ايش المميز في اسواق البحرين

[nawarii]

مرحباااا

بنات ابي اروح شوبنغ البحرين لاول مره وما اعرف ايش المميز هناك

بليز ساعدوني بالاشياء والاسواق المميزه في البحرين

ولاهنتوا

 

[احب المنتدى]

رد : ايش المميز في اسواق البحرين

بالنسبه لي انا

مافيها شي مميز الكويت سوقها احلى بمليوووووووووون مره

 

[nawarii]

بنات بليز ابي الاشساء المميزه

قالوا لي العبايات ودراريع رمضان بس ما أعرف اي محلات

بليز محتاجه مساعدتكم

 

[متواضعة]

انا بحرينيه بس مو وايد مع الجلابيات

العبايات اسويهم عند وحده بالبيت اشيائها روووعه بس اخاف اتضيعين بيتهم

عندج مجمع الستي سنتر ومجمع السيف وايد حلوين هالمجمعين بتحصلين فيهم بعد محلات اعبي

في مجمع الستي سنتر عندج محل اعبي اسمه حناين في الطابق الثاني اشيائهم حلوه بس مو غريبه وايد بالنسبه لي وانا ماعمري سويت عندهم

وبعد في سوق المحرق هذا سوق شعبي في محلات عبايااات واااايد واسعارهم معقوله وحلوه وفي محل بعد يبيع دراريع اسمه باندا

 

[متواضعة]

واي ستفسار انا حاضره وباي وقت

 

[nawarii]

انا بحرينيه بس مو وايد مع الجلابيات

العبايات اسويهم عند وحده بالبيت اشيائها روووعه بس اخاف اتضيعين بيتهم

عندج مجمع الستي سنتر ومجمع السيف وايد حلوين هالمجمعين بتحصلين فيهم بعد محلات اعبي

في مجمع الستي سنتر عندج محل اعبي اسمه حناين في الطابق الثاني اشيائهم حلوه بس مو غريبه وايد بالنسبه لي وانا ماعمري سويت عندهم

وبعد في سوق المحرق هذا سوق شعبي في محلات عبايااات واااايد واسعارهم معقوله وحلوه وفي محل بعد يبيع دراريع اسمه باندا

تسلمين حبيبتي

أنا ابي محلات مصمماتها بحرينيات

ما ابي المحلات العاديه ياليت تفيديني أكثر

وبعدين بخصوص الماركات وين القاها ؟ والاسعار عاديه والا شلون

والمطاعم الغريبه وينها؟

ولا هنتي ​

 

[متواضعة]

جم حدود ميزانيتج حق العبايات والجلابيات

في من 60 الى 100 و 200 و300 وزود

في معرض بيصير جريب بس انتي متى بتيين بيكون المعرض في الموفمبك في جلابيات وعبايات لمصصمات بحرينيات وقطريات وسعوديات بيكون اظن باخر الشهر 30/07


تقصدين اي ماركات

الماركات العاديه مثل زارا وربعهم ومانجو وهالسوالف اتحصلينهم في السيف والستي سنتر

ماركات الغاليه مثل قوتشي وال في وربعهم اتحصلينهم بمجمع حلووو كله ماركات اسمه Moda Mall في فندق الشارتون
وبعد في بعض الماركات في مجمع الستي سنتر ومجمع العالي والسيف

المطاعم الغريبه شتحبين من مطاعم التايلندي ولا الهندي ولا الايطالي ولا شنو بالضبط

في مطاعم حلوه في الستي سنتر عند السينما

اذا ايطالي عندج اتالين كافيه في السيف وفي منه بعد فرع في الستي سنتر وفي بعد في الستي سنتر مطعم ايطالي لذيذ اسمه بيالا bella

اذا تحبين الجاينيز = في مطعم حلو في منطقة السيف اسمه نيو ايشيا

في مطاعم زحمه وكشخه وشبابيه في العدليه مثل ليلو وكوكوز

وفي من ليلو بعد يم السيف ورا مجمع العالي نيو اشيا بعد هناك ونينو ووتر لمون

اذا تحبين ماكي اللي بالافنيوز عندكم توهم فاتحين لنا فرع في المودا مول

ماعرف وايد مطاعم غريبه بس اعرف المطاعم الذيذه
اذا تبين مطعم غريب ( تريدر فيكس) في فندق الرتز كالتون

 

[nawarii]

انا 4 اغسطس بكون في البحرين

واقصد الماركات الغاليه حبيبتي

واذا تعرفين شركه تاجر لي سياره بسايق ما ادل وابي حد يدل

 

[متواضعة]

الماركات الغاليه moda mall

وماعرف للاسف احد ياجر

 

[يالبا قلبي]

رد : ايش المميز في اسواق البحرين

هلا حبوبه

البحرين حلو سوقها وانا اشوفه احلى من الكويت والله

عندج مودا مول في فندق الشيرتون
عندج مجمع العالي وخاصه التوسعه
وعندج ساكس فيفث افنيو بمجع الستي سنتر
عندج مجمع السيف عادي لك حلو في سوالف البخور والخلطات

العبايات مادري ما اشتري من البحرين في الغالب من دبي ومن السعوديه

وسلامتج

 

[ام المزيووون]

حبايبي ممكن معارض اللي بالبحرين بداية شهر 8 انا بكون هناك000

 

[nawarii]

شكرا لك من رد

يعطيكم العافيه

أدعوا لي بس نروح ونرجع بالسلامه

لا هنتوا

 

[متواضعة]

للحين مافي معارض بشهر ثمانيه لو في وعرفت بخبرج


تروحين وترجعين بالسلامه ياقلبي

 

[متواضعة]

قوه حبوبه


في معرض بالبحرين بفندق ريفيرا ( هالفندق صاير يم الجامعه العربية المفتوحه ومفروشات العاصمه) من الساعه 10 الصبح الى 10 باللليل بتاريخ 7/ اغسطس

بس امس عرفت عنه وحبيت اخبرج

 

[دلوعة أبوهآ]

الماركات الغاليه كلها تلقينها في ستي سنتر ..,

 

[متواضعة]

في معرض العروس بيكون في ارض المعارض

من تاريخ 4/8 الى 7/8

في كل شي عبايات ملابس جلابيات اكسسوارات ساعات ازياء تراثيه ملابس سهره مصصممين ازياء

 

[غديران]

رد : ايش المميز في اسواق البحرين

وااااااااااااي

يا كثر ما أحب البحرين

أمووووووت فيها