باريس

[Cute_88]

بنات شلونكم
ابي جدول حق فرنسا خلال عشرة ايام بلييييز:eh_s(10):
وتنصحوني اروح بلجيكا وشكثر تبعد عن فرنسا ؟ وشلون اروح لها عن طريق مترو ولا طياره ؟

 

[Cute_88]

خبيراتنا ويييييييينكم

 

[Cute_88]

بنااات شدعوه محد رد علي

 

[_زينه_]

بعطيج جدول حق باريس

يوم الشنزلزيه و قوس النصر وبرج ايفل
يوم الحي اللاتيني و متحف اللوفر
يوم ديزني لاند

هذي 3 اسام في باريس

من بلجيكا لي باريس 4 ساعات تقريبا

انا رحت من بلجيكا لي باريس بس ماعجبتني كلش بلجيكا

 

[Cute_88]

مشكوووووووووووه زينه ماقصرتي :*

 

[ام خوووخه]

حبيبتي ليش ماتطلعين يومين حق هولندا احلا من بلجيكا بس انا سمعت ساعتين من باريس لي بروكسل و٤ ساعات لي بروج والجدول طبعا حسب وقتج بس بعطيج الاماكن عندج منطقه بوسط باريس اسمها bercy فيلج هذي ممنوع السيارات فيها هاديه وحلوه قريب من البرج وعندج غابات بولونيا وعندج القاليري لاڤييت ومجمع لافيلاج ويمه الاوت لت المجمع حيل كبير ولازم تاخذين جوله بالنهر وقصر فرساي وحديقته روعه مانصحج بقوس النصر مافي شي وعندج هضبة المونامارت مكان مرتفع روعه تشوفين كل باريس وكلها رسامين ياحلو باريس ونسمة هواها

 

[ام خوووخه]

حبيبتي زينه ماوفيتي حق باريس فيها اماكن شكثر حلوه عندج قرية bercy قريب من برج ايفل قريه ممنوع مرور السيارات فيها هاديه وعندج مجمع لافيلاج كبير ويمه الاوت لت وعندج قصر فرساي وحديقته روعه وعندج غابات بولونيا حيل حلوه ولازم تاخذين جوله بنهر السين وعندج مجمع القاليري لاڤييت وما انصحج بقوس النصر مافي شي وعندج هضبة المونمارت مكان مرتفع وكله رسامين اجواءه حيل حلوه وعموما التمشي فيها يرد الروح واذا تبين مطاعم ومحلات اكثر انا حاظر

 

[Cute_88]

ماقصرتي ام خوخه :* اي واللع يااااااااليت تفيديني اكثر

 

[ام خوووخه]

شفيني مجاوبه مرتين  حدي انفعلت حق باريس
طبعا باريس اول شي يطري عليج من سوقهم العطور روحي حق ساحة الفاندوم تلقين محل مونتال الي عند الجزيره طبعا اذا شميتي عطورهم تحسين الي عندنا ماااااي وعندهم شغلات موموجوده عندنا
وعندج باللاديفانس مجمع اسمه Qatre seseon مومتاكده من السبلنق بس هالمجمع في شغلات حلوه
والمطاعم عندج مطعم نورا واااو لبناني رووووعه اكله وحيل نظيف والقهاوي بصراحه بالشانز شكثر واشهرهم الفوكيت واذا تذكرت اكثر بحطهم حقج