ايش القصه والتسريحه واللوك الي يعطيك عمر اصغر ..ابي اعدل نفسي ساعدوني لوبمعلومه

[أم~بيبي]

يا اخوات الي عندها خبره بالمكياج والشعر و الموضه وفنانه وشاطره

ابي لوك يعطي الوحده عمر اصغر من عمرها لاكان شعرها متوسط

وايش الصبغه المناسبه واللون المناسب

والمكياج المناسب الي يطلعك اصغر

ابيكم تعدلوني الله يجزاكم خير ابي اصلح بنفسي بعد ماتركني زوجي وخلاص ابي انتبه لنفسي

وهذا بعد نصايح البنات بالمنتدى اني انتبه لنفسي معني اهتم بنفسي بس ابي اغير من شكلي عشان النفسيه ترتاح شوي

توني بعد سنه من تجربتي القاسيه بديت افيق و ابي اصلح من نفسي بعد ماثرت ظروفي بشكلي وحسيت اني كبرت سنوات طويله

والله يجزاها خير الي تساعدني ولو بمعلومه

 

[عزتي راس مالي]

يشرفني اكون اول وحده ارد عليك امممم عندك الغره تعطي شكل حلوو وتصغر



ويارب نفسيتك تكون من احسن لاحسن وانا انصحك بالرياضه حتى لو كان جسمك زين لان الرياضه تجدد النفسيه وتمنع الاكتأب

 

[أم~بيبي]

مشكوره يا عمري ربي يوفقك يارب ويسعدك وينولك الي ببالك يارب

 

[أم~بيبي]

طيب ايش اللون الي اصبغه ممكن يصغرني

 

[عزتي راس مالي]

انتي ايش لون شعرك الحين ؟

 

[أم~بيبي]

بني لونه ,, هذا لونه الطبيعي

 

[الفدنه]

اب
اب

 

[ميراااااا]

شوفي حبيبتي القذلة تصغر
والصبق القامج البني ودرجاته

 

[عزتي راس مالي]

شوفي الصبغه ماعمرها صغرت او كبرت شوفي الي يناسب لون بشرتك بس ابعدي عن الاسود لانه يعطي حدده للملامح

 

[تحيااا الكويت88]

اهم شي نفسيتج وحبي نفسج اولا
وغيري بشعرج وحطيلج قصه على الموضه اللي هابه اللحين واهم شي السبورت ولبسج خليه ايدينج ثلاثة أربع وانتي وذوقج و الوان الفواتح والابيض وعاد وانتي وحركاااتج &&&&&&&&&&&&&

 

[أم~بيبي]

ياعمري كلكم تسلمون والله يوفقكم ويسعدكم يارب

طيب اقص شعري اخليه قصير ولا اخليه كذا لنص ظهري لانه توه يطول من قبل كنت قاصته قصير زي قصة نوال الكويتيه الي بفستانها التفاحي في الجلسه

 

[شندوخه]

شوفي حبيبتي اول شي قصي قذله ترى وايد تحلي وتصغر
حواجبج عرضيهم وخليهم متان راح يصغروونج ويغيرون ملامحج
بس الصبغ مادري لان ماصبغ ولاعندي فكره بهالامور
وشعرج خليه على طوله بس قصي اطرافه عشان يصير احلى وصحي اكثر واهم شي الراحه النفسيه لانه اهيا اللي تخلي الويه مرتاح ولا تعبان ولا شاحب
والله يعوضج خير ان شاءالله

 

[UNICORNA]

الغره مهمه جدددا تعطيك سن اصغر وباقى الشعر عاد طويل او قصير (=

انتبهى لمكياجك لازم يكون بسيط حتى لو بشرتك مو صافيه فكل ماتكونى بسيطه بالمكياج كل ماتكونى

ناعمه وصغيرونه

انتبهى على تكتل الماسكرا وابتعدى عن الوان الشادو الازرق والاخضر والموف والفوشيا وكل عالالوان

بس ممكن تستخدمى الوان بس بالكحل يعنى قلم ازرق بسيط او موف يطلع انعم

ابتعدى عن الوان الارواج القويه ودوم سوى الوان ناعمه

حواجبك عرضينهم لانها تعطى صغر سن وبراءه للوجه

واهم شى لون اسنانك يعنى لو تسوين تنظيفو تبيض تطلع شفايفك تهبل ولونها مورد

وابتسامتك مثل البيبى

مسامات انفك لااااازم تصير نظيفه عشان يبين وجهك راااايق وبيبى وحلو

الوان الشعر حسب بشرتك وشخصيا افضل الاسود بس انتى سوى اى لون تبينه وابتعدى

عن الالوان الصارخه اللى تلوع الجبد مثل الاشقر والاحمر

يعنى اصبغيه لون الكراميل مع عسلى مع بنى شوكولاته

او خليه اسود بس اهم شى يصير لونه طبيعى مو صارخ وبس

 

[أم~بيبي]

اشكركم من كل قلبي والله يوفق كل من ردت علي ويسعدها

 

[أم~بيبي]

