باقي اسبوع من التاسع والجنين بالجنب منو نفس حالتي ؟؟

[نوور]

شلونكم بنات. والله اني من رديت من موعدي وانانفسيتي صفر. سويت سونار وقالي الدكتور البيبي راسه تحت بس مو بالحوض جاي على جنب مع ان موعدي اللي طاف كان بالنص ووضعه اوكي بس ينزل بالحوض ماني عارفه شسوي اللي كانت نفس حالتي وجربت شي يلف الجنين تقولي واللس نفس حالتي وولدت طبيعي هم تقولي لاتبخلون علي بالمعلومات الله يسهلها عليكم يارب
ادعولي بالتساهيل
احبكم *

 

[Eng.Kokoro]

امممم انا بجر بس ليش ماتنامين على جنب مثلا اذا اهو يمين نامي على جنبج اليسار

لانه مره قريت قصه ولاده وحده وقالها الدكتور جذي


وان شاءالله الله يسهل ولادتج

 

[tbola]

ان شاء الله البنات يفيدونج

 

[نوور]

تسلمون حياتي

 

["*آآآنؤؤؤقهـ*"]

الله يسهل عليج ،، ياقلبي

 

[بنت التوخذه]

علييج بالسجوووود وايد زين ويلف الياهل

 

[يا عيون سمي]

امممم في دكاتره تلف الجنين روحي للدكتوره ماجده اليتامي

 

[مس لوتس]

نامي ع الجنب الثاني وحاولي حبيبتي اذا قعدتي لاتميلين جسمج خلج مستقيمه حتي الوقفه واحبي واسجدي وادعي ربج وكثري استغفار وسهلات باذن الله

 

[نوور]

جزاكم الله خير ماقصرتوا

 

[الأميرة جوري]

الطلق يلفه الاغلب....لاتحاتين وتوج باول التاسع الجنين يغير اوضاعه كل اسبوع اذا مو اقل

 

[المها الابيض]

الله يسهل عليج وتولدين ولاده طبيعيه ان شاالله
مادري والله بس الدكتور ماقالج هذا الشي عادي ؟ لأني اسمع وايد حريم يلف البيبي
وياخذ وضعيه الولاده وقت الطلق

 

[الأمل باقي]

وانا بعد نفسج
راسه تحت بس جاي على اليمين وفعلا انا ملاحظه بطني منتفخ بس هالجهه
والدكتورة طمنتني وتقول عادي وقت الولادة ياخذ وضعه الطبيعي
وهم بعد انصحتني انام على جنبي اليسار لاني دايما انام على جنبي اليمين
وربي يسهل عليك وعلي ياااااااااارب

 

[هذا مزاجي]

حياتي انتي الله يسهل عليج

 

[نوور]

مشكوووورين حبايبي الله يسهل علينا يارب
الدكتور طمني وقالي احتمال يلف باي لحظه بس انا خوااافه ودي اعرف في مثل حالتي ولا لا

 

[مسك النور]

حبيبتي والله انا ماجربت هالحالة بس كذا بنت قالتلي ان الدكتور محسن طلبه لف لها الجاهل واهي بالتاسع وخلا راسه تحت ، ربي وشوفي وانشالله الله بيكتبلج الخير في اللي راح يصيرلج ، علي فكرة هالدكتور بمستشفي الامومة

 

[OM 7SO0ON]

وانا بعد نفسج
راسه تحت بس جاي على اليمين وفعلا انا ملاحظه بطني منتفخ بس هالجهه
والدكتورة طمنتني وتقول عادي وقت الولادة ياخذ وضعه الطبيعي
وهم بعد انصحتني انام على جنبي اليسار لاني دايما انام على جنبي اليمين
وربي يسهل عليك وعلي ياااااااااارب

انا مثلج قالت الدكتوره عاااادي