باخذ قرض .. عندي جم سؤال

[أميرة-]

انا مو متزوجه ومعاشي 950 ... الفترة اللي طافت ماعندي صرف كلش وكنت اوفر من معاشي وعندي وديعة فوق 10 الاف

بس الحين ابي اكسر وديعتي واخذ قرض لظروف خاصة .. وانا اتعامل مع بنك التمويل ولو باخذ قرض ماراح اتعامل الا مع بنك اسلامي

بعرف جم يعطوني ؟ انا باخذ اكبر مبلغ يعطوني :eh_s(2):

مشكلتي ماعرف بالبنوك .. ابوي يعرف بس لو اقوله راح يحلف علي ماخذ قرض وانا مابيه يدري الا بعد ماسوي وخلص

 

[امي الحنونه]

سلام عليكم ورحمة الله وبركته


احسن لج تعاملي مع بنك الوطني


حيييييل حلوه ادخلي علي مووووظف اسمه احمد


حيل يخدمج طيب وبالنسبة كم يعطووووونج على حسب


معاااشج يعني 10 الف كل شهر يأأأخذون مثلا 500 ينطرون تسددين ويمكن معاش كله بس لازم موافقتج؟؟؟؟؟

 

[جروح ودموع]

حبوبه اعتبريني اختج الكبيره وسمعي نصيحتي ابتعدي عن القروض راح تندمين طول عمرج لا تكسرين ظهرج والله حرام

 

[ام التاريخ]

بنك بيت تمويل احسن واحد اسلامي اذا تبين 40 الف تقسطينهم 400 على حسب راتبج او500اذا بتخلصين بسرعه من القرض عاى اربع سنوات نصيحه لاتروحين الوطني فايدتهم كبير

 

[أميرة-]

مشكورين بنات

انا بس ابي بنك اسلامي

مشكوره احتي جروح ودموع على النصيحة .. انا بشوف الوضع وقلت بموضوع في ظروف حدتني

 

[دلوعة حمني]

حبيبتي ... الله يعينج على ظروفج.. بس صدقيني القرض ماهو الحل المناسب

 

[ام عبدالقادر]

نصيحه اذا ماعندج شى ظرورى لاتاخذين شوفى الناس الى ماخذين قروض مومتهنين بحياتهم والله الدين هم ياحلات الواحد يحط راسه عالمخده وهو لاطالب ولامطلوب

 

[انوثة من حرير]

استخيري ربج ولا تستعجلين على القرض شوفي جمعيات مع الحريم دشي كذا جمعية ثقة من الاهل الرفايج واخذيها اول وحدة وتعتبر قرض سهل بس فكري اكثر عن القرض ماتدرين عن باجر خصوصا انج مو متزوجة فرض تزوجتي راح تحتاجين اكثر
الحياة جدامج اصعب

 

[فانيلا]

شوفي بنك الاوسط اسلامي وودايعهم 4%
استخيري بالاول
وخذي لج لفه على البنوك الاسلامية

عندج بوبيان
الدولي
بيت التمويل
الاوسط

والفايده الاقل اخذيها منه بس لازم تحولين راتبك عليهم

ولله يكتب لج الخير ويفرج عنج هاللي حادج على القرض

 

[المهفة]

نصيحتى لاتاخذين قرض حتى لو من بنك اسلامى راح تندمين وحاولى تدبرين نفسج مثل ماقالوا الخوات .ساعات الوحدة فينا تندفع بالطيبة اللى بقلبها بس بعدين راح تحسين فيها لما يوصلج نص راتب .

 

[Vaniela]

اميره نصيحه لا تاخذين قرض بتمين معلقه ...
لا سمح الله طلعتي من وظيفتج ما تضمنين الدنيااا من بيسدد لج !! و تبهدلتي شيسوى عليج !!
و حتى البنوك يستغلون العميل بعروضهم .. ولا تصيرين ضحيه البنوك ريلي عليه قرض ميتينالف ريال واللحين مب بوظيفته وشوفي البهدله ..
نصيحه لوجهه الله لا تاخذين قرض فوايد ومشاكل ومحاكم ..
اذا كلش محتاجه اخذي من رفيجاتج او من اهلج سلف واكتتبوا عليه ورقه اما بنك ما انصحج على الاقل اهلج بيصبرون عليج اما البنوك شيفكج منهااا ..
اخذي من وحده تعرفينها و ردي لها بالشهر الف او الفين << بالريال
اما توهقين عمرج ما انصحج ..
و اخبر بالراديووو واحد خذا قرض 300 الف ريال سنه 2003 اللحين عليه مليون واربعميه الف تخيلي و عايش بغرفه اهو ومرته وعياله 3 ومرته حامل ..
مافي امور تخليج تتصرفين هالتصرف الا للعلاج بس واذا لابد منه خلاص الشكوى لله شتسوين بعد بس ما تاخذين اعلى شي .. لا توهقين عمرج والله يفكج منهم ويفكنااا

 

[أميرة-]

بنات يعطيكم العافية على النصايح فديتكم والله ماقصرتوا


خلاص ماراح اخذ قرض ابوي درا وحلف علي

يالله الحمد لله على كل حال