ايدي ترجف وقلبي يدق بسرعه لمــا ..؟ حالتي مو طبيعية

[pinks]

الســـــلام عليكم

مادري من وين ابدي

بنات انا صايره اتييلي حاله مو طبيعية .. صايره اتوتر حييل على اتفه شي وهالشي قام يأثر علي واايد

لما احد يكلمني خصوصا بالجامعة ايدي ترجف وقلبي يدق بسرعه واتلعثم بالحجي مع اني مو خايفه ولاشي بس مادري ليش

وبالمحاضره هم جذي

ماارتاح ولا انتبه بالشرح احس دقات قلبي تزييد وكل شي فيني يرجف فوق كل هاذا بطني مادري شفيه يطلع اصوات بصوت عالي من بعدها يصير هالشي سواء ماكله ولا مو ماكله ودايما احس جبدي تلوع

ادري بتقولون لي شي طبيعي لانج متوتره بس والله هالشي الي قاعد يصير لي مو طبيعي بالامتحان اتوتر لدرجه مااحل

رحت الطبيب سويت تحاليل قالولي مافيج شي بس حدي تعبانه قاعد تضيع علي اشياء مهمه بسبه هالشي


ادري يمكن مااعرفت اشرح بس والله متفشله اكتب اكثر وماالقى ردود ان شاء الله تفيدوني ​

 

[الـــغـــلآ]

رد : ايدي ترجف وقلبي يدق بسرعه لمــا ..؟ حالتي مو طبيعية

انآ صآر فيني جذي بآآخر 12 السسنه اللي طآفت لدرجة اني امسك القلم ويطييح من ايدي و ايدي ترجف مع اني مو متوترهـ ولا شي كللللش والله عـآآدي بس مآدري ليش ايدي كآنت ترجف جذي لدرجة اني ابي ادرس للامتحـآآن وانآ طبعي ادرس بورقه و قلم بس حزتهآآ كنت احفظ لاني مآ كنت اقدر اكتب
و سويت تحآليل بس طلع مآ فيني شي يقولون توتر بس انآ متأكدهـ مو توتر مآدري شالسآلفه الله يعينج يآ قلبي

 

[* بنت المطر *]

حالتج يمكن تكون نفسيه !! يمكن صايرتلج ظروف ماثره فيج حاولي تدفين ريولج ترا قاعات المحاضرات اغلبهم

باردين حيل حاولي تلبسين بناطيل طويله وثقيله وبدال النعال تكرمين لبسي جوتي ودلاغ راح ترتاحين !!

ثاني شي حاولي تاخذين شور قبل لاتطلعين الصبح وتقرين اذكار الصباح والمحصنات واذا كنتي بمكان بارد حيل شربي

شي دافي والعكس تنهدي دايما وردي جسمج ورا واسترخي والله وياج

 

[pinks]

قبل كنت بس بالامتحانات الحين بكل وقت خصوصا بالمحاضره وبالامتحان بالغصب احل و الكل يلاحظ علي

احس هالمشكله كل مالها وتزيد

مشكوره الغلا ع الرد

 

[pinks]

حالتج يمكن تكون نفسيه !! يمكن صايرتلج ظروف ماثره فيج حاولي تدفين ريولج ترا قاعات المحاضرات اغلبهم

باردين حيل حاولي تلبسين بناطيل طويله وثقيله وبدال النعال تكرمين لبسي جوتي ودلاغ راح ترتاحين !!

ثاني شي حاولي تاخذين شور قبل لاتطلعين الصبح وتقرين اذكار الصباح والمحصنات واذا كنتي بمكان بارد حيل شربي

شي دافي والعكس تنهدي دايما وردي جسمج ورا واسترخي والله وياج

ان شاء الله بحاول اسوي الي قلتييه مشكوره على الرد

 

[ام الدرر]

دايم ياقلبي ارقي نفسج وادعي فبل لا تطلعين من البيت
دعاء الخروج
((بسم الله توكلت على الله ولا حول ولاا قوة الله بالله ))
تدرين اذا قلتيه الشيطان يوخر عن طريجج وما يتعرض لج اليوم كله
واستودعي الله نفسج قولي
(( اللهم اني استودعك نفسي ومالي واهلي وبيتي))
وان شاءالله ماعليج الا العافية​

 

[سارونهh_a_z]

الله يعينج ياقلبي

ويشفيج

واذا على القولون في ادويه تهدي وتخفف من هالاصوات يمكن اهيه واحد من الاسباب اللي تخليج ترتبكين

وانا مره قالت لي الدكتوره انه فيه ادويه تنضم ضربات القلب اذا كانت الرقعه عندج شديده ومضايقتج

وانصحج سوي تمارين استرخاء وحاولي دايما تهدين نفسج تذكري انه ما فيه شي يسوا ويستاهل هالخووف

وان شاء الله مرحله وتعدي

لاتحاتين انا مريت فتره باكثر من جذيه يوم توفى خالي وضليت فتره طويله ما اقدر اسيطر على نفسي وزهقت من عمري بس سبحان الله مع الوقت والتعود كل شي تلاشى

 

[Tom ♥ Jerry]

.


