أنا طول عمري استخدم نوكيا . اخر 3 تلفونات جربتهم : e71 عقبه استخدمت n97 mini والحين حولت عالايفون
النوكيا كان وايد يعلق , والبرامج اللي بالOvi مرات تخلي الجهاز يعلق , روعه اذا انتي من النوع اللي يحب يشبك , كل ما نزلتي برامج كل ما صار الجهاز ابطأ , والحلو ان معاه كيبورد
الايفون سريـع وما يعلق وافضل بالبشبك لان عباره عن لابتوب صغير . ماكو مقارنه بين برامجه وبرامج النوكيا . الايفون فيه : تلفزيون - ألعاب - برامج - فوتوشوب - كتب - محادثات مع اللي عندهم بلاك بيري والايفون والنوكيا - فيه Ipod .. الشاشه اللمس أفضل مليوووون مره من لمس الn97 , يعني مجرد ما يلامس صبعج الشاشه يشتغل البرنامج , النوكيا لازم تضغطين شوي اقوى عشان يفتح البرنامج ..
أنا حاليا أفضل الايفون , اذا انتي قادره تشترين الايفون اخذيه لان يعمر عندج وما يعتق يعني دايما ينزلون له update. و اي برنامج لاي شغله تطري على بالج راح تلقينه . واذا نزلتي برنامج معين تلقينهم من فتره لي فتره ينزلونه تحديث وحسنون من اداءه . اما n97 فما صادفت الا تحديثين من استخدمته .
وطبعا في بلوتوث , وانا كنت متوقعته صعب الاستخدام .. بس الصراحه وايد سهل , المشكله بس اول ما تشترينه وصلي مع الكمبيوتر وسويلج اكاونت بالايتونز ونقولج مبروك الجهاز . واي برنامج تبينه تقدرين تنزليه سيده من الايفون , او توصلينه بالاب توب وتنزلينه .. وبين فتره والثانيه توصلينه بالاب توب تسوينله (تزامن) عشان اي برنامج عندج لو مسحتيه بالغلط تقدرين ترجعينه .
باختصار شديد باعتباري استخدمت الاثنين : الايفون افضل بمراحل من الn97 . واذا انتي خاطرج نوكيا فاخذيلج جهاز يديد لان وايد اجهزه يديده من نوكيا نازله ورا الn97
