ا حس اني بموت من ولدي

[بحور الذكريات]

السلام عليكم ورحمة الله وبركاته



ولدي عمره 4 سنوات ماشا الله عليه وماني قادره على لقافته والله يابنات مرات اقول اني راح اموت وانا نايمه من كثر مو معصبه عليه :eh_s(16):
ان رحت السوق الناس كلها بس تصيح باسمه اقعد. خل. بس ياولد. وين ماما
يماما شوفي بيبي
والله يابنات من كثر الفشله ودي اخليه باسوق واطلع
راح تقولون دام مزعج ليش تاخذينه اقول يمكن يشوف الجهال ويتعلم ابي احسسه ان له قدر عندنا وناخذه معانا
والله والله يابنات اني انا وابوه نشتري له اشياء غريبه وحلوه وغاليه
نقول يمكن يشوف شلون نوفرله اللي يبيه يقدر هالشئ والله عمك اصمخ
اول كان يهاب ابوه الحين والله تطنيش ترى ماعندي صبيان الا اهو
وعلى فكره الكاكو مايحبه لان الناس تقول الكاكو يزيد طاقه وماالبسه صرت الوان تخلليله طاقه
حتى تهديد جربت عقاب هم جربت طق طقيت :23_asmilies-com:

والله كل ما اصلي ادعيله واقول يارب تهديه وتصلحه
والله تعبت نفسيتي مع اهلي وزوجي والناس كله معصبه ومتوتره وبس افكر شنو الحل
والمشكله حطيته بمدرسه انجليزيه خوفج بس يشوفون لقافته راح يطردونه ويطير كل شئ علينا
والله مادري شسوي
وشنو الحل
وهل في اطبه تسوي شئ

 

[{}{}{ سكرة }{}{}]

هههههههههههههههههههههه ضحكتيني يوم قلتي اخاف يطردونه

الله يهدي لج يااااااااارب

وصدقيني عادي باجر يكبر ويعقل

 

[ام اغلى الناس]

الله يهديه و يخليه لج
ترى اسم الله عليه مو صغير ... فهميه انه غلط و عقاب له خليه بالبيت
لا تاخذينه اذا ما سمع الكلام
عاقبيه بحرمانه من الالعاب و قولي بغيت اشتري لك بس انت مو عاقل نفس الجهال
ان صرت عاقل اروح انا وياك نشتري اللعبه

 

[مساء مونترو]

شي طبيعي ..
عادي بالعكس ...
كل اليهال جذي..
لما يكبر يصير هادي ..
بس ادعلية ..
ان الله يهدي..
ومافي الا العافيـــة,,,

 

[Hallawy]

ما شا الله عليه واضح من كلامج انه حركي على شطانه .. افضل طريقه له اطبقين نظام زاوية العقاب نفس اللي تسويه سوبر ناني و اذا كلش كلش يعني حارج وفيج طق لا اطقييييييييييينه بس طبقي هالطريقة مسكيييه من ايدينه وقيديييه طبعا راح يرافس و يدز بس خليج قويه هالطريقة صج احسن وايد من الطق يتأدبوون منها .. و طبعا لا تنسين الدعاء و الله يهديه ويصلحه

 

[بحور الذكريات]

رد : رد: ا حس اني بموت من ولدي

ما شا الله عليه واضح من كلامج انه حركي على شطانه .. افضل طريقه له اطبقين نظام زاوية العقاب نفس اللي تسويه سوبر ناني و اذا كلش كلش يعني حارج وفيج طق لا اطقييييييييييينه بس طبقي هالطريقة مسكيييه من ايدينه وقيديييه طبعا راح يرافس و يدز بس خليج قويه هالطريقة صج احسن وايد من الطق يتأدبوون منها .. و طبعا لا تنسين الدعاء و الله يهديه ويصلحه

ياالغاليه شلون نظام زاويه هذا قوليي من باجر اجربها انشاالله_03ba:

