بأعلى صووووووت !!! ياااااا توجيه الإنجليزي

[معلمة_منكوبة]

​

اشلوووونكم ياأحلى كويتيييات ؟؟؟​

أدري الأغلبيه من كدر الدوام عقب العيد فيهم كسل موطبيعي ..​

خواتي مدرسات الانجليزي محد عاجبه الحال بهالتوجيه (حولي)​

الظللللللللللللللم زاد عن حده !! بس ليمتى بنسكت !!​

الوحده مالها خلق تداوم وقاعده تعد الايام لانها تدري بترد حق الهم​

والغم ... بس ليمتى؟؟؟ ليمتى نتحمل .. في مواد .. التحضير عندهم ​

مره بالأسبوع واحنا فوق تحضيرنا مرتين باليوم وزادوا علينا اشياء​

سخيفه لا تنفع المدرسه ولا تنفع الطالب .. شوفوا ..حطوا سالفة الخطه​

الأسبوعيه وهذا بروحه تحضير كامل وسكتنا !! كل الناس يحطون سطر​

واحد اللا احنا ورقه كامله !! ​

شافونا سكتنا ! زادوا عليها التحضير الجماعي ؟؟ اللي لا يودي ولا ييب​

السؤال.. شنو الشي اليديد اللي راح يكون السنه اليايه ؟؟​

هالكلام حق التوجيه العام .. بس توجيه حولي بالأخص لانه​

أردى توجيه واذا بتكلم عنه ماخلص ولا راح تخلصون .. اتمنى ​

الأستاذة سكينه تشوف وتدش هني او احد يقولها .. تعبنا !! والله تعبنا​

اهتموا شوي بتحصيل الطالب كافي نفاق وشغل اووفر بدون نتيجه​

نبي تنمية مهنيه ماله داعي الشغل الفاضي والاوراق ليش احضر​

مليون مره وعندي ستين شغله غيرها اهم ..اهتم بالضعاف واللا الحصه​

واللا تحصيل كل وحده واللا النشاط واللا برنامج الاذاعه واللا الحصص​

المسانده واللا شنو ؟؟ الحصص المسانده تقويه للطالب.. مهمه اوكي ​

بس قاعدين نعاني من تخبط القرارات اللي مالها داعي .. ماله داعي​

التحضير الجماعي ولا الخطه الاسبوعيه .. ​

استاذتي الفاضله (الموجهه العامه) تكرمي وشوفي موجهاتج (الحريم) شنو يسووون وشنو اسلوبهم مع الابلات .. اللي نبيه منهم يعاملونا​

مثل مايعاملون المدرسين الرياييل بس .. وفي موجهه معروفه (اللي ​

أبلة انجليزي عارفه سالفتها) وصلت مدرس السما بس علشان طابع​

كلمات الامتحان !! وشغل اليهد اللي نسويه مايعجبها !! هذا عدل؟​

خواتي طولت عليكم بس اتمنى بهالموضوع نسوي مثل التجمع لنا ​

نشوف لنا حلول لانه شكله الكل حاط ايده بماي بارد ومو هامه​

واحنا قاعدين نحرق بنفسنا .. ليمتى نسكت خلاااااااااااااااااااااااااااص​

ثورات يبا بدت من الانترنت والنوادي لا نقول ماكو فايده خل نطلع​

اللي بجبدنا ونصير ايد وحده ونثبت لهم انه ظلمهم له يوم .. نبي ​

نبدي السنه اليديده واحنا عارفين انه فيه امل تغيير للأحسن مو كالعاده​

وكل سنه نفس الشقا والهم يزيد .. ​

نبي حلول ونبي تفاعل مع الموضوع ونبي نكووووووون ايد وحده​

 

[مشغوله و محتاسه]

انا اتمنى من الوزير مثل ما يطالب ببلوق لكل معلم ... انه يخلي هالمسئولين يحطون بلوقات نتواصل معاهم فيها و نوصل لهم شكاوينا


تعبنا واحنا نحجي بالمنتديات واهم لا حياة لمن يسمع




توجيه حولي معروف على مستوى الكويت انه شديد و متعب بطلباته


و توجيه الانجليزي عموما طلباته غير كل التواجيه


على قولتج خطط اسبوعية و و خطط واجبات مفصله تقولين بتشرحين للاهل كل فتفوته بالمنهج


و المستوى الحقيقي للتلميذ مو مهم و لا احد داري عنه



الله المستعان


انا بالجهراء و توجيهنا هم طلباته وايد بس اللي اسمعه ان حولي اكثر شده و تعسف ​

 

[قاهرتهم 2011]

