باستا منوعة

[مناير^]

السلام عليكم ​

باستا منوعة ​

باستا بالبينك صوص
المقادير:
بصل وثوم مفروم
صدور دجاج مخليه من العظم ومقطعه قطع صغيره
صلصة طماطم
طماطم مطحونه
ماجي
بهارات مشكله
توابل ايطاليه
ملح وفلفل اسود
وزيت زيتون
مكرونه اي شكل تحبون
جبنة مازرولا طازجه
كريمة الخفق
الطريقه:
نشوح البصل والثوم نضع فوقه قطع الدجاج ونتبلها بالبهارات المشكله والتوابل الايطاليه والملح والفلفل
ونضع فوقهم الطماطم المطون وصلصة الطماطم ونخليها على نار هاديه لحد ماتستوي اول ماتستوي نحط فوقها كريمة الخفق ونخليها تتسبك شوي لحد مانشوف الفقاعات
نسلق المكرونه بماء وملح وزيت زيتون
اول ماتستوي المكرونه نصفيها ونحط فوقها الخلطه ونحطها في الصينيه مباشره ونضع عليها نصف كمية المازرولا المبشوره الطازجه ونقلبها
ونضع باقي كمية الجبنه على الوجه ونرشها بالتوابل الايطاليه وندخلها الفرن ربع ساعه تتماسك من تحت وتتحمر من فوق وتقدم ساخنه​

فوتشيني المقادير:
مكرونه تبع الفوتشيني
ودجاج صدور اصابع
فلفل الوان
علبة فطر
بصل اصابع
كريمة خفق
جبن موزريلا
وجبن تشدر مبشور
البهارات
ملح فلفل اسود اوريقانو كزبره مجففه
الطريقه:
اول شيء نسلق المكرونه
بعدين نحمس البصل والثوم مع بعض حتى تذبل ثم نحط الدجاج والبهارات ونحركهم الين ما يستوي الدجاج
بعده نحط الفلفل الوان والفطر نحركهم بعدين نحط الكريمه والجبن ونخليه تتطبخ حوالي 10 دقائق مع التحريك طبعا
بعده نصفي المكرونه ونرجعه بالقدر ونحط الصوص على المكرونه
يختلطون مع بعض​

مكرونة باشميل​

المكرونة
اسلقيها بمويه حاره + ملح + شوية زيت زيتون +
ممكن ماجي لو حبيتي
طريقة عمل الباشاميل
حطي زيت قد بيالة + ثلاث ملاعق كبيرة دقيق +
ثلاث ملاعق كبيرة حليب بوردة وتخلطينها في موية حارة لازم !
+ فلفل اسود + ملح + ماجي أبيض + ماجي نصف مكعب + ثوم بودرة او فرش +
لو حبيتي حطي ملعقتين كبيرة قشطة عادية
وعليك بالطعم فيها لذاذة والله ماتتخيلينها
ممكن تحطي قشطة عاديه أو قشطة خفق كلها تنفع بس أحط حاجة
بسيطه جداً
وأحيانا ما أحط لاقشطة عاديه ولا قشطة خفق بس تظل حلوة
في الأخير أضيفي بارمازان تشييز
الطريقة
لما تحطين الزيت خليه لحد مايحتَر شوي بعدها حطي الدقيق وحركَي
لاتوقفين تحريك ابد لحد مايذوب الدقيق كله في هاللحظه قبل لاتحطين الحليب
قصري ع النار مره او ابعدي الأناء نفسه اللي تعملين فيه الباشميل
حتى لايتكتل عليك !
قومي حطي الحليب سواء بودرة أو غيره قد كوب ونصف !
حتى بعد ماتحطين الحليب استمري في التحريك وحطي باقي الأضافات الملح , والفلفل , ..
اذا حسيتيه ثقيل زيدي عليه شوي مويه حارة ,
أهم حاجة النار تكون منخفضة وقت ماتحطين الحليب
وبعد ماتحطينه خليه يطبخ لخمس دقايق
بعدين اقصري عليه واذا جهز طفَي عنه
بالنسبة للدجاج
تكوني مقطعه بصل وثوم في قلاية خليهم لحد مايكون لونهم ذهبي
بعد كذا اضيفي الدجاج عليهم وحطي بهاراتك والملح والفلفل الأسود
ماجي ابيض , ماجي نصف مكعب , فلفل بارد مقطع لشرائح ,
معجون صلصة بعد كذا صبي عليهم موية حاجه بسيطه
وخليهم يطبخون لحد ماتنضج الدجاجه معاك
طريقة وضعها بالصينية
لما يجهز معاكي كل شي حطي في الصينية شوية مكرونة تكوني مصفيتها قبل طبعاً !
وصبي عليها شوية باشاميل واخليطهم مع بعض + رشي عليها جبنة من أي
نوع بتحبَي
بعدين حطي باقي المكرونة كلها بعدين الدجاج بعدين الباشاميل
وآخر شي الجبنة
دخليها الفرن ولعي عليها شوي من تحت بعدين ولعي عليها
من فوق حتى يتحمَر معاكي الباشاميل​

بالعافية ​

اختكم / مناير



منقوووووووووووووول​

 

[هيويه]

يسلموووو

جوعتيني اول صوره دوختني

 

[حلوة ومملوحة الكويت]

روووووعه
تسلمين حبيبتي
ومشكوووره،،،​

 

[أحلى همبه كويتية]

شكرا لك على حسن اختياراتك

المعكرونة بكل اشكالها حلوة وما تنمل

 

[الأميرة جوري]

يعطج العافيه

 

[Lady Bird ~]

يعطيج العافيه حياتي

 

[كيكه توفي]

مشكوره

 

[جارة القمر]

مشكوووووره

 

[ورع البدو]

يااا بووووووووووووووووووووووي


لذييييييييييذه


تسلم اللي يد اللي طبخت واللي صورت واللي نقلت واللي جوعتوها مثلي هههههههه

 

[aṕriliå]

يعطيج العافية

 

[مناير^]

بالعافية حبيباتي

ولو سمحتي اختي الي حاطتلي منقول انا مو ناقلتة (والرجاء عدم العبث في مواضيعي ) وشكرا

 

[ام عمار]

مشكورة حبيبتي

 

[زوجة عزيز]

يعطيج الف عافيه روووعه الصراحه

 

[مناير^]

الله يعافيج اختي العزيزة والعفو وشكرا على الطلة

 

[جماااانة]

يعطييج العافيييييييييييييييييييييه

 

[مناير^]

الله يعافيج نورتي متصفحي اختي الفاضلة (جمانة) ولا تقاطعين