 

[Om Yassin]

يكبر ويعقل
كل اليهال جذي
الله يخليه لج

 

[um khaled]

نفس اللي عندي رايح الروضه وين ما رحت مفشلني
ومطلع عيني في البيت

وولدي العود بو 8 سنوات كان نفسه الحين تبارك الرحمن رزه وهادي من دش الروضه

شنسوي مالنا الا الصبر

الله يهديهم

 

[دلع حياتي]

الله يهديه ويصلحه لك يارب ويحفظه

 

[Tosta M7mSha]

اسم الله عليه حبيبتي لا تقولين عنه جذي حرام بعد عمري ادري امورييج نجوم الظهر بس ميخالف شي طبيعي في يهال يصيرون هايبر اكتيف فرط في الطاقة والنشاط احسن حل له تودين مكان في العاب يطلع كل طاقته لان مو مال سوق وتمشي بهالعمر وديه ديسكفري -ماجيك بلانت-..الخ المهم اي مكان يطلع طاقته شركيه بنادي؟؟ واذا عندكم شاليه او ياخور حطيله العاب ونطاطايات وهالسوالف وهديه خل ينطلق ويفجر كل طاقته
انسي انسي الطق!! ترى اسلوب الطق غللللط وماراح ينسالج انج طقيتيه وهو يعيش طفولته! سالفة لقافه واذية الناس بالسوق لا تودينه السوق اولا اهو صبي ما يهتم بالتمشي والتسوق يبي العاب ثانيا في طاقة الولد اسم الله علييه شيسوي بعمره..

اخر شي اقوله لا تحاتييين لا كبر بيتغير فووووق تحت بتقولين واي هذا الي كنت اشكي عنه في منتدى كويتيات هههههه بيصير مشهور

عسى الله يهديه ويحفظه لج
ملاحظه: اقري عليه ليل ونهااار بما ان حركي ونشيط في اي مكان وزمان ارقييه بعد الواحد يخاف من شطانة الليل الله الحافظ

 

[حبـ admant ـك]

بنت وحده تقرب لي هلون
ماشاءالله عليها ماتقعد ودايما تحسين انها في لويه وعفسه
وشسوت عشان تسكت
اهي في كلمه ماتحبها البنيه
تقولها naughty يعني شيطانه
هني البنت تعصب وماترضه
عاد من تسوي شيطانه تقولها تره بتصيرين نوتي
هني البنيه تقعد مكانها ولا تسوي شي

وكرسي المشاغبين هذي كرسي تحطينه بالزاويه ومخصوص للشطانه
قوليله اذا سويت شطانه راح تقعد هناك 10 دقايق
طبعا بيغربلج و بيصيح بس انتي لا تستسلمين
كلما قام من الكرسي رديه له بدون كلام
لين ما تخلص ال 10 دقايق
تنزلين في مستواه وتقولين له انا خليتك هني لانك سويت جذي وجذي
وبس
ان شاءالله يكون شرحي زين وتستفيدين منه

 

[مي الحلوة]

رد : ا حس اني بموت من ولدي

الله يهديهم ان شاء الله..انا ولدي عمره 3سنوات مطلع عينى..
ودايم ادعي ان الله يهديه..ومستخدمة معاه كرسي العقاب..بعنى لما يسوى شيء غلط احطه بزاوية بروحه
والله تربيتهم تعب بس شنو نسوى ما لناااا الا الصبر..وان شاء الله يكبرون ويهديهم ربي..

