ايش شعووورج لو يقولها زوجج؟؟

[روح مووود]

سلام عليكم بنااات
حبيت افضفض لكم عن اشياء فى خااااطرى وحازه فى حيل:eh_s(2): واحسس بخنقه منه
بنات انا وزوجى زى اى زوجين احياان تصير بينا مشاااكل بسيطه بوجهت نظرى ولا تااافه بعد
بسس زوجى الله يهديه كل مااصار بينا مشااكل
يجرحنى حييل بكلامه :eh_s(2):وانصدم منه لأنى احبه ويصدمنى ليششش واليووووم صاااار بينا مشكله تااااااااااااااااااااااااااااااااافه والله تدررون ايش قااال لى :eh_s(2):قال انا قااااادر ترا ادوسسس عليج انتى مدلعه مدرى ايششش احسس انصدمت حيييل كيف يدوووس على انا مو زوجته ام بنته ليش يجرحنى ويهددنى بى الطلاق بى اتفه سبس وانه راح يشمت النااااس
كذى دايم يقولى :eh_s(2): بنااااات احسس حياتى مهدده
على الحااااافه بى اى لحظه يصير شئ مو زين
ليش مقدر وضعى الحين وقف معى وانا فى الحاجه له ليش خذلنى انا محتااااجه له وهو بس يحب يجرحنى ويحسسنى انى انا الغلطانه اه اه بسس ليش بعد الحب لك والاخلاص انت جذى
تبي تدووووووووس على والله احس الكلمه ترن بذنى مقدر انسها تكفوون ردو على برد يريحنى :eh_s(2):للأسف مصدومه من الرجاااااااااااااال كلهم مالهم امان:eh_s(2):

 

[Break Time]

لا حول ولا قوة الا بالله
حياتي ادعي ان الله يهديه وشوفي مصايب غيرج تهون عليج مصيبتج
الحمدلله الرجال لا هو مدمن ولا يطق
هذووول الخصلتين اللي صعب انج تغيرينهن


اما الباقي فكله بايد المره
اذا قط عليج اي كلمه من هالكلام لا تزعلين وتكبرينها لا بس بنفس الوقت لا تضحكين ولا تغشمرين
عوديه على انواع من الدلع مثل المساج والطبخات اللي فيها فناتق
ووقت اللي يقط عليج اي كلمه ااسحبي كل الامتيازات هذي
وفي حال انه طلب مثل قال ابي مساج سويه بدون نفس مو نفس قبل اكيد بيسالج شفيج مالج خلق قوولي ليش انتي ما تدري شنو قايل ؟!

علبالك شوي اللي قلته ترا انا ساكته مو علشان ما اعرف ارد لا
انا ساكته لاني مصدووومة منك
انا كنت احبك حيل وما زلت بس خايفه هالحب يقل او حتئ يروح من كلامك اللي كل يوم تقطه
انا احبك و امووووت فيك وهالشغله مو كل رجال يملكها انا مستعده اسويلك كل اللي تبي واحطك بعيوني بس تكفى عاملني بالمثل
و من هالكلام صدقيني ان شالله بيفيد معاج واجلي الزعل لأشياء اقوى



الله يهدي سركم يا رب ويهنيكم

تقبلي مروري

 

[دلوعه ززوجي]

يمكن يقوله عشان يخوفج بس لا اكثر او اقل. وانتي

 

[حلا2011]

بالتوفيق يااااااااااااااااااارب


​

 

[لوفيه]

وين قاعد حضرته يدوسج

انتي ام عياله عيب هالكلام المفروض لج احترامج

اعتقد فيه موقف صار وشاف ضعف شخصيتج فيه

عشان جذي يستعرض

تكفين نقديه على عمره ترى اقسم بالله عيب هالكلمة

انتي مو عبده عنده قوي شخصيتج شوي خل يشوف انج مو مال تهديد

 

[كليـ دلعـ]

عادي حبيبتي عادي



من الريااايييل توقعي اللااا متوقع

لاتقولين الحب اللي كان

والعشق اللي كان

هذول مايهمهم الانفسهم مزاجيين انانيين

ان بغاااج حطج ع راسه لوكنتي

تخطين ومافيج سنع

وان فره الهوا والله لو تشعلين. اصابعج شمع

مااهميتيه

هذي علا نفسج

هذول مومال حساسيه وصدق مشاااعرر

 

[Beyoncee]

حبيبتي سمعي باليمين وطلعي من اليسار
لا توقفين ع الكلمه

 

[Gifts&Occaions]

الله يعينج

 

[شرغوفة]

هلاااا اختي ترااااا اغلب الرجاااال كذااا لي عصبووووا اجرحووو بالحجي وبالكلااام
لاا تضايقين ولااااا تزعلين غنااااااتي ربي يهدييــــــــــــــــــــه لج ان شاءالله ويصلحه

 

[كشوخية]

أهي الكلمه تجرح بس ليش تقهرين نفسج عشان كلمه وأيد ناس وقت الهواش يقولون كلام يعور وأهو لو صج كلامه جان قاله بكل وقت بس أهؤ قالج بوقت الهواش إنشالله يبطل هالعاده ومايقظ كلام يجرحج بردي على قلبج ولاتتضايقين ولا تناقشينه انت قلت وسويت لأن ممكن يقظ كلام أكبر يجرحج فيه أكثر الله يسخره لج

 

[آجمل نسآء آلدنيآ]

الواحد واهوا معسب كل شـي يقول و اذا بتوقفين ع الوحده الحياة ماراح تمشي

وحتى لو سار منه موقف يضايقج تذكري الشغلات ألزينه اللي يسويها لج

..

