باختصار مالي خلق :)

[سكرة هانم]

السلام عليكم..

ماني عارفه ابدي الموضوع بصراحه منحرجه

باختصار بنات انا كلللللله كسوله و((مالي خلق)) اسوي شي

وايد اشياء بالبيت احس مقصره فيها لان (( مالي خلق))

تو ريلي زعلان لان طلب مني شغله وقتله ((مالي خلق)) ومو اول مره :eh_s(4):



شالحل ؟؟؟؟؟ ودي اصير لهلوبه و حرجه بس هذي طبيعتي :eh_s(2):
ودي اصير من هالحريم السنعات اللي تطبخ وتنفخ وتشيل وتحط بسسسسسسسسسسسس ((مااااااااااالي خللللللللللللللللللللللللق )) :eh_s(2)::eh_s(2)::eh_s(2):

والله ان بالحج وبعرفه دعيت ربي ان يشيل مني هالكسل بس مااكو فايده

اذا بتقولون شسوي بيومي بس اقعد لوول افكر اسرح وطبعا التكنولوجيا ماخذه اغلب وقتي اعترف


شالحل عفييه ساعدوني

 

[وردة وطني]

دامچ اعترفتي بالخطاء شي حلووو !!
اولا: غلط تقولين لازوجج مالي خلق واكبر غلط
ثانيا: قبل ماتنامين قولي سبحان الله والحمدالله والله اكبر ثلاث وثلاثين مره رسول قال بمعنئ الحديث خير من خادمه طبعا فيما معنئ الحديث
الاستغفار وقراءه البقره تحسسج انچ مقدمه للحياهـ وفيچ قوهـ تشتغلين
ثالثا: نضمي وقتچ ونامي بدري واذ عندچ شي بتقومين فيهـ سكري كل وسائل التكنالوچياء وقومي بكل همه واشتغلي وانتي تشتغلين استغفري
لاتأجلين عمل اليوم الئ الغد اذ عندچ شغله سويهـ ع طول وكل شي اول باول عشان تحسين انچ تعودتي ع الحركهـ خصصي لچ وقت لراحه وقت العصر للمغرب خليه اوف صلي المغرب واقرئ اذكارج وكملي اشغالچ
قسم شغل البيت عشان يسهل عليچ تاديتها خلي نفسيتچ حلوه ومتفائلهـ خصصي لچ يوم خاص لالاسبواع يكون حق اهتمامچ لنفسچ ورتبي ش تلبسين لاسبواع هذا كله عند زووجج عشان تطلعين بصوره حلوه ومرتبه بدون لويه وماتكونين دافنه عمرچ بالشغل وناسيهـ نفسچ
نضمي وقتچ بمنسبهـ للاطباق بالاسبوع
يعني مثلا
الاحد: مرقةة سمچ وعيش ودقوس وسلطهـ
الاثنين : دجاج بالفرن وعيش ويا سلطهـ وحشوهـ وممكن تستبدلين العيش بخبز اذ زوجج مو شي اساسي عنده العيش
الثلاثاء: عيش ابيض وعدس ً
الاربعاء: سمچ مقلي او ربيان ويا عيش
الخميس : برياني دجاج
الجمعه: عيش ولحم
السبت: مقلوبه عيش ودجاج
طبعا ركزت ع الغداء لانه وجبه اساسيه بحكم الزوج والعيال يجون من الدوام خلي عندچ نضام لكل شي بحياتچ
قارني نفسچ بوحدهـ قرمه بالعايله عشان تحرگ المنافسه الشريفه وتجيب نتيجهـ حلوهـ
التنويع شي مهم بالحياهـ عشان يقضي ع الروتين الممل
وبالتوفيق وان شاءالله اني افدتچ

 

[سكرة هانم]

مشكورة يا حياتي وطن وانشالله راح ابده مرحلة التغيير

 

[M!SS.LOBY]

شوفي لج مشروع صغير

يبعد عنج بالملل

 

[mrs.abk]

أختي روحي سوي بفحص فقر الدم + الكالسيوم + فيتامين دال ..

لو عندج نقص فيهم فهالكسل طبيعي + النسيان

 

[ام دندوونه]

انا الحمد الله قائمه ببيتي وزوجي وعيالي بس جتني فترة حاشني كسل مو طبيعي بس قاعدة بالبيت مالي خلق اطلع ولا اسوي اي شي وكل جسمي تعبان وأنام ما اشبع نوم وكل شي مالي خلق له لان جسمي حيل تعبان لما سويت تحليل دم اكتشفت ان الحديد نازل حيل بالدم وهو اللي مسبب لي هالخمول

 

[ايمان بكري]

اعملي تحليل دم ووظائف كبد فووووووووووووووووووووووووووووووووووووورا

 

[ام الدرر]

حبوبة البنات ماقصروا
تاكدي من تحليل الدم
حتى خمول الغدة الدرقيه يسبب ضعف وخمول وتعب
عقب اخذي دورة راحه نفسيه
مثل الطاقة الايجابيه
تساعدج عل تغيير نظرتج للحياة
اذا تبين اعطيج اسم متخصصه انا حاضره​

 

[قطوووة]

لحقي عمرج لا يطير منج الريال

ترى الرياييل نقاديين حدهم

لاتعطينه مجال يشوف فيج عيب

شدي حيلج وخلج هابه ريح

 

[ظبية بوظبي]

اممم انا حتى فيني كسل فضيع وكله مصدعه
ونومي ملخبط هذا بحد ذاته هم
بس الحمدلله مب متزوجه ولا كنت كرهت حالي اكثر
بس انا عندي نقص فيتامينات ولخبطه في هرمون الغده الدرقيه
وطفشت وانا اراجع عند الدكاتره

 

[مولاي الفرج]

قولي بسم الله وغصبي نفسج

وراح تتعودين عالنشاط

مامليتي من نت وتلفون

شغلي نفسج بالبيت

 

[انصاريه قمره]

حبيبتي انا صرت جذي وسيت تحليل طلع فيني خمول بالغده وفقر دم واعتقد هذا السبب

 

[زوجة حياتي]

ياعمري كلنا تيينا فترة خمول وكسل مو طبيعي
انا الحمدلله الي قائمة بيتي وزوجي وبنتي واسوي كل شئ بروحي من غير خدامة لكن بعض المرااااات اعوذ بالله احس بكسل مو طبيعي وخموول ومالي خلق اسوي شئ لكن ارجع واقول لازم اقوم بيتي والي يساعدني الاستغفار اكتري من الاستغفار ولا تفوتي صلاة الفجر حاولي تنامي مبجر وتقعدين مبجر وبصلاتج ادعي ربج وان شاء الله بتصيرين سنعة وشطوووووووووورة

 

[زبــــــــدة]

نفففففس حالتي بالضبط والله

الله يعينا

 

[أنفاسي دخون]

تخيلي هالتكنولوجيا بتخرب بيتش وبتفرقش عن زوجش من غير شر وانتي بتنطين من مكانش خخخخخخ

هي بدايتها تعب بعدين تستانسين لاشفتي البيت نظيف وشغلش خالص على سنع ايدش