ايش اسوي مع زوجي لسافر

[وسووونه]

السلام عليكم

زوجي بيسافر مع صاحبه لتركيا

وانا مرة مقهورة ايش اسوي

هل اطنشه لاسافر ولا ارد على اتصالاته ورسايله ولا ايش اسوي ساعدوني
​

 

[baa6aa]

ليش عندنا هالكم من السلبيه
لو يا دورج و تبين تسافرين هل تتمنين تشوفين هذي رده الفعل منه ؟
اخذيها فرصه لج ان تجابلين فيها عمرج و تسوين كل شي تبينه
دلعي عمرج وكل شي
وخليها فرصه عشان يوله عليج و يرد مشتاق
انا نفسج كنت ضد سالفه السفر
بس حاليا انا اللي اشجعه عالسفر لان عقب ما يرجع تشوفينه ولهااان
حلاته جذي يروح و يرد والله احسن لج و له

 

[الأميرة جوري]

طااااااااااااااف لا تعبين نفسج ولا تبينين له لان اساسا رايح رايح سواءا راضيه اولا فانتي بيني انج راضيه ودعيه واستودعيه ربج خليه علشان يرجع مشتاق لج ولهان

 

[فروحته]

شسالفة الرياييل مع السفر وايد اشوفكم تتكلمون على هالشي
انزين شفيها لو سافر عادي على قولة البنات دلعي نفسج و اعتبريها فترة نقاهة
يردلج مشتاق و انتي هم تكوني مشتاقتله
الله يهدي بالج بس اتغلي عليه بعد ما يرد و دلعي شوي

 

[كشمشة]

المفروض تصيرين طبيعية معاه
والامور تجي بالتفاهم
اخذيه بالهون وان شاء الله المره الجاية تسافرين معاه

 

[Cute mama]

لاتنكدين عالريال خيسافر يستانس ويغير جو يمكن هالشي لصالحج

 

[popa]

ما اايد سفر الريال مع رفيجه خصوصا اذا زوجته مو راظيه

تخيلو العكس ان اهي بتسافر وزوجها مو راظي راح تقعد
لكن يطقها بالطوفه ويروح لا