باجر بشتري همستر

[english muffin]

مرحباا بنااااااااات
شلوووونكم شخباررررررركم؟
بنات باجر والا عقب باجر بروح اشتري همستر
وطبعا هاي اول مرة اشتري همستر ابي الهمسرات الدبدوبة لوول
قولو لي شنو الي لازم اشتريه؟؟
واي نوع؟ ابي نوع بسرعة يتعود علي
وهذي اول مرة اربي همستر فبغيت نصايحكم

 

[AmOoNa-]

انقلش مفن ونااااااسه مبروووووووووووك مبرووووووك شوفي الهامستر نوعين في روسي وفي سوري
السوري تقدرين تطلبينه من بوعبدالرحمن تنقين اللون ويبلج يا مع القفص والخشب وكل شي بس لاتشترين 2 واحد بس لانه مايتعايشون مع بعض
عشان جذي انصحج بالروسي لانه يهبل وكيووووووت ويعيش بجماعات يعني تاخذين نثيه وذكرر)))

 

[سعودية قلبها كويتي]

انا اليوم شريت روسي

ميزتها شكلها صغنون وماتكبر ..

بس الوانها مو وايد مثل السوري ..

ولازم اول يومين تخلينها تتعود على صوتج وريحة ايدج .. لأن الهامستر حيوان نظرة ضعيف ويعتمد على حاسة الشم والسمع ..

 

[بنت عبدالغني شربت]

ان شاء الله البنات يفيدونج

 

[english muffin]

امووونة انا بحرينية لوول
ماعندنا بوعبدالرحمن لووول
مشكورة حبيبتي عالرد
الروسي اهو المتين صح؟ ياااي
انزين شنو اوكلهم؟؟

 

[nafsiya]

امووونة انا شريت 2 سوريين

وشحلاتهم مع بعض مافيهم اي شي ومتعايشين ماشفتهم لا يطقون بعض ولا شي

---------


انقلش موفن لهم اكلهم الخاص حبوب وحب شمسي - وتقدرين تعطينهم خس بس باعتدال عشان لا يصير فيهم اسهال

وممنوع ياكلون حلويات او اشياء حامضة برتقال وليمووون

--------------------
وهذي صورة هامسترتي النثية اللي بالصورة الشخصية

وبالتوفيق حبيبتي

 

[nafsiya]

وبعد ياكلون ارز وثوووم وجزر

 

[AmOoNa-]

انقلش مفن ويي سور ي عبالي بالكويت ولا حبيبتي السوري اهو الكبير شوفي في موضوع مثبت فوق عن الهامسترات

نفسيا ايي ممكن يتعايشون مع بعض وممكن يتهاوشون من اول يوم وانا ربيت ازواج من قبل في منهم تعايش مع بعض في منهم لا وفي منهم كان متعايش مع بعض بس من كبرو وبدو يتهاوشون بس شنو المشكله الي صارتلي ومااااابيكم تطيحون فيها اخر اثنين يبتهم متعايشين مع بعض والامور طيبه وتماااااام ولدت النثيه ويابت 8 وكنت اشوفه ياخذ اكل ويوديه البيت حقها وينامون يم بعض ماشوفها تعصب عليه وكنت اشوف اليهال كل يوم ينقصون واحد!!!! وانصدم اقول يمكن مات والام شافته ميت وكلته لين ذاك اليوم شفته يطلع راس ياهل خاشه بخدوده ويقعد يقرم لفيه!! وهني ستوعبت الجريمه الي سويتها(((((( وفصلتهم عن بعض

 

[english muffin]

اموونه
بيييييييه لالالالا
ياكلون بعضضضض؟؟؟
نفسيا يهبل همسترججج

 

[AmOoNa-]

انقلش مفن اي اهو المفروض الام اذا خافت على عيالها او نولد واحد فيهم في اعاقه او مرض تاكله!!! ليش ولا شالسالفه والله مادري انا ماشفتها تاكلهم كانت تخشهم بحلجها لانه الهامستر يعتبر من الpouch animals يعني يخشون اكلهم او عيالهم بخدودهم وخدودهم تتمدد عادي وتكفي.. لكن ماشفتها تاكلهم ودايما اسمع انه هالشي ممكن وانه الابو ياكل العيال بعد بس مادري ماكنت اصدق ويووم شفت الابو يسوي جذي انصدمت

 

[daloo3ah]

نفسيا .. انا هامستراتي سوريه اول اسبوع عاشو مع بعض بسلام وامان
ثاني اسبوع طق مطاقق وزين ما ذبحو بعض !! .. انجبرت افصلهم وكل واحد بقفص .. عكس الروسي ..

كانو مع بعض علطول بس فصلتها بسبة الحمل والولادة ..


..........

حبيبتي انا انصحج بالروسي بما اني جربت الروسي والسوري ..

