اي وحده كانت (ام لخديج ) تدخل الله يفرج همك ادخلي

[عيون السعودية]

أنا ولدت في نصف الشهر السابع ولدين توأم ووزنهم كيلو و 100 غرام والحين هم على التنفس الاصطناعي والدكتور يقول ان الضغط عندهم يرتفع وينزل ايش قصده بهذا الكلام علما بأني اخذت ابرة اكتمال الرئه
الله يسعدها ويفرج همها ويرزقها اللي ترد بشرط انها مرت بهالحاله او سمعت عن ناس تعرفهم مروا بهالحاله ​

 

[معاالي]

الحمدالله ع سلامتج

وربي يشفيهم وتقر عيونج بشوفتهم

ماعندي فكره ان شاءالله البنات يفيدونج

 

[المسكـ]

الله يشافيهم ويطلعهم بالسلامه يارب
عيال خالي كانوا توم وانولدوا باول يوم من السابع وهم نفس الحاله بس الحمدلله اسمالله عليهم اطلعوا وكبروا
انتي هالله هالله بحليبج كل يوم وديلهم وادعي ربج والله يشافيهم يارب

 

[saroon alksha]

مساء الخير ، الصراحه هذي اول مشاركه لي وان شاء الله افيدج
:yaaaaaarb::yaaaaaarb:
انا ولدت اول يوم لي بالسابع ولدي قعد بالحضانه مده 4 اشهر ، وبهالفتره حطو له جهاز تنفس صناعي مده والله طويله لان كان حيل تعبان وهم كنت ماخذه ابره الكرتزون ! بس الحمدلله بعدها طلع ومافيه الا العافيه لا تحاتين ولا شي ادعي لهم وربج كريم يفرجها اتمنى اني فدتج
:eh_s(7)::eh_s(7):​

 

[ورود خذلتها العاصفه]

الله يطمنج عليهم ياااااارب

 

[&موناليزا&]

عادي حبيبتي لاتحاتين والحمدلله على سلامتج

 

[روحي82]

الله يخليهم لج ولا ضيع تعب

وياارب تشاافيهم وتمم عليهم

 

[ربيع_الروح]

الله يخليهم لج يا رب
ولا تحاتين لازم ينحط لهم الأكسجين لحد ما تكتمل رئتهم عدل

لا تنسين اهمه بهالوقت المفروض في بطنج يعني لازم تنحط لهم أجهزة
تساعدهم لحد ما يدخلون التاسع سبحان الله عقبها راح تشوفين حتى شكلهم تغير
لأن اهوا الوقت الي المفروض يطلعون فيه على الدنيا


والله يفرحج فيهم بخروجهم من الحضانه قريب يا رب وتلمينهم بحظنج
اللهم آمين