بااااااااااااااجر عمليتي ابي مساعده

[عاشقه غربه]

مساء الورد على اللي شفطوا دهونهم ....باجر الصبح عمليتي بشفط بطني وخواصري :eh_s(16):وعندي سؤال .....الدكتور قالي راح تطلعين نفس اليوم وحبيت اعرف شنو المفروض اخذ معاي حق المستشفى اذا كنت راح اطلع بنفس اليوم؟؟؟؟؟؟؟يعني اخذ جنطه والا اروح ايد ورا وايد جدام؟

 

[mareea]

قوه حبيبتي
انا ماسويت شفط لكن سويت عملية تجميل انف
طبعا لازم تاخذين اغراضج الخاصه مايصير تروحين ايد ورا و ايد جدام
بالنسبه لي اخذت ملابس بيت عاديه ( بجامه ) مع عبايه علشان اذا طلعت من المستشفى البس البجامه و فوقها العبايه و اول ماوصلت البيت بعد ماطلعت من العمليه فصخت العبايه و قعدت يعني مرتاحه مايحتاج ابدل ملابسي ( نصيحه : الملابس الي تطلعين فيها من المستشفى حسبي حساب انج ماتغيرينهم لما توصلين البيت لان بتكونين تعبانه و مافيج حيل )
و موفقه ان شاء الله

 

[MISS BAD00RAH]

تقومين سالمة انشالللة ,موفقة,

 

[dectora 7elwa]

الله يقومج بالسلامه
اخذي غيار واحد مع الكورسيه وسجاده وثوب وفوطه صغيره
فستان شانيل بدون سيور او خصر وعبايه عشان تطلعين فيها

 

[taybaa]

انشاءالله تقومين بالسلامه

 

[ام حمد 85]

الله يقومج بالسلامة بس اول مره اسمع انه عملية شفط يوم واحد يريت اتفيدينا اكثر عن عمليتج
ومثل ما قالو البنات اخذي دراعه نصيحه لا تاخذين بجامه ما تقدرين ع السير مكان العمليه انا كله اولد قيصري مالبس بجامه اخاف اعور جرحي والملابس الداخليه خليها قطن 100% عشان مايلتهب الجرح

 

[noorq8]

تقومين بالسلامه وياااارب ولاتنسين تكتبين لنا تجربتج

 

[** رش رش **]

اولا الله يقومج بالسلامه ان شاء الله
ثانيا حتى لو عمليتج يوم واحد لازم تاخذين معاج جنطه
حطي فيها غيار كامل ( داخلي + دراعه بيت ) لا تاخذين بيجامه لان سير االبنطلون بيكون على البطن
اخذي فوطه + اخذي نعال خفيف للحمام
اخذي فرشه اسنان و معجون لان بعد العمليه وايد راح يحسسج بانتعاش
و طبعا لا تنسين الكورسيه هذا اهم شي لان راح يلبسونه لج بعد العمليه مباشره حتى و انتي مبنجه قبل تصحين
و ان شاء الله تعدي عمليتج على خير و ما تحتاجين تنامين بالمستشفى

 

[عاشقه غربه]

مشكورين حبايبي وانشالله اكتب لكم التجربه قريب

 

[$نرجس$]

اتقومين بالسلامه انشالله

 

[ام فطوووم]

اتقومين بالسلامه يارب
انه اقول اخذي معاج نفنوف خفيف لبعد العمليه
وسليبر للمشي
وعبايه مفتوحه مع دراعه طويله عشان لاتتوهقين بالطلعه
واتحزين نفسج
واخذي سجادتج وثوبج وقرانج ودعاء
طبعا هالاشياء لازم تاخذينها ماتدرين لاسمح الله صار طارئ
وقعدتي اكثر بالمستشفى
نفسي كنت حاطه ابالي يوم وقعدت يومين
لان نقلولي دم لان نسبه دمي قبل العمليه كانت ناقصه
وبعد العمليه انقصت ازياده
وكنت لمن بقوم اطيح وادوخ وما اطالع شي

ولاتنسين فرشتج ومعجونج
وتونك وصابون للبشره
انه لازم اخذ لان ملاحظه اي عمليه او ولاده الوي ايدهن
او اتحسين تبين انتعاش فلابد منه ولاتنسين القطن معاهم
وبسسس 

 

[أم حموكشه]

الله يقومج بالسلامه ...

 

[عسووووولة]

ان شاء الله تقومين بالسلامة

 

[المستغفرة 74]

الله يقومج بالسلامة

 

[dectora 7elwa]

طمنينا عليج

 

[عاشقه غربه]

مشكوريييييييين حبايبي انتو وابشركم انا طلعت اليوم الصبح والحمد لله سهالات

 

[noorq8]

الحمد لله عالسلامه , يالله شدي حيلج وعطينا التفاصيل

 

[التفاؤل حياة]

تقومين بالسلامه يارب

انا اقول اقري قران واستودعي الله نفسك وافضل شي روب قطني

 

[عاشقه غربه]

:eh_s(9):منو بتعرف التفاصييييييييييييل

 

[dectora 7elwa]

الحمدلله عالسلامه
انا ابي اعرف