اي احسن شاديه عثمان او ناهده العلي ؟ساعدووووني

[Tame]

مبارك عليكم الشهر
ابي مساعدتكم بنات :eh_s(16):
أنا اراجع فالمواساه وناويه أولد هناك ان شاء الله
أنا بالشهر ال8 وأراجع قبل عند فرجينيا لي الشهر ال4 عقب غيرت لاني ماكنت مرتاحه نفسيا مع انه كانت حليوه عقب كملت مع شاديه بس قالو لي ناهده احسن
وأبي اعرف من احسن او من جربتهم او سمعت عنهم حدي محتاره وهااي البجر ماعرف :eh_s(11):
وبغيت اعرف ناهده أتي المواساه لو لا ؟ :bbbiu:

 

[الغلاوي]

أنا والله ماجربت ناهده بس رفيجاتي مجربينها وحيييييييل يمدحونها حتى يقولون لج بالولادة اهيه اللي تذكرج بالأذكار والسور الصغيرة​

 

[Tame]

مشكوره حبيبتي ع الرد

 

[أنفاسي دخون]

كلهم يهبلون ويمدحونهم حيل

انتي استخيري والله يكتب لش اللي فيه الخير

وناهده تولد بكل المستشفيات منهم المواساة

 

[كلاسيكال]

الله يسهل عليج انا بجرية مثلج ، وراجعت عن ناهده العلي ، امدحوها لي ، اما شادية مادري عنهآ

 

[زينانه]

والله انا اراجع عند ناهده
ومرتاحه لها
وتولد بالمواساه عادي

 

[sweeta77]

انا انصحج في ناهده العلي
وتولد بكل المستشفيات

 

[Tame]

مشكورين بنات على الرد
بس بغيت اسأل في احد يعرف شلون خياطهم شاديه وناهده ؟
ناهده تسوي سونار ملون ؟وبغيت اعرف بكم تسوي السونار العادي او المرجعات ؟ *

 

[ام عفاف الكويت]

دكتورتي ناهده تتتتتتتتتتتتتتتتتتتتتتهبل
ولادتي القبليه معاها وهالولاده
وتولد بالمواساه قلبي

 

[نونو الحلوة]

انا والده عند شاديه والله تهبل وماعليها كلام

 

[رمانة الكويت]

ناهدة العلي تهبل
والسهالات من الله

مراجعتها ما تتعدى 35 دينار ويمكن اقل

حتى يقولون لج حليمة بولند اتراجع عندها هههههههههه

 

[Tame]

مشكورين بنات على الرد ماقصرتو
اهم شي حليمه بولند خخخخخخخ عاد هاذي اللي ماحبه لول

 

[Om_Ksha]

^
^
حليمه تراجع برويال حياه شفتها ذاك اليوم ..

 

[الرباب]

السلام عليكم

ولدت مرتين عند ناهدة
هالإنسانة تهبل أخلاقها وتعاملها وصبرها وحتى خبرتها الشعبية إضافة إلى إتقانها الطبي.
انصحج فيها
انا وحمواتي وحريم حمواني و صديقاتي كلهم عندها .

وتولد بكل المستشفيات حسب ما أعرف.

 

[sweeta77]

ناهده تاخذ بالمراجعه والسونار ٢٠ دينار
انا اراجع عندها

 

[أم عزوز21]

بنات آنا بعد سامعة بناهده العلي يمدحونها شكثر .


بس بليززز أبي وين مكانها ؟؟ وين عيادتها ؟؟

 

[زينانه]

عيادتها مقابل مطافي السالميه
عالدائري الرابع بنفس شارع بوحمرا كلينك وعلاج كلينك
عمارتها قصيره يمكن ٣ ادوار وعالشارع

 

[أم عزوز21]

^

تسلمييين أختي ..

 

[بحر الذكريات]

شاديه اختي كل ولاداتها عندها ماشاء الله وتمدح خياطها بس كلامها تجي باخر لحظه

 

[fdeet_shosho]

روحى لناهدة وانتى مغمضه تهبل هالدكتورة
انا تونى والدة عندها ماشاءالله عليها اول مادقوا عليها بسرعه وصلت واول مادشت قرت علي المعوذات وقامت تقرا علي قران وتقولى قولى وياي وانا ميتة خوف وقلتلها دكتورة انا خايفة مادرى شفينى وضحكت وقالت لاتخافين بعطيج مسكن ومهدئ والله وعطتنى وتحملتنى يومها ربي يعينها رحمتها على اللى سويته وياها بس ماقالت شي كله على لسانها بنيتى يالله اذكرى ربج وساعدينى عشان تخلصين وطول ماتولدنى تسمعينها تقرا قران بصوت عالى وترتاحين نفسيا - ماقول غير الله يجزاها خير يارب