ايهو احسن ثواني او اوائل

[Eva-SS]

انا حدي محتاره

خبرتي بالكورسات اللي طاف كله امسك ثواني

هالسنة اول مره اولى

صراحة مادري شلون اولى حلوين وعقال بس متعبين اول السنة كله بجي ولا يعرفون ولا شي صفحة بيضة حيل تعب اول السنة على السلوكيات على ما يتعودون وبالحلقة متنحين جني احاجي طوف والله انا اسأل وانا اجاوب :ggdw:

ثواني اذكياء بس شياطين وغير جذي اللي مزهقني بس وملوع جبدي حفلة التخرج احس اخر السنة تعب واقعد احاتي الفقرة وتنظيمها وتدريبهم


مادري انتوا شرايكم ايهو احسن ثانية او اولى

واللي جربت شنو عجبها

 

[الرزينه]

مثل ماقلتي اولى متعبين بداية السنه بس بعدين من يتعودون مافي احسن منهم مطيعين وكل شي يعجبهم
قصة ليلى والذيب اطيرهم من الفرحه عكس ثواني يحرقون الاعصاب ولازم منهبهاتهم يديه واصعب من اولى يعني دوخه
انا بالنسبه لي مستحيل افكر اروح ثانيه

 

[عهود الحب]

انا عكسكم
ثانية يبين فيهم المجهود
اولى ماكو ولا كأنك يابوزيد غزيت
الانهاك الي باخر السنة لمستوى ثاني يحوش اولى كورس كامل يالله يالله يتسنعون
والله انا طول عمري اولى
هالسنة صج صج ملوعين جبدي ثانية
بس الفرق
انه اي شي اعلمهم سيدا يتقبلونه ويفهمونه


شياطين بس يبيضون الوجه

واخر السنة مدرسات ثانية يتعبون صح
بس جهدهم يبين
اما مدرسات اولى مادري احس ينظلمون بهالنقطة
عالعموم اولى بعد لهم مزايا
بس انا حسيت بفرق وارتحت للمرة الاولى بحياتي لما مسكت ثانية
حسيت الدرس متحرك موميت
اولى تتحركين واهمه صم بكم فهم لايفقهون

 

[kajool_80]

انا أدرس أولى وما قد مره جربت ثانية بس أولى أفضل من ناحية الضبط يبين شغلج وضبطج لهم بس ثانيه يبين شغلج من ناحية التدريس كشرح وحلو الواحد انه يجرب