جربت اسوي غره من قدام بس شعري خفيف من قدام وماعرفت كيف اسويها وخفت تشوهني اكثر

 

[UNICORNA]

لا تسوينها لنفسك لكن روحى لمحل سمعته طيبه مو لازم يكون كبير بقدر سمعته

واهم راح يسوون لك غره حلوه العاديه او اللى تجى بالموس رووعه وانتى ومزاجك (=

 

[ضماي هو وهناي]

اولا وقبل كل شي ...........
الثقه انج جميله ورشيقه وقاهره كل مشكله .......
ثانيا القص لا لاتقصينه الا بعد ما تعرفين عدل اي قصه تناسب دورة ويهج ...
عندج صور لج وانت صغيره .... مو قبل 10 سنين لو انت بالثلاثين او اخر العشرين ...........
شوفي صورج وانت ب 15 او اكبر شوي بس مو للعشرين ....... شوفي اشلون كان ويهج بشعرج ....
يمكن تكونين احلا ويمكن لا ...... بس انا قصدت تشوفين ويهج وانت صغيره وتردينه كثر ماتقدرين ....
تقولين طبيعي لونه بني غامج .... اوكيه مو مشكله لوغمجتي البني شويتين كأنه اسود بلمعه بنيه ......
قصي قذله ترا القذله تصغر بالعمر ولاتقولين شعري خفيف من جدام لا الفنانه اللي بتقصين عندها راح تاخذ من شعرج وتقص لج قذله وانصحج بامل اللي بمس ون عجيب قصها وعلى طول شعرج تسويلج قصه .... وخلي القصه من جدام تكون مدرجه لانها وايد وايد تصغر وتدور الويه وانت كل يوم سويلج لوك فيه مره رفعيه من ورا ونكشيه بطريقه عشوائيه ......ومن جدام ناعم ولي داخل
ومره كله ويفي ..... وره استريت ومره بس سيشوار عادي ....ولما ترفعينه وانت بالبيت او احد زايركم رفعيه وكأنج ماتدرين نزلي منه خصل حتى لو خفيف بس مو خصل واقفه جنها سعف النخل لا استشوريها طبعا .......
اهتمي فيه حمام زيت بالاسبوع مره لانها تعطي لمعه اذا ماتحبين الحنه واذا تحبينها مره بالاسبوع حمام زيت ومره لما تغسلينه من الحنه لان الحنه تحيي الشهر بس تنشفه للاسف.
حواجبج عريضه ومايل لونها للغامج .....
قوي الرموش بخلطهه رموش ممكن تلاقينها عند العطارين .
كحل اثمد قبل لاتنامين بالليل عجيبه لمعه العين الصبح بعد ماتحطينه بالليل بس خفيف عشان ما يسيح ويسويلج مثل الهلات السودا
الشفايف ... كل ليله قبل لاتنامين مرطب روك او اي مرطب شفايف حتى لو اللي بالجمعيات اصلا هذا ينن لانه يعطي لون للشفه الصبح روعه ...
طبعا الاسنان تبيض واهتمام
الجسم رشاقه ونشاط اهم من الرشاقه
اما الملابس ...................................................
تابعي الموضه بالالوان وحاولي تعدلين بين الموضه باللبس والعمر يعني موتلبسين لبس بنات صغار وتصيرين مصخره للعذال ولا تكبرين عمرج او حتى تلبسين لبس وتقولين عادي ....
حتى لو متينه لاتلبسين الا مقاسج بالضبط و انسي العمر لان العمر الحين رقم وبس
لاتلبسين دراريع امي وامج ولا حتى اختي العوده ....... واكيد ولا الصغيره يعني كشكش الكموم وزم الصدر ومخابي بدانتيل وفيونكات ......
مني دراعه خليها استايلج لو تحبين الدراريع
انسي الجواتي بربع كعب ولبسي اما فلات او كعب عالي بس مو حيل اخاف تكونين مو مرتاحه ... حتى بالبيت انسي نعول تكرمين نعول نصر الرياضي ولبسي شحاطات ستيبس وميلانو وناين ويست او اي من اللي نفس استايلاتهم .....
على طول انت بطقوس بالاستحمام
مره حمام مغربي
مره تفريك عادي
وكلهم بعطور متنوعه وبودرات وزيوت قبل الحمامات
قبل النوم لازم ترطيب خفيف للايدين والريول
ومره كل اسبوعين بدكير ومنكير وصيانه شبه يوميه للاظافر
حاولي لي طلعتي ما تخلين اظافرج من الاصباغ وكلنا نصلي بس انا اقدر انسق بوقت الطلعه والتصبغ واذا رايحه بيت ابوي عدتي بجنطتي والحين عندكل الاسواق علبه مدوره فيها مزيل للاظافر صغير بقن جاهز
وبس ان شالله يارب اكون وصلت لج معلومات
واي استفسار حااااااااااااااااااااااااااااااضره وبالشوفه

 

[أم~بيبي]

يااااااااربي وربي خجلتوني بردودكم ومساعدتكم لي ربي يسعدكم يارب دنيا واخره ويوفقكم يارب

 

[أم~بيبي]

