باااااااااركووووووووولي ..تعاااااااااااالووو !!

[مروة الكندري]

بسم الله الرحمن الرحيم
والصلاه والسلام على اشرف الخلق سيدنا محمد وعلى اله وصحبه الطيبين
الحمدلله حمداً كثيراً طيباً مباركاً فيه

السلام عليكم ورحمه الله وبركاته

حبيت اخبركم وابشركم يا اخواتي في الله اني حامل .. أشكـر كل وحده دعت لي دعوة صادقه .. صار لي سنه متزوجه ومشفقه على البيبي ربي لك الحمد الله رزقني هذا الشهر

حبيت اقولكم قصتي .. حللت دم عادي يوم الجمعه وقالو لي بوزتف بس نتيجه ضعيفه لازم اعيد التحليل مرة ثانية .. وامس بالليل ماكان عندي صبر رحت حللت هرموني والنتيجه ( 60 ) في احد يقدر يفسر لي الرقم هذا شنو يعني ؟ نقدر نقول ان نسبة زينة او ضعيفه ؟

انا بجرية وخايفة لا يصير في الجنين شي ,, ودي بنصائح منكم .. والممنوعات ؟ ومتى لازم اراجع دكتورة عشان اتابع مراحل الحمل ؟ والجماع متى يكون او ممنوع هالفتره ؟ لآن مو معقولة زوجي بينطر شهرين بدون جماع

اتمنى تردون علي .. لا تقولون لي دوري بالمواضيع ... لآني وحده كسولة لوووول

والله يرزق كل وحده الذرية الصالحة يا رب يا كريم

سامحوني سولفت وايد هههههه أعذروني

وجزاكم الله الف خير :eh_s(7):

 

[You FOR Me Only]

زين عادي خل ينطر انا قالو لي ٣ شهور مافي جماع

يعني توقعي هالشي مع ان حملي طبيعي الحمدلله ومافيه شي


مبروووك والله يثبته لج

 

[زين ودلال]

ماشاء الله الله يتمم عليج يارب

النسبه اتوقع زينه لان اللي اعرفه اذا فوق الخمسين حمل. انتي عيديه بعد يومين

والجماع مادري سالي الدكتوره احسن

والممنوعات معروفه الاعشاب والمشي الوايد والاناناس

 

[جمالي مو صج]

مبروك حبيبتي الله يتمم عليج يارب

 

[AVE.NJ]

الله يتمم عليج انشالله باذن الله حامل

 

[أم ملاس]

الله يتمم عليج حبيبتي ويرزقج بالذريه الصالحه

اسألي دكتوورتج افضل لان كل وحده غير الثانيه ..يعني في بنات تمنعهم عن الجمااع والبعض عااادي الامر كل وحده وحالتها

وان شاء الله تقر عينج بشووفه وحضنه ويرزق كل وحده تتمني الضني

 

[om 7sony]

مبروك حبيبتي
اذا تبين ابدي راجعي من الحين عشان تسويلج سونار تعرف بالضبط شكثر صارلج حامل
وبالنسبه للجماع ما اتوقع فيه ضرر باذن الله
الا للي حملها فيه مشاكل
بس طبعا يكون بدون ضغط عالبطن ويكون بشويش هههه
الله يتمم عليج يارب

 

[مروة الكندري]

الله يبارك بعمركم مشكورين
وإذا على المشي مرات اروح مجمع وادور شوي .. وبالدوام مرات هم اروح المكاتب اللي يمنا ومرات اشتغل وانا مو متسنده على الكرسي منجبه على الكمبيوتر والأوراق ؟
والأعشاب ماحبها
فيدوني جزاكم الله خير .. بخصوص الأكل ؟ مرات التقط اشيا بالأرض .. هل ممنوع هالشي ولا عادي ؟

 

[shjoonaa]

الله يتمم عليج ويثبت حملج

 

[empress hoor]

