ايـكـيا

[برائـة طفلـة]

مـرحبا كويتيات :eh_s(7):
كـــــيف الــحال ​

اليوم حابه أخذ رايكم في محل الاثاث ايكيا ،، هذه الرابطة حق كاتلوج 2012 http://onlinecatalogue.ikea.com/KW/ar/2012/IKEA_Catalogue/275/
طبعا ايكيا مشهور وااايد على مستوى الكويت ،، ومافية بيت يخلى من سوالف ايكيا ،، وانا وحدة من الناس الي استمتع إذا دخلت لة ودي أخذ كل شي فية ..
الي حابة أعرفة منكم شنو أكثر شئ تحبونة في ايكيا شنو الي تحبون تشترونة من عندهم ،،

عن نفسي احب عندهم شغلات المطبخ خصوصاً الصحون
والقلاصات
والاكبوابة
وسوالف تنظيم ادراج الكبت ​

وانتوا شنو تحبون تشترون من ايـكيا

:eh_s(6):

 

[أغلى حبيبه]

احب ادوات المطبخ
واكسسواراتهم الزجاجيه
والارفف
البراويز
الفترينه الزجاج
الثريات والابجورات
طاوله تتصفط مع كراسي هم يتسفطون
منظمات الادراج
حامل الريمونتات
ساعات الطوفه العمليه
العاب اليهال
مناظر جام كبييييره
عزج الله زبايل

كل هالاشياء شاريتهم منهم وماشاءالله كد ومد


بس الاثاااث ماعجبني لانه الخشب المضغوط ومايتحمل شيل وحط لازم ثابت عشان مايتفلل

وانا كل شي فاره الدار فـ ماناسبني وتفلل وقطيته وسويت لي نجاره

 

[مبرقعات]

مرحبا فيج اختى برئة طفله وحياج معانا فى المنتدى انا عن نفسي كل ادوات المطبخ من ايكيا صحيح ان جدورهم الملونه غاليه جدا لاكن شي يفتح النفس على الطباخ وسعره فيه وثقال والمقالي عندهم بجميع الأشكال والأحجام اذا بخاطرج تسوين شي على لوح التسخين مثل الغريل مثل المطاعم عندهم مقلا مخصصه لهذا النوع واذا تبين تسوين مشويات هم عندهم مقالي للشوي لاكن انا شاريه جهاز الشوي من الغانم احلا وارتب كهربائي ولازم اكواب الحليب او العصاير والشاي وتقديم الكيك كله من ايكيا رخيص وفخم اغلا شي عندهم بالاواني المنزليه هو الجدور اللى تجي منفرده مو سيت وعزكم الله ادوات الباث روم هم من ايكيا العلاقات وخزانة الصيدليه من ايكيا وخزانة الشامبو كبيره من ايكيا حاطينها عزكم الله بالحمام وتخلى الحمام ارتب لان كل شي تخشينه بالخزانه اضاءة المطبخ والحمام من ايكيا الكفرات والشراشف والفوط والايكسسواري والشموع والمناظر الطبيعيه والنباتات كلهم ماخذينهم من ايكيا غرف عيالنا الصغار من ايكيا لاكن غرفنا لا مو من ايكيا لان عيب ايكيا اذا حطيتي الغرفه لاتفكرين تغيرين مكانها راح تخترب وتتبطل معاج احلى غرف نوم عندج صفاة الغانم اللى بالري طبعا اقصد غرف نوم المتزوجين فقط لا الغرفه تجي رومانيه وملكيه وفخمه جدا جدا جدا وكد ومد ايكيا احلا شي للمطبخ والحمام والكماليات الاكسسوارات وكراتين وعلب التخزين اللى عندهم فعلا شريت كراتين تخزين من عندهم ماتتخيلون شكثر وفرو على ترتيب البيت لان خليت العاب عيالى داخل هالعلب قبل الالعاب منثره فى كل مكان هالحين ترتيب ونظام وشكل الكراتين يهبل وفى اشكال والوان منهم في كراتين وفي حديد وفي ورق مقوى انا افضل شي شفته للصغار الكراتين مرتب وشكله امريكي وايد حلو ومااستغنى عنهم

 

[مبرقعات]

ولازم اذا رحنا ايكيا انا وزوجي ان كان صبح انتريق قبل الشوبينغ وان كان حزة غدا انتغدا بالبوفيه المفتوح اللى يرد الرووووح وان كان عشا انتعشا زوجي ياخذ عربانة البوفيه وانا احط الصواني والصحون والقفاش وانتعاون لين نوصل البوفيه لان كل شي بالترتيب هناك كل شي عندهم حلو ماعدا السلمون لاتفكرون تاكلونه وعصير البرتغال عندهم فرش ينعصر بنفس اللحظه من الماكينه الكهربائيه ماعليج انتى بس الا انج تحطين كوبج وهي تعصر اوتوماتيكيا شوقتيني صارلي فوق شهرين مارحت ايكيا اخر مره رحنا نزلنا ودشينا الافينيوز وكلينا من بينك بيري كانت اخر مره قبل شهرين تقريبا وانا عميلة ايكيا من لما كان بالشويخ معرض صغير جدا والحين كبروه وغيرو مكانه

 

[manoooram]

ايكيا كل شي فيه حلو

 

[اطياب طيبه.أم عبدالله]

احب الفازات والبراويز فقط لا غير
ما ادري احس الخشب الحبيبي مالهم ما يمشي عندي ومو كد ومد

 

[برائـة طفلـة]

مشكورين على ردودكم
ومثل ما قلتوا ايكيا كل شي حلو فية ويشوق

وبعد بنات وين تفاعلكم ​

 

[PuPa^^SWeeT]

ادوات المطبخ وايد احبهم عادي اخذ منهم المواعين والقلاصات و الصواني بس مو وايد


اكثر شي احبه اهوو اكسسوارات المطبخ والحمام


الغرف النوم


احب صوب الكبتات و الصالة



هممممممممممممممممممممم احب صوب الاباجورات و و السلال و الزرع

روعة صراحة

 

[دلولي]

حلو شغل ايكيا انا احب امر عليهم مابين فتره والثانيه