باجر عندى عزا...شرايكم البس عدسات رماديه وله زرقه؟؟؟

[عيش و مرق]

اى نعم للاسف انتو طبعا انصدمتو من التوبك بس هذه الى صاير



يعنى كذا مره اروح عزا اليوم رايحه انصدمت صراحه فى ناس ماتستحى ...........صبغ الاظافر الفسفورى والتسريحات هذه حق السفور ..........والمحجبات بعد مو مقصرين البف الى تحت الملفع والعدسات وهذه غير المكياااااااااااااج مال العزا



الى اهو عباره عن فاونديشن خفيف وحمره بيج وكحل اسود خفيف او بنى:0bee2e8d89:


ومرات تحديد وردى والله لاتلومونى متمقله فيهم عدل الله يهديهم لى هدرجه مايقدرون يطلعون بدون مكياج:eh_s(1):


يعنى احترمو مشاعر اهل المتوفى:krkrkr::krkrkr::krkrkr:

هذه غير الاساور الى هابين فيها البنات والجواتى الماركات كرمكم الله بقى بس يقلبونه استقبال:eh_s(14):


عاد اضحككم اشوى فى ناس اتخطب بلعزا يعنى اتشوف بنات بدون مكيااج عشان اتعرف اذا البنت سحت وله مملوحه

مادرى شاركونا ارائكم وقولو لنا شنو شفتو من غرائب وعجائب بلعزا:ada:

 

[بتبوتااا]

شرايج اني سمعت وحده تفصيل موديل حق العزا ؟!!

استغفر الله ياربي ناس متخلفه والله شي يشيب الراس وايد سمعت من هالنومنه بس شتقولين الناس ماخذه السالفه سبهلله :\

والموضوع مو مكانه اهني :x

 

[عيش و مرق]

هلا بتبوتا شكرا على انج اول وحده اتعلق علموضوع ................وماعرفت صراحه وين احطه

 

[فطومه بطيطه]

صاجة والله البنات صارو لا يحترمون اهل عزا ولا شي
بس الشرها مو عليهم على اهاليهم الي ما نصحوهم قبل لا يطلعون من البيت
بس من ناحية الجواتي تكرمين والجناط يمكن اهي عاده عندهم انهم يلبسون ماركات عادي
بس المكياج والاساور والعدسات والافلام هذا الي ينرفزصراحه

 

[بناتي حبيباتي]

صااااجه يا وخيتي ما يبتي شي من الخيااااال

وازيدج من الشعر بيت ان بعض الحريم الله يهداهم يتنافسون بالعباة العزا من فصوص تلمع

وياريتها نقشات ناعمه وبسيطه لا والله تقولين عباة استقبال شوارفسكي يبرق من اول دخلتها لأهل العزا

وطبعا صوت الكعب يررررن بالأذون هذا غير سالفة التنافس بالجناط من ماركات عالميه تقولين رايحه سباق مع الموضه


ما اقول الا الله يهديهم ويصلح حالهم

 

[أم مشاري_88]

وايد والله اللي يخطبونهم بالعزا لان بدون مكياج عكس الطلعات والحفلات
بس اشدعوه عليهم مكياج وصبغ اظافر مهما كان هذا عزا المفروض يحترمون الموجودين
يعطيج العافيه

 

[عيش و مرق]

اى والله بطبطه,,,,,,,,,,,,,,,,,,,,,,,,,,يعنى بنات كبار بلجامعه شكلهم موثانويه امهاتهم ليش ماينصحونهم مايقولون لهم عيب لاء مو حلو جذى احنا رايحين عزا .................وفى لاكبار حريم امهات عيال

 

[فطومه بطيطه]

صاجة والله البنات صارو لا يحترمون اهل عزا ولا شي
بس الشرها مو عليهم على اهاليهم الي ما نصحوهم قبل لا يطلعون من البيت
بس من ناحية الجواتي تكرمين والجناط يمكن اهي عاده عندهم انهم يلبسون ماركات عادي
بس المكياج والاساور والعدسات والافلام هذا الي ينرفزصراحه

على فكره نسيت اقولج
انا رايحة صالون واهو معروف فيه مكياج عزا يعني لما تدخلين الصالون تقولين ابي مكياج عزا
والسفور لهم تسريحة عزا
عشنا وشفنا :0bee2e8d89:

 

[" دهن العود "]

عاد اشرايج اني قسمن بالله مخطوبه بعزى وعزى جدي انا ابجي وعيوني وخشمي وحالتي والناس طايحيله مخازز !!!!!!!!!!!