كل اللي قلتيه حاصل بكل المناطق التعليميه
توجيه الانجليزي يحبون يكدسون الاوراق فوق راس المعلمات شالفايده منها ؟؟ مجرد مضيعة وقت للمعلم واشغال باله عن تادية وظيفته بالتدريس
هذه اوراق التحضير الجماعي واوراق خطة التحضير الاسبوعي والفئات والنسب والضعيفات والملف الانجازي وحصص القراءه وحصص المساند وحصص المهارات الحياتيه والمنهج اللي شكبره متى يمدينا نخلصه واحنا مشغولين نسويلهم اوراق اوراق اوراق ... الخ
اذا يبونا نسويلهم كل هذا وبنفس الوقت ندش حصصنا ونشرح بدون لا نطيح على طولنا فالاولى ويطالبون بتفريغ معلم اللغه الانجليزيه للتدريس بس لانها ماده متعبه واساسيه مع المناوبات اليوميه والاشراف والاعمال الاداريه ومراجعة دفاتر الدرجات كمربيه للفصل وتوزيع الشهادات على اولياء الامور والبرامج الاذاعيه والنشاط والاحتياطات

 

[بنات حواء2]

الله يعينكم حبيبتي
بس بنسبه للتحضير سواء اسبوعي و لا يومي هذا اختياركم و المفروض ان الشخص يتحمل اختياره ليش تخصصتي انجليزي جان تخصصتي شي ثاني
بعدين شفتي الابلات الي تحضيرهم اسبوعي يهلكونهم بالشغل و الاحتياطات و لي تحجت يقولون لها يكفي ان تحضيرج اسبوعي
عمومن هذا التدريس تعب بتعب والله يسهل

 

[bzness world]

هلا

 

[معلمة_منكوبة]

انا اتمنى من الوزير مثل ما يطالب ببلوق لكل معلم ... انه يخلي هالمسئولين يحطون بلوقات نتواصل معاهم فيها و نوصل لهم شكاوينا ​

تعبنا واحنا نحجي بالمنتديات واهم لا حياة لمن يسمع ​

توجيه حولي معروف على مستوى الكويت انه شديد و متعب بطلباته ​

و توجيه الانجليزي عموما طلباته غير كل التواجيه ​

على قولتج خطط اسبوعية و و خطط واجبات مفصله تقولين بتشرحين للاهل كل فتفوته بالمنهج ​

و المستوى الحقيقي للتلميذ مو مهم و لا احد داري عنه ​

الله المستعان ​

انا بالجهراء و توجيهنا هم طلباته وايد بس اللي اسمعه ان حولي اكثر شده و تعسف ​

مادري شاللي بيوصلون له مادري ليش الانجليزي غير المواد

مشكووووووره على الرد :33_1185028183:

 

[معلمة_منكوبة]

كل اللي قلتيه حاصل بكل المناطق التعليميه
توجيه الانجليزي يحبون يكدسون الاوراق فوق راس المعلمات شالفايده منها ؟؟ مجرد مضيعة وقت للمعلم واشغال باله عن تادية وظيفته بالتدريس
هذه اوراق التحضير الجماعي واوراق خطة التحضير الاسبوعي والفئات والنسب والضعيفات والملف الانجازي وحصص القراءه وحصص المساند وحصص المهارات الحياتيه والمنهج اللي شكبره متى يمدينا نخلصه واحنا مشغولين نسويلهم اوراق اوراق اوراق ... الخ
اذا يبونا نسويلهم كل هذا وبنفس الوقت ندش حصصنا ونشرح بدون لا نطيح على طولنا فالاولى ويطالبون بتفريغ معلم اللغه الانجليزيه للتدريس بس لانها ماده متعبه واساسيه مع المناوبات اليوميه والاشراف والاعمال الاداريه ومراجعة دفاتر الدرجات كمربيه للفصل وتوزيع الشهادات على اولياء الامور والبرامج الاذاعيه والنشاط والاحتياطات

كفيتي ووفيتي قاهرتهم .. خل يدشون ويشوفون الأعباء اللي مالها داعي

للمعلم .. وجان زين بس على هذا مايندرا شنو الفنتق اليديد بعد السنه

اليايه ... عسى احد يخاف ربه فينا ..

نورتيييييييييي الموضوع فديتج :eh_s(7):

 

[معلمة_منكوبة]

الله يعينكم حبيبتي
بس بنسبه للتحضير سواء اسبوعي و لا يومي هذا اختياركم و المفروض ان الشخص يتحمل اختياره ليش تخصصتي انجليزي جان تخصصتي شي ثاني
بعدين شفتي الابلات الي تحضيرهم اسبوعي يهلكونهم بالشغل و الاحتياطات و لي تحجت يقولون لها يكفي ان تحضيرج اسبوعي
عمومن هذا التدريس تعب بتعب والله يسهل

هلا حبيبتي ام زنوب نورتي .. احنا مو عيزانين عن التحضير مرتين

باليوم اللي قصدته فوق هذا.. البلاوي اللي طالبينها ومامنها فايده ...

