بالتفصيييييل المملللللللل !!!!!!!!!

[المها الابيض]

السلام عليكم
شلونكم كويتيات
موضوعي اليوم للفرفشه شويه

بس عندي استفسار بسيط بالنسبه للبنات
اللي يكتبون ( قصه ولادتي بالتفصيل الممل )؟
وسبحان الله الموضوع يحصل اكثر نسبه مشاهده 

سبحان الله يعني احنا شنو بنستفيد لما نقرا ادق التفاصيل ؟؟
الحمدلله الله تمم عليج وولدتي بالسلامه
وبعدين احنا شكو؟؟!!
وبس سامحوني على الاطاله 

سبحان الله والحمد لله ولاإله إلا الله والله اكبر

 

[زبيـده]

وين المشكله؟؟

بنات وايد يستفيدون من (التفصيل الممل) وكل قصص الولادات فيها نوع من الاستفاده ونوع من الفرفشه ونوع من التنفيه

<<من وجهت نظري

 

[المها الابيض]

مادري >>>
يعني بنستفيد من >>ياني عوار الساعه الفلانيه
ونمت الساعه الفلانيه و مشيت بالممشى الفلاني مع مادري منو وقعدت الساعه الفلانيه
ويتني السستر الساعه الفلانيه
و و و و و
صح انا معاج احنا بنستفيد من بعض النصايح
بس عاد مو بالتفصيييييل الممللللللل


بس اتوقع اللي بتكتب هالمواضيع يمكن صح بتنفس شوي عقب الولاده 
*

 

[سوسن1980]

بالنسبة لي احب اقرا قصص الولاده

 

[كتالونيه]

شنو شكو؟؟؟؟
حبيبتي هالقسم للفضفضه لكل حامل
والي والده بعد
البنات يبون يستفيدون ويفيدون ....
وانشالله فهمتي وجهة نظري

 

[manoolita]

بالعكس اختي المها انا اشوف ان التفاصيل بسرد الموقف تعيشج فيه اكثر و تشوقج لمعرفة باقي التفاصيل و فعلا الوحده تستفيد واااااااااااااااااايد من هذي التفاصيل الصغيره خصوصا اللي ماعندها خبرة و صدقيني حتى اللي عندها خبره ممكن تتنبه على شغله غافله عنها ماتدرين؟؟؟
وبعدين مثل ماذكروا الخوات اهي فضفضه من بعد الويل اللي الوحده تشوفه بالولاده وبنفس الوقت من فرحتها انها عدت الاختبار هذا بنجاااااااااااااااااح
عسى الله يتمم على كل حامل و تولد بالسلامه ان شالله​

 

[يا عيون سمي]

بصراحه الموضوع حدا ماله داعي. انتي ماتبين تقرين مو لازم تدخلين علي المواضيعهم
اذا انتي ماتبين تستفيدين غيرج يبي يستفيد اكثر منج شلون نستفيد والموضوع مو كامل مافيه تفاصيل

تقبلي مروري

 

[فرفشه منعنشه]

حبيبتي اغلب الحريم حتى لو عندها درزن سبحان الله من تقرا تفاصيل مرحله المخاض ( الطلق ) والولاده والشعور اللي يرافقها شي لا ارادي يتحرك داخل كل انثى منا حتى لو هي والده وعارفه بكل هالمراحل هذي غريزه تسمى الامومه يعني لو نتعور ونذوق الويل نرجع سبحان الله وننسى ونحمل ومن نحمل سبحان الله ننسى شلون شعور الالم ونسترجع الذكريات بقصص غيرنا ونتذكر لحظاتنا بالمختصر المواضيع مو شرط تكون فيها معلومات اللي انتي متصورتها بس يكون موضوع تشاركج الناس فرحتج وتعيش معاج اللحظات اللي كنتي فيها وخصوصا الموضوع يشد الحريم البجريات اللي ما سبقت ولدت من قبل والعضوه اللي تحس انها تخاف من هالمواضيع اعتقد جدا سهل عليها توخر الماوس عن الموضوع وتنزل للبعده ^_^
وتقبلي الاراء

 

[-فلانة-]

انا شخصيا أستمتع بقراءة قصص الولادة بالتفصيييييل الممممملللللللل​

 

[كوكو لاتي]

وانا بعد استمتع 

 

[عطرالكلام]

بالنسبة لي احب اقرا قصص الولاده

سيم سيم
واحب التفاصيل
ولا بعد اتفاعل معاها
الله يسهل على كل الحوامل
:yaaaaaarb:

 

[اخت خالتهم]

انـا عن نفسي تجذبني المواضيع هذي اللي بالتفصيل الممـلللللللللللللللل

 

[Ms.electric]

و الله حتى أنا أحب اقرأها منها استفيد و منها أهيء نفسي و مادري في شعور ثاني مأقدر أوصفه
بس تقريبا التفاصيل تهون الخرعة على المرأة و شكرا

 

[L O V E]

بالعكس ماتبين لا تقرين
احنا نستانس ونعيش هالحظات مع البنيه
ونتعلم منهم اشياء

 

[شقرا كويتيه]

بالنسبه لي احب اقرا قصص الولاده

 

[المها الابيض]

يعطيكم العافيه حبايبي اللي ردوا
وآرائكم أتقبلها واحترمها

تقبلوا مروري

 

[جمالي خيالي]

انا ادور قصص الولاده واستمتع بقرايتها وافضل القصص من نوع التفصيل الممل

وايد استفدت ببجري من هالقصص ونبهوني على شغلات كنت ماعرفها

 

["Om 3AzOoZ"]

بالعكس احلى شي التفصيل الممل يخليج تعيشين القصه انا مع التفصييييل الممل.

 

[طيبة83]

انا يوم كنت حامل ما بقا قصه ما قريتها

وناسه احس بشعورهم

 

[shak!shoka]

وليش منغثه

في مليون موضوع ابي ما يشدج و لا يعجبج لا تقرينه

انا تستهويني قصص الولاده و انغث من الي تكتب بس ولدت بالسلامه . يعني كاتبه كاتبه كتبي التفصيل
متها نستفيد و اذا في اخطاء سوتها احنا انتداركها و من خلال التجربه نعرف المستشفى و عنايته وهيك يعني


و هذا منتدى شامل كل واحد ينقي الي يعجبه و يستهويه