باركو لي جبت لولو البيت

[ToOoTi]

مرحبا على الكل
اول شي من زمان وانا نفسي بقطوة
ومرة شفت صور البنات اهني ماشاء الله قطاوة حلوة واايد
رحت سكوبي دو وشفت قطوة حبيتها من اول مره تهبل حيل
كان حب من اول مرة
الحمدلله ريلي ماخلاه بنفسي شارها لي
اشتريتها ب 50 يقول اهي شيرازية هولندية واصلية طبعا انا ما ادري شنو ساالفة
ابي الخبيرات يقولون اذا صج هولندية ؟
بعدين بنات انا بروحي بالشقة اذا رحت زواره اخذها اول لا ؟؟
بنات انتو شنو نظامكم مع قطاوتكم بالنسبة لطلعاتكم ؟؟

 

[AmOoNa-]

ياحلالالالالالالالاته يشبة قطوتي

 

[catloverq8]

مبروك توتي
قطوتك شيرازية عادية و ماكو شي اسمه هولندية
قولي حق بو مبارك ( صاحب سكوبي دو ) استريح
و سعرها معقول جدا و هي نوعية تحب اللعب و الدلع بس حبيها تحبك
و على فكرة القطاوة مخلوقات نظيفة بطبعها فحطي لها حمامها و نظفيه كل يوم و احرصي على وجود ماي نظيف عندها على مدار الساعة
و الأكل لأنها صغيرة تأكدي المعلبات تصلح للصغار و قليلة الدسم
و على فكرة إياني و إياك تعطينها حليب كامل الدسم ديري بالك !!
و إذا رحتي زوارة تركيها بالبيت عادي لأن القطط تتعود على المكان بس شغلي لها تلفزبون مثلا بس ديري بالك الصغار يمكن بالأيام الأولى يوسخون على القنفات فأبعديها عن الصالة و السراير لين تتعلم على حمامها
موفقة يا قلبي

 

[.. Dior ..]

ياحلاته ماشالله اينن

يشبه قطوي وايد حتى انا ماخذته من سكوبي دو الظاهر اخوان ههههههههههههههه

بس شوفي الريال اللي بمحل سكوبي دو يعرف وايد بالقطاوه اكيد كلامه صحيح

وبالنسبه للطلعه انا اخليه عند الخدامه او عادي خليه بروحه في البيت بس خلي عنده الاكل الجاف الدراي فود وماي وخلي الليتر بوكس قريب من مكان اكله علشان يدله

واشتريله كور صغار ولا عفسي ورقه وعطي وايد يستانس عليها قطوي والاكياس بعد يستنسون عليها
عاد لاتطولين عليه ترا يحس بالناس واذاتعود عليج الله يعينج كله يتلزق عندج

انا قطوي لما بنام اطلعه عن غرفتي واسكر الباب لانه يطمر على السرير يخرعني تخيلي الاقيه قاعد عند الباب ينونو ينطر افتح له

الله يهنيج فيه ياقلبي وديربالج عليه

 

[شوشو الشقيه]

يسلمو
اختي تجنن القطوه
يا محلاها
يا ربي
ما شاء الله جنيت عليها
وايه عليها وايه عليها وايه عليها
من اختك شوشو الشقيه هههههههههه

 

[Ya7aLaTY]

عالبرررركه

 

[سكارف.فوشي]

يحليها حلوه عليج بالعافيه انشالله

 

[daloo3ah]

يا حلييييييييييلها واااي قاعدين تشوقوني كل يوم عن يوم على القطاوه

يحليلها تووونس الله يخليها لج يارب

 

[sweet cake]

الفال لي يااااااااااااارب

الله يخليها لج تجنن ما شاء الله

 

[كدووشه]

مبررروك

 

[ذبحني صمتي]

تهبل ماااشالله.....تتربى بعزززكم...

 

[ياعشيري جعلك السلال]

مون فيس

بس ديري بالج عليها من البرد حرام

 

[lojeeen]

ماشاء الله اتهبل تتربى بعزج يا رب ^^

و عادي يصير تخلينها بالبيت بروحها القطاوه يعرفون يسلون عمرهم اهم شي الماي و الدراي فود على طول قريب منها
و وكليها أكل مخصص للقطط الصغيره عندج شركه فريسكس وايد زينه و لا تعطينها منتجات الألبان ترى تسبب لهم السهال و عسر بالهضم

و سالفه الهولندي و الألماني و الهندي هذول رواعي المحلات يتفلسفون على اللي ما عنده معرفه بالقطاوه و لا قوليله عطني شهاده الميلاد اللي تثبت انها من مواليد هولندا بتشوفينه تبلعم هههههههههه

اهي شيرازيه مون فيس

 

[ToOoTi]

مشكورين بنات
الله لا يهينكم على مروركم الحلو

 

[بــدويه]

فديتهــــــاا .. تج؛ــنن نونوٍ يــاحلاته
ألف ألف مبرٍوٍوٍك .. ع؛ــقبال مآنشوف عيــااالهــاا يــارٍب .. تترٍبى بع؛ــزج ..
شيرٍآزٍيه هوٍلنديه.<~؟ أوٍوٍل مررٍه تمرٍ علي خخخخخخخخخخخخخخخخخخخخخخ
فديتهــاا أنــا حسس أنها شنشيلآ لأن المون فيس تجي عيونه نأزله شوي وع شكل دوائر تقريبـآ
بس فديتها تجنن ترربى بع؛ــزج ..
ع الطــااري لو طلعتي أو شي جذي عآدي تقدرين تخلينها بالبيت مآكو مشكله بس ع حسب العمر شكلها شهر ونص شي جذي لأزم خمس وجبآت باليوم لمآ تكمل الثلاث شهورٍ تقليلين لأربعه وعقب الست شهور ثلاث وعقب السنه وجبتين .. بس لو رايحه ناس تمونين عليهم أهلج وجذي أخذيها معاج عشان لاتجوع وعشان تتعود ع الناس وما تخاف او توكلينها قبل ما تطلعين كميه شوي كبيره عشان تشبع وتنام..
ديرٍي بالج عليها من البرد والسراميك حيل يتعبهــاا ..

 

[أم مرمر]

فديتهم احبهم القطاااااااااااااوه بس ريلي مايبيهم عشان شعرهم اذا طاح بالمكان او علي الملابس مايصح فيه الصلاه