 

[Um ЯaYaN彡]

اي والله صاجه

اصلن في ناس يفصلون عبايات حق العزا
والنظرات عشان تغطي نص الويه
ميكب الرمادي اللهم ياكافي
الله يهديهم
وحسبي الله ونعم الوكيل

 

[حصة]

اي مرت علينا هالاشكال مرة رفيجتي تسولف تقول بعزا عمها تقول بنات من عايلتهم بس شويه بعاد تقول 3 ايام كل يوم لون صبغ غير يوم فوشي يوم عنابي يوم وردي فاتح وطبعا استعراض حق كعابة وفلاتات ماركة وانتوا بكرامة ؟؟؟ انا انصدم من اللي جذي ؟؟ شالفايدة لما الناس تطالعني الظاهر عبالها بيقولون حلوة ماتدري انة بيقولون هذي شفيها رقلة ؟؟ قليلة ادب؟؟ وين قاعدين ندري ان الله جميل يحب الجمال بس مو تكونين جذي ترى في ناس ميتلهم غالي حتى لو كان اللي متوفي مايصيرلي او ابو يد رفيجتي هم اسمي احترم مشاعرها والله انا مرة رحت حق رفيجتي يدتها متوفية ماقدرت بالعزا رحتلها بالبيت عقب العزا والله ويهي ربي كما خلقتني ما قلت بكشخ ما اكشخ ترى اذا الناس تدري اني سنعة مو بالعزا والله ... الحلو حلو لو قعد من النوم مو ارتزيلي بالعدسات والمصخرة اللي تحطينها صراحة انا تطيح من عيني البنت اللي جذي لان ولله صادفت جم عزا والله معنه مايصيرلي ادش انصدم شنو ماكو احترام للميت؟؟ وين قاعدين احنا انا الغريبة محترمة نفسي انتي اللي يصيرلج عادي عندج بدال لا تدعينله او اتصدقيلة او تساعدين اهل العزا متمقطة اتصبغين ..؟ تصدقين مرات تنصدمين مرات تضحكين مرات تقولين احنا وين صرنا؟؟؟ ترى الحلات حلات روحج لما تحترمين نفسج والمكان اللي رايحتلة والله لو كنتي مو حلوة الناس بتشوفج حلوة من طبعج واخلاقج بس منو اللي يفهم ؟؟ الحين روحي جمعية جنج داشة استقبال ماقول الا الله المستعان والحمدالله والشكر هالموضوع من سنين منقهرة منة مو توني وانتي رديتيلي مواقف حدها بايخة مع هالاشكال واحب اضيف لا تنسين التلفونات والمسجات طول العزا تدز مسجات واتبوسم وتوزع ابتسامات طول الوقت وتعلج لاتنسين هالنقاط ...

 

[عيش و مرق]

ام مشارى بناتى حبيباتى يعطيكم العافيه ع المشاركه...........بس ودنا نسمع الراى الاخر مافى احد مع احنا كلنا ضد منو القويه الى تقول انا مع


على قولتهم الاختلاف براى لايفسد للود قضيه

 

[الاميره شوق]

العنواااااان بس نرفزني ....

شنو هذا هم رايحين لعزيمه ولا عزا ؟؟؟؟!

اتووقع بهالزمن ماعاد تفرق والاهالي صار عادي عندهم حتى عاداتنا وتقاليدنا ماعاد تهمهم ولايمشوون عليها

الله يهداهم بس الوحده تروح على طبيعتها وتقدر اهل المتوفي وتراعي شعورهم وتحط نفسها مكانهم هل هي ترضى احد يجي وصابغ كيلو مكياج وتسريحات شعر وعبايات كأنها جلابيات ؟؟؟؟؟؟؟؟


مشكوره اختي والله تنرفززت حيل

 

[fatma90]

اااي والله .. رايحه عزا مو استقبال @@

يا انج تيين محترمع و تحترمين الميت و اهله اللي قاعدين ..