اولا وقبل كل شي ...........
الثقه انج جميله ورشيقه وقاهره كل مشكله .......
ثانيا القص لا لاتقصينه الا بعد ما تعرفين عدل اي قصه تناسب دورة ويهج ...
عندج صور لج وانت صغيره .... مو قبل 10 سنين لو انت بالثلاثين او اخر العشرين ...........
شوفي صورج وانت ب 15 او اكبر شوي بس مو للعشرين ....... شوفي اشلون كان ويهج بشعرج ....
يمكن تكونين احلا ويمكن لا ...... بس انا قصدت تشوفين ويهج وانت صغيره وتردينه كثر ماتقدرين ....
تقولين طبيعي لونه بني غامج .... اوكيه مو مشكله لوغمجتي البني شويتين كأنه اسود بلمعه بنيه ......
قصي قذله ترا القذله تصغر بالعمر ولاتقولين شعري خفيف من جدام لا الفنانه اللي بتقصين عندها راح تاخذ من شعرج وتقص لج قذله وانصحج بامل اللي بمس ون عجيب قصها وعلى طول شعرج تسويلج قصه .... وخلي القصه من جدام تكون مدرجه لانها وايد وايد تصغر وتدور الويه وانت كل يوم سويلج لوك فيه مره رفعيه من ورا ونكشيه بطريقه عشوائيه ......ومن جدام ناعم ولي داخل
ومره كله ويفي ..... وره استريت ومره بس سيشوار عادي ....ولما ترفعينه وانت بالبيت او احد زايركم رفعيه وكأنج ماتدرين نزلي منه خصل حتى لو خفيف بس مو خصل واقفه جنها سعف النخل لا استشوريها طبعا .......
اهتمي فيه حمام زيت بالاسبوع مره لانها تعطي لمعه اذا ماتحبين الحنه واذا تحبينها مره بالاسبوع حمام زيت ومره لما تغسلينه من الحنه لان الحنه تحيي الشهر بس تنشفه للاسف.
حواجبج عريضه ومايل لونها للغامج .....
قوي الرموش بخلطهه رموش ممكن تلاقينها عند العطارين .
كحل اثمد قبل لاتنامين بالليل عجيبه لمعه العين الصبح بعد ماتحطينه بالليل بس خفيف عشان ما يسيح ويسويلج مثل الهلات السودا
الشفايف ... كل ليله قبل لاتنامين مرطب روك او اي مرطب شفايف حتى لو اللي بالجمعيات اصلا هذا ينن لانه يعطي لون للشفه الصبح روعه ...
طبعا الاسنان تبيض واهتمام
الجسم رشاقه ونشاط اهم من الرشاقه
اما الملابس ...................................................
تابعي الموضه بالالوان وحاولي تعدلين بين الموضه باللبس والعمر يعني موتلبسين لبس بنات صغار وتصيرين مصخره للعذال ولا تكبرين عمرج او حتى تلبسين لبس وتقولين عادي ....
حتى لو متينه لاتلبسين الا مقاسج بالضبط و انسي العمر لان العمر الحين رقم وبس
لاتلبسين دراريع امي وامج ولا حتى اختي العوده ....... واكيد ولا الصغيره يعني كشكش الكموم وزم الصدر ومخابي بدانتيل وفيونكات ......
مني دراعه خليها استايلج لو تحبين الدراريع
انسي الجواتي بربع كعب ولبسي اما فلات او كعب عالي بس مو حيل اخاف تكونين مو مرتاحه ... حتى بالبيت انسي نعول تكرمين نعول نصر الرياضي ولبسي شحاطات ستيبس وميلانو وناين ويست او اي من اللي نفس استايلاتهم .....
على طول انت بطقوس بالاستحمام
مره حمام مغربي
مره تفريك عادي
وكلهم بعطور متنوعه وبودرات وزيوت قبل الحمامات
قبل النوم لازم ترطيب خفيف للايدين والريول
ومره كل اسبوعين بدكير ومنكير وصيانه شبه يوميه للاظافر
حاولي لي طلعتي ما تخلين اظافرج من الاصباغ وكلنا نصلي بس انا اقدر انسق بوقت الطلعه والتصبغ واذا رايحه بيت ابوي عدتي بجنطتي والحين عندكل الاسواق علبه مدوره فيها مزيل للاظافر صغير بقن جاهز
وبس ان شالله يارب اكون وصلت لج معلومات
واي استفسار حااااااااااااااااااااااااااااااضره وبالشوفه

ماقصرتي الله يعطيك اللف عافية ويارب بها الساعه المتاخره بالليل ان ربي يستجيب دعائي ويسعدك وويوفقك يارب ويوفق كل من ردت علي ويسعدكم كلكم يارب

مهما قلت مااطلع من جزاكم علمتوني وافدتوني كثير ربي يجعلها بميزان حسناتكم يارب

 

[أم~بيبي]

انا شكلي وانا صغيره كان عندي غره من كنت طفله ولكن لمن صرت بالعشرين رفعت شعري عن وجهي وشلت الغره

وانا شكل وجهي بضاوي ولكن مليان