والله يهديه ويسخره لج

 

[Tulips]

حبيبتي الله يعينج

شوفي اهمه الرياييل اشوي متهورين بالكلام ومايثمونونه لما يعصبون او يتنرفزون

كليمه ولا تحطينها بقلبج

قوليله لا تحسسني اني رخيصه عندك وانك ممكن تتخلى عن لسبب تافه وتخرب اللي بينا

علشان يحط بباله مره ثانيه مايكررها معاج

 

[قل علها خيره]

يماااالج بتسمعين طنشي طنشي .,’*

 

[بنت 511]

الرجال معفنين اغلبهم كذا يجبوا المرض للوحده

 

[دلوعة صلوح]

لا حول ولا قوة الا بالله حبيبتى لا تضيقين وتبجين ترا اغلب الرياييل
جذى لسانهم زفر حشااج.

 

[ALOA]

عزيزتي اولا زوجك عارف انك تحبينه وعشان كذا بيهددك
ثاني شي انتي وصلت له فكرة انك محتاجته واتقدري تعيشي من غيره وهذا الشي مو زين
شوفي ياقلبي لازم تثبتي لزوجك انك انسانه ولك كيان مستقل ووقت التهديد لاتخافي ولا تحاتي الطلاق ولا تبيني انك خايفة يطلقك وانك تحبينه وماتقدري تعيشي بدونه ومحتاجتة
فيه رجال بهالنوعيه كثير للاسف لمى زوجته تحسسه انو شي قيم وكبير يشوف نفسه عليها ويهددها بالشي اللي تخاف منه
وبعدين خير ياطير الشماته مو زينة ولو طلقك اعوذ بالله مو بس انتي اول مطلقة وهو بعد راح يصير رجال مطلق
للاسف عقليات ماتعرفي ايش لون تتعامل مع البشر انا بحكم دراستي بمجال علم النفس اكتشفت اشياء كثير فينا كبنات وهم بعد اشياء في الرجال بصراحة البعض مو الكل يجرح ويحاول يضغط على مكان الجرح بكل مرة عشان يخلي شريكة حياته تنزف اكثر وتهتز
وبعدين هو عاجبه حيل تعلقك فيه فصار يزيد من هالكلام نصيحة لاتخليه يحس بضعفك اثبتي له انك قوية ان شاء الله في كل الحالات معاه او بدونة ربي ماراح ينساكي وكل واحد ربي كاتب له ايش راح يصير معاه لاتخافي ولاتحزني واثبتي له العكس
شوفي حبيه اخلصيله اسمعي حكية وطيعيه في غير المعصية بس لازم تحطي حد لمشاعرك وانفعالاتك ولانخليه يشوف ضعفك ابدا عشان لايدوس كل مرة على نفس جرحك اللي بيالمك لو شافك قوية ماراح يلاقي مكان ضعف عندك يذلك فيه
ربي يهدي بالك ويفرج همك ويسرلك امرك يارب ياكريم وان شاء الله لو عملتي مثل ماقلت لك راح يعرف قيمتك ويخاف عليك لانو مافي شي يهزك ابدا انتبهي ياقلبي وخليك اوعى من كذا ​

 

[شادن33]

حسسيه ابغلطه وانج تتضايجين كل مره يقولها
ويمكن يحسسسسس

 

[حبيبي مالكني]

حبيبتي طنشي
ولا تركزين على الكلمه
عشانج مو عشانه ولا تحطين بخاطرج
ادري الكلمه تحر بس مالج غير الدعاء
الله يهديه لج ويسخره لج

 

[تباعدناااا]

هم كذا الرجال اذا حسستيه انك ميته عليه استقوى وصار مايحسب لك حساب ولايحترمك
الله يعينك

 

[ام كوثر2007]

يمكن انا ردي بيكون مختلف علي البنات اللى شبوا علي ريلج ..

مشكله انه احنا نسمع من طرف واحد وهو المرا .

يعني انتي يييتي وحطيتي هالمشكله وقلتي انه سمعج كلام جارح


زين ممكن اسالج هالسؤال ؟


بس لا تجاوبين عليه امام الملأ خلي الاجابه لنفسج


اهو ليش وصلت فيه المواصيل انه يجرحج ؟

شنو الشي اللى بدر منج خلاه يتلفط عليج بمثل هالالفاظ؟


حبيبتي ترا ما في ريال صاحي ويخاف ربه يقط هالكلام منيه والدرب .

مرات لسان المرا وتصرفاتها وطريقه استفزازها لريلها اهو اللى يخليه يطلع عن طوره . والله لسان المرا ينطق الحجر .

المفروض قبل لا تزعلين عليه وتتضايقين من كلمته شوفي انتي شنو سويتي اللى خلاه يقول هالكلام ؟ معقول انج محترمته وساكته وقايمه بكل واجباته .. وفجاه من غير سابق انذار يالج وقالج هالكلام ؟؟؟؟؟؟؟؟؟؟؟ حدث العاقل بما يعقل .


لابد وانج مطوله لسانج عليه او قاطه عليه كلمه عشان جذى اهو ما تحمل ووصلها للتهديد بالطلاق .

وما اقول الا عسى الله يهديج ويهديه ان شاءالله .