الروسي انظف .. واحلى .. واذرب .. وريحته وايد احسن من السوري .. يتعايشون مع بعض .. يتعود عليج باسبوع ..
وتقدرين تشوفين وين المحلات بالبحرين الي يبيعون روسي ولا يقصون عليج يقوولون هولندي ترا ماكو هالنوع ويقصون عليج البياعين .. واشتري معاهم قفص واحد كافي لهم و اكل ونشارة خشب ..

 

[رياح الشمال]

اذا تبين نوع بسرعة يتعود عليج اهوه الهامستر القزم الروسي

الاشياء الواجب توافرها
قائمة بالأشياء الواجب توفرها في القفص
1. قفص كبير بالحانات الأفقية المرتفعة.
2. طاسه (وعاء) للأكل (الغذاء).
3. حامل للقش والخضار
4. فنينة خاصة بالهامستر للماء (مشربه).
5. حجارة أملاح معدنية للعق.
6. عجلة للتدريب في الليل.
7. بيت صغير للنوم .
8. القش الطبيعي والقطن الناعم لبناء عش مريح.
9. نشارة الخشب أو القشة الماصة .
منقول من موضوع كنت قاريته

 

[english muffin]

شكرا بنات
وايد فادتني معلوماتكم

 

[xXBountyXx]

حبيبتي

فالبحرين

ممكن تحصلين في المنامه

والمحرق

بس أكثر المحلات في مدينة حمد

وساعات تحصلين محلات صغير في بعض المناطق بس تكون صغيره وعلى قدها وما تحصلين كل شي فيها

وبالنسبه لإستفسارج البنات ماقصروا بالرد

بس

اذا انتي حابه يكون عندج بس واحد

اخذي من النوع السوري (نثيه)

واذا حابه يتوالدون عندج اخذي روسي ولأنج ماراح تتعبين بفصلهم



تقبلي مروري
xXBountyXx

 

[nafsiya]

امووووووونة اي ادري عن هالسالفة الله يستر من الاحداث الياية لووووول من احس انها حامل بفصلهم عن بعض لين تولد عاد بعدها يحلها ألف حلال :-d

دلووووعة انا هالهامسترين اساسا من نولدوا عاشوا بنفس القفص لي يومج هذا ف ما اتوقع بيصير بينهم شي لان طول هالمدة عايشين مع بعض وما تهاوشوا ولا طقوا بعض - اهمه من بطن واحد

وفي يتهاوشون وفي لا ... لو كلهم بيتهاشون جان ماتكاثروا ولا توالدوا

انقلش موووفن انتي اللي تهبلين

ثانكس

 

[nafsiya]

اموووونة عن سالفة الابو ياكل عياله

تره اهمه لمه يحطون عيالهم بحلجهم ماياكلونهم يخشونهم هذا اللي قاله لي بوعبدالرحمن

بس اساسا قال ان النثية من تحمل لين تولد ولي بعد الولادة باسبوعين المفروض الذكر مايكون عندها

لان تصير عدوانية وتقوم تطقه ويمكن من كثر الطق يمووت

ف من اول ما تحمل لازم تفصلين الذكر

وعن سالفة ان الذكر ياكل عياله او النثية تاكلهم قال لي ان اهمه بعد مايكبرون شوي الابو والام مايبونهم يبونهم يعتمدون على نفسهم

ف لازم تحطينهم بقفص بروحهم لان الابو والام خلاص بنظرهم ان عيالهم كبروا ولازم يعتمدون على نفسهم

هذا الكلام اللي قاله لي وقال انا ربيت وقاعد اربي واتبعت هالطريقة وماعمري شفت الابو او الام كلوا عيالهم

وهذا الكلام منقول على لسانه اتمنى اني انفدتج

 

[AmOoNa-]

نفسيه اي الام لاحظت بالسوري والروسي تخش العيال بحلجها
وماكنت متخيله انها ممكن تاكلهم مع انه الكل يقول وشايفه باليوتوب وكل شي بس ماهقيت تصير معاي
لين شفت الابو بعيني يطلع راس ياهل خاشه بخدوده وياكله

 

[nafsiya]

تدرين عاد امووونة

والله حلاته كل واحد يشتري له هامستر واحد يربيه ويتعود عليه

بلا تزواج بلا عله - اهمه ياكلون عيالهم واحنه قلوووبنا تعورنا

وتحاتين ياكلونهم او لا وتتقبل الذكر مرة ثانية او لا والا والا

يايبين عوار القلب حق روووحنا

 

[nafsiya]

على قولة امي ياكلون عيالهم شحقى يايبينهم اساسا

شي غرررررريب!!!!!!!!!!!!!!!!!!!!!!!!!!!!!!

 

[سعودية قلبها كويتي]

بنات شسالفه من شريت لي هامستر واحس كل اللي حولي لايعه جبدهم مني !!

والله عيزت افهم فيهم ياناس هذولي مو فيرااااااان .. ماكو مصممين الا فيران ..

حتى زوجي يقولي اذا بنسافر ترا احلمي ان امي تخليهم عندها .. وانا ماعندي احد بهالديره الا اهل زوجي ..

ياربي ليش هالتحطيم ..