ايش افضل حيوان للاطططفال

[say yes]

مراحب عندي ولد عمره 2 مره شقى ابي يلتهي ايش الحيوان اللي اشتريه له ومايطفش منه ويستانس وهل فيه ضرر او شروط معينه والف شكر

 

[daloo3ah]

صغير ولدج !! حرام تحطين حيوان بيده صراحه لوول

وايد في العاب ذكاء والعاب عاديه لليهال تقدرين تلهينه فيهم وهم تنمين عقله وتفكيره ..

بس اما فكرة الحيوان ما أأيدج له الحين نطري عليه على الاقل سنتين ثلاث زياده ..

واذا مصـــــــــــــــــــرّه .. اشتريله حوض فيه سمج .. يمكن يستانس ويلهى فيهم .. أو طيور .. ارنوب ..

وكلهم مافيهم ضرر على اليهال ..​

 

[xXBountyXx]

الطفل لاينحمل مسؤولية الاعتناء بحيوان

الا من بعد سن الخامسه

هذي حقيقه مو تأليف


بالتوفيق



تقبلي مروري
xXBountyXx

 

[AmOoNa-]

حبيبتي ولدج صغير وماراح يتحمل مسئوليه تربية الحيوانات وراح يلعب بحسبتهم وانتي محاسبة عند ربج على الشي هذا شركيه بنادي ولا اشتريله اي لعبه يفرغ طاقته فيها

 

[farawola.Q8]

صح بعده صغير يعني ما يفرق بين لعبة و حيوان يحس ما تدرين شيسوي اخاف يفقصة و احسن اخذيله لعبه على حيوان تتحرك الحين ما خلو شي عندج فانتزي ورلد العابهم وايد حلو و تلاقين قطوة او جلب او هامستر يتحرك (لعبة روبوت) يستانس فيها .

 

[أم عمر@@]

السلام عليكم
عجبني موضوع الشولتر فكره جديده
يعطيج العافيه

 

[الزين كويتي]

حوض السمج افضل شي انا شاريه لولدي واحد وخذيت اسماك الوانها واحجامها مختلفه لما يتحركون تشوفين بس عيونه عليهم والله حيييل حيييل يستانس عليهم

 

[!!.. غير البشر ..!!]

حووض السمج حلوو
له لان ماراح يقدر يمسكهم
لان حراام صغيير على الحيوانات

=)

 

[إيمي"]

ويييييه ياقلبي عليه توه صغير

أخاف لين شريتي له يلعب بحسبتهم ههههههههههه

حوض سمك ممكن لأنك بتكونين ضامنه أنه ماراح يقدر عليهم

وبعيدين عليه

والله يخليه لك حبوبه

 

[بنات عطا]

اللي يصلحلا امممممممم..طيووور الحب

كظمااويه

 

[cute mimi]

حوض سمج أو كتاكيت
بس هم حرام أختي شرت كتاكيت حق بنتها كبيرة 6سنين بس ولدها سنتين يننها فقصهم ولا توديهم عشان مايصير بذمتها
حراااااااااااااااااااااااااااااااام فقهم وشوتهم والله خافت عليهم ولا توديهم

أخذي حوض سمج عشان ماراح يقدر يطوله حطيه بمكان عالي

 

[teeky]

نصيحه لاتحطين له اولا راح يتعلق فيه حيل واذا مات او صار فيه شي راح يتضايق ويفقده واهو توه صغير فا خوفج يمسكه ويفرك عينه ولا يحط ايده بحله اشتريله لعبه وخليه يلهى فيها

 

[مغتربة 2006]

كتكوته

 

[sara al3soola]

انا مع كلام البنات توه صغيرووووون ولدج حرام

 

[say yes]

المشكله ماعرفت ايش اجيبله اهو عنده فرط حركه يمل بسرعه من العابه دايم اشتريله سيارات يلعب فيها دقيقه ويرميها ماادري شنهي اللالعاب اللي تصلح للطفل الحركي اكثر ابي شي يفرغ طاقته

 

[daloo3ah]

روحي مركز سلطان او فانتزي وورلد ..

وروحي الافينيوز .. وايد في محلات يبيعون العاب ذكاء لليهال

نمي عقله فيهم وخل يستانس

وكلهم العاب سنعه يعني مو سياره ولا سبايدر مان لأ ..


دوري وتلقين

انا الي ماعندي يهال استانس عليهم خخخخخخ

 

[*أم*خالد*]

أأيد البنات
حتى حوض السمج ممكن يحط ايده داخل ويفقص السمجه او يرفعها بره

انتي محاسبه عن هالروح