غروب
New member
- إنضم
- 27 يوليو 2008
- المشاركات
- 1,126
- مستوى التفاعل
- 0
- النقاط
- 0
المقادير:
- دجاج صدور مقطعه مكعبات
-عصير ليمونتين
- م ك خل
- ملح وفلفل أسود وفلفل أحمر مجروش وارويغانو (زعتر بري- زعتر بيتزا)
- مكعب ماجي خضار
- بصل مفروم
- ثوم مفروم
- بقدونس مفروم
- نص علبة كريمة كي دي دي
- نص علبة صغيرة كرنيشن
- م ك قيمر
- معكرونيا (نفس الصورة)
- جبن بارميزان مبشور ناعم
الطريقة:
- أول شي نتبل قطع الدجاج بالملح والفلفل الأسود والليمون مع الخل والفلفل المجروش والأوريغانو لمدة ساعتين أو ممكن من الليل.
- نحمس بصل وثوم مع مكعب الماجي لما يتحمر البصل، واذا تحبون الأكل سبايسي حطوا مع الحمسة فلفل أحمر مجروش
- بعدها نضيف الدياي بعد مانشيله من التتبيله وراح يطلع ماي مع الحمسة، نخليه لما ينشف الماي.
- بهالوقت نسلق الباستا بماي وملح وشوية زيت، ولما نشخل الباستا نحط عليه شرايح زبدة ونخلطهم عشان الباستا ماتلزق.
- لما يستوي الدياي نضيف عليه القيمر والكرنيشن مع الكريمه ونخلطهم، واذا حسيتوا الصلصة شوية زيدوا الكريمة.
- بعدين نضيف رشة اوريغانو وملح.
- نضيف الباستا ونخلطها مع الصلصة ونرش عليها البقدونس وشوية من كمية جبن البارميزان ونخلطهم، ولازم تتقدم على طول عشان الكريمة ماتصك، ووقت التقديم نرش عليها جبن البارميزان وبالعافية،.
ملاحظة: المقادير المكتوبة حق نص جيس معكرونيا.
