باصات لندن

[نا مريم]

سلالالالالالالام

ارجو منكم مساعدتى انا ماعرف ارقام باصات لندن ابى تساعدونى بالارقام وين تودينى اذا كنت ساكنه بالاجور رود
ماشاءالله اشوف بنات يعرفون يتنقلون فيها بسهاله:q8:
وحتى الاندر قراوند ماعرف اتعامل معاهم حتى طريقة الحجز مثلا لو ابى اروح البستر فليج شلون بالتحديد من الاجوررود

 

[mr000]

شوفي أختي آنا ماأعرف وايد بالأندرقراوند..بس بستر فيليج آنا رحت أول شي بتكسي من أكسفورد لي محطة مارليبون تالي حجزت تذكرة قطار حق بستر نورث وتقولين حق موظف التذاكر أنج تبين بعد تذكرة الباص اللي ياخذج من محطة القطار في بيستر نورث ويوديج السوق..في باصات صغيره تنطر عند محطة القطار توديج السوق وكل شوي يحرك باص وهم نفس الشي لما تخلصين من السوق بنفس التذكره يردج الباص لي محطة القطار..

 

[نا مريم]

ماقصرتى حبيبتى الله يعطيج العافيه
لايوقف

 

[منيرة خالد]

اختي

بالنسبة للباصات : عند كل محطه بتلقين خريطه انتي بس حددي المكان اللي تبين والحلو بالخرايط انها ملونه كل منطقة لها لون

اقدر افيدج باص اللي يروح لشبردبوش تأخذين باص رقم 94 مقابل بريمارك ويوصلج لي محطة رقم 81 مقابل سوق شبرد بوش


بالنسبة لقرية بستر فيلج تروحين محطة القطارات اذا انتي ساكنه بشارع اجورد رود تروحيلها مشي مقابل السيفوي شارع اسمه ميربول maryloben

اسم المحطه بنفس اسم االشارع - واحجزي منهم القطار والباص (( اللي يقص التذاكر يسألج تبين القطار مع الباص قولي اي - لأنج لما توصلين لمحطة المنطقة تأخذين بالباص واهو يوصلج للسوق وحطي ببالج الباص لي الساعه 6 المغرب بعدها ما راح تلقين اللي يردج ))


ترا سهل واذا بتروحين بالصيف بتلقين الكويتيين معاج اشكثرهم

اجازه سعيده

 

[نا مريم]

اختى منيره الله يعطيج العافية اذا فيه ارقام باصات ثانية ارجو الافادة

 

[الجعده]

باصات لندن سهله ما تضيع ومن سال ما ضاع وخاصه اذا انتى ساكنه بفندق سالى الكزنسيرج او الريسبشن وبالسلامه ان شالله

 

[0ام الحلا0]

بس يبى احد يعرفلهااااااااااااااااا

 

[أبلة كويتية]

فعلا باصات لندن وااايد سهلة

بس ديري بالج لا تقصين كل ساع تذكرة لركوب الباص

تلاقين عند بقالاتهم كرت للباص تعبينه بمبلغ معين نسيت جم

ويظل معاج فترة كل ما تركبين الباص تحطين الكرت عند جهاز بالباص

بس عن تجربة أوفر بوااااااااااااايد بواااااااااااااااااايد وإذا خلص تعبينه مرة ثانية

بالنسبة للباصات إنتي حددي المكان إللي إنتي تبينه وأوقفي عند المحطة راح تلاقين خريطة سهلة حيل حيل

ولو ماعرفتي أي وحدة يمج سأليها قولي لها مثلا بروح شبربوش جم رقم الباص تقولج ..ترى وااايد طيبين

موفقة يالغالية