باص بنتى كاتبين فيه كلام شنو اسوى ؟

[محبة الاستغفار]

السلام عليكم ورحمة الله وبركاته

بنتى تروح باص الحكومه وهي في المتوسطه اليوم الصبح وانا اشوف اذا الباص فيه بنات اول لا

ولا الباص كاتين عليه كلام وبالقلم الاحمر والباص متروس بنات لا الكلام مكتوب بورقه وملزق من داخل الباص والله ما امداني اخذ عباني واغسل شراعهم عالصبح بس جد تنرفزت ولا وحده من هالبنات تكلمت وشالت الورقه ؟؟
قولوا لي شنو اسوي ؟

 

[سكارف.فوشي]

شنو مكتوب يعني كلام وصخ؟

 

[السنعة2]

بلغي الاداره علشان الي كاتبه هالكلام تنعرف وتتعاقب

 

[ريماا]

بلغى الادارة لاتسكتين عشان مايتمادون اللى يكتبون هالسوالف
وسولفى مع بنتج بالعمر هذا اخذى واعطى معاة الله يحميها من هالاشكاال

 

[سكارف.فوشي]

?????????????????

 

[غير كل الناس]

شنوووووو الكلام وديري بالش علي البنت

 

[reem.q8]

كلام موزين يعني؟

 

[مطيريه ميه ميه_]

شسالفه ؟؟ قولي اختي عشان نفهم الموضوع !

 

[محبة الاستغفار]

مشكورين حبايبي انا فهمت السالفه اليوم من بنتى ان فيه بنت وهي تعرف شكلها اهي اللي طلعت راسها من دريشة الباص وكتبت على الورقه من بري احبك موت وحاطه احرف وفيه كلمات بس ما عرفت شنو لان الباص مشي
وبنتى تقول ان الوقه اصلا ملصقه من داخل الباص بس فيها حث على بر الوالدين لكن البنت كتبت على ظهرالورقه الابيض من برى الباص
وانا كنت بروح المدرسه لكن للاسف ما قدرت لكن ابد ماراح اسكت
يعني هالبنت شهوت صورة البنات اللي بالباص واكيد بتلفت نظر هالمراهقين
اشلون جراه فيها اللهم ياساتر والمفروض يكون في الباص مراقبات يراقبون تصرفات البنات مو يخلون كل شي سايب
تخيلوا قبل كم يوم شفت مرشدات معاهم مدرساتهم يعني تصرفات ما تعجب والابلات ما يدورن عن البنات
بنتى كانت مدرستها تلح عليها تشترك بالمرشدات من حسن الحظ بنتى كانت معاي ولما شافت البنات قلت لها ها تبين تشتركين معاهم قالت لا قلت عرفتي ليش انا رفضت قالت اي وكانت مقتنعه بكلامي والبنات مرشدات مدرستها وعرفت البنات
انا ما اعمم لكن تصرفات ما تعجبني يمكن غيري يشوفها عادي كل له حريته والله يحفظ عيالنا وبناتنا من هالتصرفات الطايشه
شاكره لكم اهتمامكم