس الاعراض عندي و مرات أشير و انا امشي

مااقدر اواصل بالمشي من شدة النغزات هذي و احس بطني نزل ​

 

[miss_Ba6oOo6a]

انا كنت جذي بس الراس كان تحت ونازل نتهيا للولاده بس كنت اخذ علاج يصك الرحم يهديه لان عندي ولادة مبكره
بس ولدت ثاني اسبوع بالتاسع والافرازات هذي من عنق الرحم يفتح يجهز للولاده جيكي بالسونار يبين
وكثر ما كان ضغط بروحه بط الماي بداية ثاني اسبوع بالتاسع

 

[t0o0fa]

مس بطوطه يعني كلما كان الضغط وايد تحت و الراس نازل معناته الولاده قريبه .؟

انا الحمدلله راس البيبي نازل و ضغط على الحوض

و اتعب لما اكون قاعده و ابي اوقف او منسدحه و اقوم

هذا غير الافرازات و النغزات : (

تهقين مااطول و اولد بثاني اسبوع من التاسع ؟؟ ​

 

[وهــايب]

بنات انا عمري ما حسيت ان البيبي صاعد كله احسه بآخر البطن ومن دشيت السابع وانا احس بحركته عند المثانه وكله محصوره والافرازات تزيد وتخف طبيعي هالشي والا لا طمنوووني

 

[-فلانة-]

انزين بنات هالاعراض لها علاقة إنه من ادش التاسع بولد​

ولا راح اكمل لي موعدي ​

الحين توني داشة التاسع و اتمنى ما اطول ​

انا بعد بالضبط نفس الاعراض عندي و مرات أشير و انا امشي ​

مااقدر اواصل بالمشي من شدة النغزات هذي و احس بطني نزل ​

لأ حبيبتي ماله شغل،، انا بنتي من السابع راسها تحت وضغط مو طبيعي على مثانتي و ثقل خيالي وكاني دشيت ثالث أسبوع من التاسع و ماكو أي أعراض ولادة..
​

 

[-فلانة-]

بنات انا عمري ما حسيت ان البيبي صاعد كله احسه بآخر البطن ومن دشيت السابع وانا احس بحركته عند المثانه وكله محصوره والافرازات تزيد وتخف طبيعي هالشي والا لا طمنوووني

حبيبتي البيبي بالسابع يكون حجمه صغير و يتحرك براحته في الرحم فعادي ياخذ الوضعية اللي تريحه سواء فوق أو تحت أو على جنب،،
انا بنتي دايما حركتها على الجنب اليمين حتى الحين راسها بالحوض و ريولها أغلب الوقت ترفس يمين..
الحصرة عادي و ماشفتي شي للحين نطري التاسع :rerrerek:
والإفرازات عادي دام مالها ريحة ولا لون ولا تسبب حكة..​

 

[حب1985]

مشكورين البنات اللي دخلو علا موضوعي
الله يهون علينا يارب ويتمم علينا التسع اشهر ويسهل ولاداتنا

 

[ام الحلوااات]

اللــــه يـــهــــوون عــلــيـــج ويـــقـــومــــج بـــاالــســـلامــــه