باحول بناتي من حكومة الى خاص..شاركوني

[ZeNa Al-Kuwait]

السلام عليكم


شلونكم بنات


انا عندي بنتين برابع و بسادس

مفكرة احولهم من حكومي الى خاص ابي رايكم


الله يحفظكم


صراحة الحكومة مو شي وفلوسي رايحة على المدرسات الخصوصي

ونفس النتيجة مستواهم متوسط بسبب المدرسات..


شاركوني

 

[بناتي حياتي]

السلام عليكم
اختي انا برايي اذا بناتج قويات بالانجليزي دخليهم بدون تفكير,انا بنتي زينه بالانجليزي يوم كانت باولى وثانيه ابتدائي كانت بمدرسه عربيه وبثالثه ابتدائي حولتها اجنبيه تعبتني اول كورس لكن مع الشد والدراسه ريحتني بالكورس الثاني والحمدلله الحين هي برابع وماشي حالها,
وبناتج الله يحميهم ويخليهم لج كبار اذا الانجليزي عندهم موقوي لا تدخلينهم ترى بيتعبون لان الدراسه قويه عندهم
ان شاء الله اكون افدتج

 

[كويتية أصيله]

آنا أقول بالعطله الصيفيه ييبيلهم مدرسه لغه أنجليزيه للعلوم والماث علشان إذا أدخلو ما يتعبون وتوكلي على الله و دخليهم. تري العنايه والتدريس بالمدارس الخاصه وااااااااايد تفرق عن الحكومه.

 

[ZeNa Al-Kuwait]

جزاكم الله خير على المشاركة


وانا مفكرة بالصيف ااهلهم..

بس شنو احسن المدارس ؟؟

 

[Miss_Tiger79]

والله مادري بس اسمالله عليهم كبار يعني مقدرون يمشون مع الي بالمدارس الخاصه لانه الخاص مناهجهم اقوى

بس عموما المدرسة اتسويلهم اختبار اذا نجحو بتقبلهم

والله يوفقهم انشالله

 

[سيدة الكويت]

ما انصحج تدخلينهم خاص لأن حتى المدارس الخاصه صعبه وتضطرين تيبين مدرسين خصوصين عشان تدرسينهم يعنى فلوس على الدروس والمدرسه

انصحج بالمعاهد والنوادى الصيفيه راح يتقوون بالأنجليزى

 

[ZeNa Al-Kuwait]

مشكورين على التفاعل

وانتظر رايي باقي البنات


وبيبني وبينكم انا مقتنعة بالخاص بس ابي تجارب امهات

 

[القرآن ربيع قلبي]

ما انصحج الحين
بعد ماكبرو البنات والله يتعقدون ويكرهون الدراسة

توكلي على الله ودخليهم دورات والله تنفع
ادعي لهم التوفيق ولا تكبرين الامور

 

[ZeNa Al-Kuwait]

مشكورين والله على الردود

و بانتظار المشاركة

 

[سيدة الكويت]

نسيت اقولج ...المدارس الخاصه لازم امتحان مستوى واذا سقطو ما يسير يدخلون المدرسه

وبالنسبه لمناهج المدارس الخاصه كل وحده غير اذا انتى بتقوينهم بالعطله على كلامج

والله اعرف وحده دخلت عيالها المعهد الريطانى بالشعب تمدحه وتقوى ولدها وايد

فى بعد الأمدست وايد يمدحونه

الله يكتب لهم الخير

 

[قلبي ابيض]

عين العقل

 

[أسرار الطبيعة]

والله يا قلبي مافي أذنك ماي إذا نجحوا في امتحان القبول للمدرسه الخاصه الآجنبيه
لكن شلون على اللي في سادس ؟ أنا أتوقع صعب بيكون عليهم خاصه إذا كانوا من مدارس حكومه لمدارس اجنبيه
يعني الامتحان تقريبا ساعتين في مادتين اللغه الانجليزيه والرياضيات
وكله بالإنجليزي ويمكن ست صفحات
واحنا حاليا في منتصف الدراسه ، أنا الود ودي تدخلينهم ويهمني أعرف شنو بيصير معاك
ما ألومك التعليم في الحكومه للحضيض ..

 

[* LOVE STORY *]

يعتمد حبيبتي على النظام اللي تبين بناتج يدرسونة
شنو تبين نظام امريكي ولا بريطاني ولا ثنائي اللغة ؟
عشان اقدر اساعدج بالمدارس القوية

 

[ZeNa Al-Kuwait]

مشكورين على الردوووووود


حبيبتي انتي شتنصحين فيه؟؟

بريطاني مو احسن

 

[* LOVE STORY *]

آنا بالنسبة لي الأمريكي أقوى

 

[قطورة ومطورة]

والله أنا برايي لا ضيعينهم ماراح يتألقوم انا أقول اشتغلي عليهم دورات وتابعبهم بالبيت أحس ولا يضيعون حرام