او انج تقعدين ابيتكم وايد احسن .. و التوجيب اللي اييي من ورا هالنوعيات مااله لزمه

عدي بالبيت حفاظا على كراامتج @@ الناس حالتهم حاله و حزن و دموع علشان الميت

وانتي يايه تستعرضين !!!

 

[عيش و مرق]

هههههههههههه واى حصه شكلج محترررررررررررررره

وانا بطيتج بعد عمرى ولا يهمج فضفضى هنى.............اى والله صاجه كل وحده ماسكه البي بي مالها {البلاك بيرى}ولاهيه موصوب العزا اصلا/////////////بس صج فطومه اكو صالونات تحط مكياج عزا شلون يعنى واضح امبي مو مستوعبه ابكم وشلون التسريحه مالت العزا


ودهن العود وناسه مخطوبه وانتى بعزا وحالتج حاله يعنى انتى جميله مايبيله ههههههههههههههههه عاد تزوجتى الى خطبج وله بس خطوبه عابره

 

[reem.q8]

امبييه من صجكم مكياج عزا بالصالون وتسريحة عزا @@ !! ~ ..
بس صج عاد الحين زايدين بالعبي الجناط الماركات موطبيعين وصبغ الاظافر بس حاطينهم حق المظاهر ماكو احترام

 

[JODA]

الله يهديهم ..

 

[احلى توتا]

بنات معاكم حق في كل الي قلتوه الا بشي واحد لازم الوحده تكون ريحتها طيبه يعني مو قصدي عطورات باريس ولا عطورات عربيه على الاقل دهن عود يعني تعزينهم والريحه تكون طيبه
حتى الميت يطيبونه
والله مره بعزا بنت خالتي صحيح هي معاقه بس لازم نراعي الاهل جاتنا وحده الجزمه نفس الشنطه والروج واضح مثل الشمس والحواجب والمسكره والعبايه ما بقى لون الا فيها
والله ما ناقص الا تشيل العبايه
عاد احنا بالسعوديه عندنا العزا عزا عبايه سوده مافيها ولا شي الا جات هذيك الحرمه العجوز وقالت كلام على العظم انتو جاين عزا مو جاين عرس وكانت توجه الكلام حق هذيك الحرمه

الله لا يذوقنا العزاء بحبايبنا مع انها سنه الحياة بس هم للموتى احترام

 

[asoom]

على الطاااري سمعي عيل خنقولج

مره كنت قاعده اسوي شعري بالصالون شوي ولا اسمع من وانا قاعده وحده تكلم امها تقولها يمه جذي مكيااجي زيين ؟؟؟

ولا امها تقولها اي اي بس حلو زين جذي ,, تقولها البنت يعني ماازيد شووي احس ويهي ناقصه شي ! ولا تقولها الام لالالا بس فشله بعد مكيااج العزاا مو حلوو يطلع وااظح وايد فشله

طبعن كل هالحوار انا قاعده اسمعه وانا معطيتهم ظهري للحين ماشفت شي ,, جاان اقوم الف ويهي بشووف لان والله علبالي الام والبنت يتغشمرون ويا بعظ يوم لفييت ولا هالمكيااج الخفيف والبفففف اللي شكبرااا !!

جان اسأل الكوافيرا اللي قاعده تسويلي , اقولها من صجهم هذيل ياين صالون حق عزاا ؟؟

جان تقولي ايي والله هذيل مو اول نااس ايوونا حق مكياج وتسريحة عزا !!!


عاد انا قاعده افكر بيني وبين نفسي يعني هالللي ميييته عالمكياااج وماااتقدر ومستحيييل تطلع بدونه وتبي تحط مكياج عزاا على قولتهم

يعني هالمكياج شيبيلا كريم اساس وكحله خفييفه وحمرا لحميه ,, بعد شحقه صاالون وخبه !!

والله الناس مستخفه...

 

[krkosha]

الله يهديهم
الحين موتت الادمي وموتت القطوه واحد