الف مبروك حبيبتي الله يتمم عليج ويثبت حملج يارب بالنسبه حق الاكل الاناناس مووووزين كلش لاحد يقولج شربي عصير اناناس ولا المقطع انسيه نهائيا والكيوي بعد والاعشاب وروب اكتيفيا بعد يعني اي شي يسهل البطن لا تاكلينه وكثري فواكه وخضروات عشان لايصير فيج امساك موزينلج تتعصرين وقسمي وجباتج لي 6 وجبات يعني الصبح تريقي وشربي حليب وبعد ساعه اكليلج موزه او اي شي وبعدين تغدي ورا الغدا بنص ساعه شربي عصير برتقال وجذي لاتقعدين يوعانه عشان لا تلوع جبدج وان حسيتي انج لايعه جبدج وبترجعين اكليلج موزه تروح اللوعه لاحد يقولج رجعي عادي ترى جسمج ياخذ عالترجيع وماراح تاكلين شي والله لا يقوله سيده يركبولج درب مغذي فاحافظي على التغذيه السليمه وشربي ماااااي وايد واشياء ثقيله لاتشيلين وتوقفين وايد بعد بس عادي خلي حركتج طبيعيه وانشالله مافي الا العافيه والجماع مافيه لمده 15 يوم وبعدها يسوولج سونار وتجيك عليج وتقولج اذا يصير ولا لا والله يوفقج يارب *​

 

[empress hoor]

الف مبروك حبيبتي الله يتمم عليج ويثبت حملج يارب بالنسبه حق الاكل الاناناس مووووزين كلش لاحد يقولج شربي عصير اناناس ولا المقطع انسيه نهائيا والكيوي بعد والاعشاب وروب اكتيفيا بعد يعني اي شي يسهل البطن لا تاكلينه وكثري فواكه وخضروات عشان لايصير فيج امساك موزينلج تتعصرين وقسمي وجباتج لي ٦ وجبات يعني الصبح تريقي وشربي حليب وبعد ساعه اكليلج موزه او اي شي وبعدين تغدي ورا الغدا بنص ساعه شربي عصير برتقال وجذي لاتقعدين يوعانه عشان لا تلوع جبدج وان حسيتي انج لايعه جبدج وبترجعين اكليلج موزه تروح اللوعه لاحد يقولج رجعي عادي ترى جسمج ياخذ عالترجيع وماراح تاكلين شي والله لا يقوله سيده يركبولج درب مغذي فاحافظي على التغذيه السليمه وشربي ماااااي وايد واشياء ثقيله لاتشيلين وتوقفين وايد بعد بس عادي خلي حركتج طبيعيه وانشالله مافي الا العافيه والجماع مافيه لمده ١٥ يوم وبعدها يسوولج سونار وتجيك عليج وتقولج اذا يصير ولا لا والله يوفقج يارب *​

 

[حلا القادسية]

مبروك والله يتمم عليج

 

[دلال و غلا]

مبروووگ و ربي يتمم عليج

البنات ما قصرو الله يعطيهم العافيه
بس انصحج لا تمشين كثير و لا تشيلين شي ثقيل
وسندي ظهرج دايم وخففي طلعات و مجمعات
انا اذكر اول حمالي ما رحت السوق منعتني الدكتوره من الحركه
وانتي كافي عليج الدوام و على الجماع لازم تسألين الدكتوره

 

[توكلت على الله 22]

مبروك حبيبتي الله يتمم عليج يارب

 

[مروة الكندري]

يزاكم الله الف خير اخت امبرس نصااااايج ولا اروع الله يطول بعمرج ومشكورين كلكم

 

[زمردة مشعة]

مبروك الله يثبته لج ........
والفال لي يا رب .

 

[بحرينيه كوول21]

الله يتمم لج على خير
تحملي بروحج قلبووو وكللل الاشياء الي قلتيها غلط في غلط
ارتاااحي ارتاااحي ارتااحي
وعسى الله يثبته لج يااارب وتفرحين بشوفته ان شاءالله

 

[[[ عيون جابر ]]]

الله يتمم عليج انشالله ويثبته ابطنج

 

[عنـــآق ..!]

الله يتمم عليج يارب ويثبته ..

 

[ABEER FLOWER]

ألف ألف مبروووووووووك

ربي يثبته ويحفظه

: )​