فوق اننا نحضر مرتين باليوم نحضر غيره الخطه الاسبوعيه ورقه كامله

(يعني مادري ولي الامر شيهمه بالستركجر والفنشن) وكل شي موجود

بالكتاب مو حالنا حال اي ماده حتى اساسيه ثانيه .. العربي اللي العربي

خطتهم مو ورقه كامله بس سطر .. وفوق هذا نحضر جماعي !!

وساعات يصير ورقتين بعد اذا بداية السنه ..

كل وحده فينا حابه تخصصها وهذا اللي خلاها تدرس انجليزي واغلبنا شهادتنا

ادب انجليزي مو تربيه .. العيب مو بالماده العيب باللي قاعد يفنتق

بفناتق سخيفه ماتهم احد بس تزيد الشقا .. والخوات قاعدين يوضحون

وياي بلاوي التوجيه ..

وللعلم موضوعي مو استهزاء او المقارنه بين المواد ! موضوعي

عن الظلم اللي نواجهه من التوجيه وكل سنه يطلبون شي يديد

ورئيسات الاقسام ربع (حاضر يا باشا) وين الله بيوفقنا

 

[معلمة_منكوبة]

هلا

هلا فييج حيااج بيننا

 

[معلمة_منكوبة]

ان شالله فيه تفاعل اكثر .. ورجاءا لاتطلعون برا الموضوع احنا نتحجى عن ظلم التوجيه

يليته يشوف باجي التواجيه ويصير نفسه مو كله اهما غير ! ومو على سنع..


ياللا بنات شاركونا لاتطلون وتطلعون

 

[ترف بابا]

حبيبتي دشي على السايت مال الشكاوي

او اذا عندج رقم الوزير سيده بالواتس اب

بتقولين شلون سالي في مدرسات عطاهم رقمه لما زار المدارس اي وحده

من الخوات تعرفه تعطيج اياه بالخاص

والدال على الخير كفاعله احم احم

 

[Miss dreams]

اى والله يا معلمه منكوبه انا معاج فى كل اللى قلتييه

اصعب توجييه هو توجييه الانجليزى وحولى بالذات من يوم مااستلمت سوزان واحنا مو مترقعين

كل سنه قرارات يديده وياريتها تصب بمصلحة الطالب بس كراااف لنا احنا المدرسات

مادرى عندهم هوايه تجميع الاوراق وانا متاكده انه كل هالشغل اللى نسويه والاوراق

اللى يطلبونها منا ماراح يطلون عليها ومردها تكرمين الزباله

وانا اللى فهمته من كلامج انج معلمة ابتدائي

بس احنا بعد المتوسط تنطرنا بلاوى يديده مع بداية السنه هذه لانه وااايد غيروا بطريقه الاختبارات وطريقة تقديم الكومبوزيشن

والله انا حاطه ايدى على قلبي هالسنه والله يستر

وبالنسبه حق الاخت اللى قالت انه الانجليزى اختيارنا ولازم نتحمل

اى صح الانجليزى اختيارى وما اتخيل نفسي ادرس ماده ثانيه غيرها

لانه كل واحد وعلى حسب ميوله واذا على سالفه الاحتياطات فياما شلنا احتياطات

مواد غير اساسيه وخصوصا الاقتصاد المنزلى ينادونى حق احتياط صف واتفاجأ بنص صف لانه الابله غايبه انزين الابله الثانيه

خل تاخذهم لووول

 

[TIC TOK]

نفس الشي بالضبط بتوجيه الاحمدي

عاد احنا عندنا موجهه عن عشره من كثر دعاوينا عليها طاحت مريضه الله لا بلانى يارب

 

[يامطوله صبري]

ايه والله صدقتي

وكل اللي قلتيه حاصل عندنا بالاحمدي

والمصيبة المادة دسمة والمنهج ملياان يعني يحتاج تفرغ تاااام

 

[^^ريهام^^]

الله يعينكم

قسم الانجليزي عندنا2 استقالوا من التعب اللي شافوه

 

[مشغوله و محتاسه]

الله يعينكم حبيبتي
بس بنسبه للتحضير سواء اسبوعي و لا يومي هذا اختياركم و المفروض ان الشخص يتحمل اختياره ليش تخصصتي انجليزي

حبيبتي صحيح اختيارنا .. بس منو فينا سواء انجليزي او ماده ثانيه راضي عن فناتق التوجيه ؟؟

انا اشتغلت سنين و الحمدلله كان التدريس ماشي و حلو ... العام طلعو لنا بسالفة التحضير الاسبوعي الجماعي .. كأننا كل هالعمر ندرس بفوضى و الحين يبون يضبطون الابلات !!

