بأخر السادس و نفسيتي تعبانة طمنوني

[*فرحة عمري*]

السلام عليكم

بنات سويت سونار و الدكتور يقول البيبي نازل واااايد الحوض يعني شنو ؟؟

اي وقت اولد ؟؟ البيبي ماصار حتى 800 جرام ؟؟

طمنوني في مجال اكمل السابع و الا احتمال ولادة مبكره لان قاعد اتييني تقلصات و عوار ظهر

بليز طمنوني حبايبي​

 

[دلال و غلا]

والله ما عندي خلفيه
احسن شي تسألين الدكتور
الله يسهل عليج ويحفظ لج جنينج

 

[H&M love]

ماعندي فكرة انا بجريه

الله يسهل عليج و يطمن قلبج

 

[*فرحة عمري*]

مشكورين جزاكم الله خير

 

[*فرحة عمري*]

رفع

 

[*فرحة عمري*]

شدعوة بنات مافي وحده تبرد قلبي

 

[Judy . abbot]

ماعندي فكره

اب اب

 

[@ام يوسف@]

الله يتمم عليج وتولدين بالتاسع

 

[زبيـده]

انا بعدج باسبوع تقريبا

نفس الشي بعد الام في الضهر والبطن وواصلي الين الفخذ....وكل ما اروح للدكتوره طوارئ يقولون لي نازل في الحوض عشان جذيه مسوي شد....لدرجه انه اقعد اصيح واقول شلوووون افرق بين الم الشد او اذا كان الم طلق

انا سوولي كشف مهبلي عشان يعرفون طول عنق الرحم وايشيكون عليه اذا فاتح ولالا....انتي سئلي دكتورتج اذا تحتاجين لهالكشف ولالا

حاولي قد ما تقدرين وانتي قاعده ترفعين اريولج وانتي نايمه حطي تحتج مخده عشان ترفعين فيها حوضج شوي

والله ايسهل عليج في وقتج

 

[*فرحة عمري*]

زبيدة عيزوا مني يبون يسوون فحص داخلي مو راضيه كلش تنصحيني اسوي؟؟

 

[زبيـده]

اسم الكشف اشعــــــــــــــــــــــــــــــه مهبليه ,,,,ديري باااااااااااااااالج .......مو يكشفون عليج بايدهم (اسفه)

فيه جهاز طوله طول الكف تقريبا وما يدخلونه كله بس شششششويه ما تحسين فيه

لا تخافين منه ...اصلا فيه ناس وايد يطلبونه في بدايه لشهور عشان يتاكدون من جنس الجنين <<<<يعني ماعندهم سالفه

 

[تختووخه]

ماعندي فكرة حبيبتي ... إن شاءالله البنات يفيدونج ... الله يسهل عليج ولادتج ويحفظلج جنينج

 

[أكذب عليك]

انا ماعندي خبره بس سالت امي قالت ديربالها تسوي فحص داخلي
لانه بيعسرونج ويولدونج
والله مابيدي الا ادعيلج ان الله يسهل عليج ويحفظلج البيبي

 

[ابدا يالغالي مانساك]

حوبي ريحي نفسج ولاتجهدين عمررررج
وان شالله يرب تولدي بالتااسع وتقومي بالسلامه

 

[غند-777]

حاولي تريحين نفسج وانا سامعه في ابر توقف الطلق اذا فيج طلوق اسالي عنها

 

[معاالي]

الله يتمم عليج حملج وتولدين بالسلامه