 

[شربات]

رد : ا حس اني بموت من ولدي

وبنتي كذلك ، راس ياااااااااااااااااااااااااااابس " طالعة من قلب" وعناد موطبيعي

آنا أتعب وأهلي يخربون بدلعهم لها

الله يهديهم ويصلحهم

 

[حجيه هيونه]

اسم الله عليه حبيبتي لا تقولين عنه جذي حرام بعد عمري ادري امورييج نجوم الظهر بس ميخالف شي طبيعي في يهال يصيرون هايبر اكتيف فرط في الطاقة والنشاط احسن حل له تودين مكان في العاب يطلع كل طاقته لان مو مال سوق وتمشي بهالعمر وديه ديسكفري -ماجيك بلانت-..الخ المهم اي مكان يطلع طاقته شركيه بنادي؟؟ واذا عندكم شاليه او ياخور حطيله العاب ونطاطايات وهالسوالف وهديه خل ينطلق ويفجر كل طاقته
انسي انسي الطق!! ترى اسلوب الطق غللللط وماراح ينسالج انج طقيتيه وهو يعيش طفولته! سالفة لقافه واذية الناس بالسوق لا تودينه السوق اولا اهو صبي ما يهتم بالتمشي والتسوق يبي العاب ثانيا في طاقة الولد اسم الله علييه شيسوي بعمره..

اخر شي اقوله لا تحاتييين لا كبر بيتغير فووووق تحت بتقولين واي هذا الي كنت اشكي عنه في منتدى كويتيات هههههه بيصير مشهور

عسى الله يهديه ويحفظه لج
ملاحظه: اقري عليه ليل ونهااار بما ان حركي ونشيط في اي مكان وزمان ارقييه بعد الواحد يخاف من شطانة الليل الله الحافظ

صح ما ينفع تودينه سوق وديه اماكن تطلع الطاقه الى فيه

 

[**دانات**]

واي واي واي ما اعتقد في احد نفسي انفضحت بكل مكان بسبة هالولد شطانة ما عمري شفت نفسها تعب نفسيتي المشكلة لا طلعت لازم اخذه ولا بتذبحه الخدامة ولا القاه ضايع لا السنة الياية اولى ابتدائي وعندي بالمدرسة علشان تكمل الفضايح اللة يهديه بس

 

[الفنانه79]

رد : ا حس اني بموت من ولدي

موووووصعبه

انا كان ولدي جذي شي مووووطبيعي

اول شي قمت البس جدامه واطلع واخليه انا واخوه وابوه واقووووووله السبب لازم يعرف السبب

اقوله تدري ليش بنروح وانخليك؟؟؟ لانك شيطان واتأذيني واتفشلني جدام الناس

كنت اطلع واسمع البجي <<< وقلبي يتقطع بس اقول ميخااااااااااااااااااالف

يقعد بالبيت يبجي ويصااااااااااااارخ كنت احقره ولا جنه في احد يبج عندي <<< قام يسكت ويقرب مني علشان اراضيه واذا راضيته اعاتبه مره مرتين بيتعلممممممممممم

احرمه من شغلات من السوني والبلي ستيشن واخلي اخوه يلعب راح يتأدب

اما بالنسبه حق المدرسه الانجليزيه لاااااااااااااااتخافين مافي احد راح يأدبه الا المدرسه الانجليزيه اهياااا نظاميه حييييييييييل وعندهم ثواب وعقاب انا كان ودي يحرمووونه يلعب بالفرصه ايوقفووونه مايخلونه يلعب مع اليهال لان ايكفخهم


الله يخليه لج يارب

 

[نويرة الكويت]

يحلات شطانت اليهال

بس انا اقول دخليه نادي احسن له واحسن لج

 

[قلبي تركواز]

امي دايم تقول الجاهل من حظ امه
يعني يجننك ويكبر ويعقل!!!!

 

[ديانا سبنسر]

نفس ولدي 4سنوات شيطان حده بس انا استخدم معه الثواب والعقاب

 

[Shine~Flower]

الله يهديه يا رب .. وعادي حبيبتي لا تحاتين .. شي طبيعي بس نصيحة لا اطقيه راح يزيد .. بالعقاب كل شي ينحل يعني اذا اذااج حرمي من شي يحبه مثلا لعبة ومع الوقت بيعقل .. والله يهديه يارب