يعني التحضير الجماعي اليديد هذا مو من زمان ... و اللي تخصصت انجليزي و اختارته بارادتها ماكانت تدري انهم كل سنة راح يضيفون لها شغل يديد

تخيلي يعني ابلات المرحلة يقعدون يكتبون الاهداف و الوسائل و القواعد و الوظائف اللغوية و يطبعونها لكل دروس الاسبوع ... و ملزومين يمشون عليها مع بعض ..

طيب يعني ما فكرو ان الابله تبي تغيب .. بيصير لها ظرف ؟

حجي فاضي


انا احب تخصصي .. و ما قل حبي له عقب رئاسة القسم
بس ماا احب فناتق التوجيه اللي ما تهدف الا للتضييق و الشدة اللي مالها معنى

 

[معلمة_منكوبة]

حبيبتي دشي على السايت مال الشكاوي

او اذا عندج رقم الوزير سيده بالواتس اب

بتقولين شلون سالي في مدرسات عطاهم رقمه لما زار المدارس اي وحده

من الخوات تعرفه تعطيج اياه بالخاص

والدال على الخير كفاعله احم احم

أتوقع السايت مليان شكاوي على التوجيه وماكو فايده

نتمنى الرساله توصل حق التوجيه العام .. ويحسون بمعاناتنا شوي :yaaaaaarb:

تعبنا من الكلام وكثر ماقلنا في بعد ..

تسلمييييييييييييين حبوبه على مؤازرتج :0bee2e8d89: مشكووووووره

 

[معلمة_منكوبة]

اى والله يا معلمه منكوبه انا معاج فى كل اللى قلتييه

اصعب توجييه هو توجييه الانجليزى وحولى بالذات من يوم مااستلمت سوزان واحنا مو مترقعين

كل سنه قرارات يديده وياريتها تصب بمصلحة الطالب بس كراااف لنا احنا المدرسات

مادرى عندهم هوايه تجميع الاوراق وانا متاكده انه كل هالشغل اللى نسويه والاوراق

اللى يطلبونها منا ماراح يطلون عليها ومردها تكرمين الزباله

وانا اللى فهمته من كلامج انج معلمة ابتدائي

بس احنا بعد المتوسط تنطرنا بلاوى يديده مع بداية السنه هذه لانه وااايد غيروا بطريقه الاختبارات وطريقة تقديم الكومبوزيشن

والله انا حاطه ايدى على قلبي هالسنه والله يستر

وبالنسبه حق الاخت اللى قالت انه الانجليزى اختيارنا ولازم نتحمل

اى صح الانجليزى اختيارى وما اتخيل نفسي ادرس ماده ثانيه غيرها

لانه كل واحد وعلى حسب ميوله واذا على سالفه الاحتياطات فياما شلنا احتياطات

مواد غير اساسيه وخصوصا الاقتصاد المنزلى ينادونى حق احتياط صف واتفاجأ بنص صف لانه الابله غايبه انزين الابله الثانيه

خل تاخذهم لووول

الله يعييييينكم ماكافي التصليح عليكم بعد شالفناتق كل سنه ؟؟

على قولتج مو كافي بلاوي التوجيه بعد سالفة الاحتياطات سالفه ثانيه

احنا غير عن باجي المواد نشيل احتياطنا واحتياط غيرنا ..

والله يا مس كلامج عدل اهما كل سنه يطلعون بفنتق يديد ويليته

له داعي يكون نقول اي جان من زمان سووا جذي ! لأ زياده

أوراق وصدقتي الأوراق بس تعذيب وزيادة شغل بالأخير بالزباله

وانتي بكرامه مثل ماقلتلي ..


أملنا بالمنتدى اللي ماشالله كل الأطياف تدشه .. ومااتوقع انه

هالرساله ماتوصل .. اكيد توصل بس ان شالله يفكرون شوي

ويشوفون المعاناه اللي حطونا فيها ..


تسلميييييييين مس على المشاركه فدييييييتج :hjy5jewf:

سوي نفسي اخذي نصاب كامل علشان تفتكين من الاحتياطات :cxxxp:

 

[معلمة_منكوبة]

نفس الشي بالضبط بتوجيه الاحمدي

عاد احنا عندنا موجهه عن عشره من كثر دعاوينا عليها طاحت مريضه الله لا بلانى يارب

هذي نهاية الظلم والنحاسه :eh_s(4):

هلا والله بعيال الاحمدي منطقتي سابقا نورتي بمشاركتج فديتج

شسالفتها هالموجهه .. انتوا نفسنا الرياييل اهون عندكم ...

 

[معلمة_منكوبة]

ايه والله صدقتي

وكل اللي قلتيه حاصل عندنا بالاحمدي

والمصيبة المادة دسمة والمنهج ملياان يعني يحتاج تفرغ تاااام

صدقتي انلحق على شنو ونخلي شنو ..

يسلملي مرورج