حبيبتي تعوذي من ابليس و على قد مآ تقدرين خلج طبيعيه
آنتي عندج رفيجه بالجآمعه معآج ؟
حسيت من كلآمج أنه بروحج بالجآمعه
خلي عندج رفيجه و تسولفين معاها شوي شوي رآح تقدرين تتغلبين على الوضع (=

 

[RoWaIsHeDyA]

رد : ايدي ترجف وقلبي يدق بسرعه لمــا ..؟ حالتي مو طبيعية

حبيبتي كلنا تصير لنا هالشغله بموقف معين يعني انا لمن اطوف دوار معين بالكويت لاتشوفين اتنح لدرجه اكون بدعم واموت لاني كل ماامر فيه اتذكر حادث صار عليه يعني الشغله نفسيه وانتي بعد شغلتج نفسيه فتلاقيني ادري بمر بهالمكان او بهالموقف احط قران سبحان الله استرخي وينحل الموضوع عندي انتي اقري قران اكثر وقوي قلبج واذا ترجفين حركي ايدج بحركات معينه فمحد ينتبه انج مخترعه وترجفين وعلى صوت البطن اظن السالفه نفسيه راجعي اخصائيه نفسيه ولو ادري اذا قلتي حق وحده كويتيه طبيبه نفسيه قالت شنو مو مينونه انا ومافيني شئ عادي ترى تصير وايد بالحياه هالمواقف

 

[إم بــــرٍآك]

رد : ايدي ترجف وقلبي يدق بسرعه لمــا ..؟ حالتي مو طبيعية

حبيبتي جربتي ترقين نفسج ؟؟
احس التوتر والترفزوتزايد دقآت القلب الله العالم تدل على العين والله العالم مآبي افتي بس عليج بالرقيه انتي بنفسج ارقي نفسج وعليج بالماي المقري فيه وزيت الزيتون تدهنين فيه نفسج كل لليله والله يشفيج

 

[برنسيسة الشمال]

اهم شيء لاتنسين الاذكار والحافظ الله
عندي نفس الحاله ليما هديت الكليه
انصحج لاتخلين مستقبلج يروح جذي حافظي عليه
اهم شيء تقنعين نفسج انج اقوى من هالموقف
ومايمنع تحللين عن الغده

 

[حبيبي وبس]

ترى احتمال كبير يكون معاج نشاط بالغده الدرقيه
شوفي وزنج تغير او عندج اضطربات بالدوره الشهريه ارق وصعوبة نوم او شعور بالحراره وانج ماتتحملين الجو الحر او العكس الجو البرد

 

[S U G A R]

رد : ايدي ترجف وقلبي يدق بسرعه لمــا ..؟ حالتي مو طبيعية

اول شي لازم ترقين نفسج يعني قبل الجامعه قولي اذكار الصباح وقولي اذكار الخروج من المنزل واستغفريي
وثاني شي انتي كلمي نفسج قولي انا مافيني شي انا احسن من بعض الناس انا واثقه من نفسي ومارح اتلعثم جدامهم
حاولي تغيريين مكانج بالكلاس قبل لاتطلعين ابتسمي بالمنظره راح تحسين نفسج واثقه من نفسج واخذيي نفس عمييييق
اتمنى اكون افدتج لانه هذا الي فهمته

 

[شـقـاًويـه]

رد : ايدي ترجف وقلبي يدق بسرعه لمــا ..؟ حالتي مو طبيعية

بنات انا مثل حالاتها بالظبط والله ماااااااااااكو فررررررق !!

مرات احس نفسي ضعيفه شخصيه مع اني موجذي بالمره

بس اي شي اي شي مثلا لو اي غلطه اسويها تخليني ارجف ارررجف

ومرات لما اتهاوش مع احد من بنات خالاتي والا خواتي ,, يكون معاي الحق ..
اررجف واتلعثم وافتح لهم مجال يتغلبون علي ..

بالنسبه للغده الدرقيه انا عندي اشتباه بالغده الدرقيه ,,
وقال الدكتور انها نشطه ..

آبي حل صج =(

 

[ريمي اميري]

رد : ايدي ترجف وقلبي يدق بسرعه لمــا ..؟ حالتي مو طبيعية

خيتووو الله يعافيك اولاااا .. ماتشوفين شر بس الحمد لله دامك سالتي دكتور وقال مافي شيء عضوي
بيدكـ تقدرين تعالجين نفسكـ لاااا تخلين الاذكار والاوردة يمكن احد صايبك باعين لا تستبعدين ذا الشي
اقري على نفسك حبووووبه قبل لاتنامين اخر شي قبل لا تنامين اقري قرااان .. وماتشوفين شررررر

 

[رينادا]

حبوبه يمكنك مغتاظه بالجامعه ... أقصد حصل لك موقف وبجيتي هناك ... (فزه )

أنا من رايي القرآن علاج وشفاء عن كل شي ... وقبل لاتروحين اقري قرآن أو حطي شريط قرآن بالسياره وسمعيه

 

[semaasem]

ماتشوفين شر ان شاء الله

 

[بنت عطا]

الله يشافيج يارب

 

[حبيبي وبس]

رد: رد : ايدي ترجف وقلبي يدق بسرعه لمــا ..؟ حالتي مو طبيعية

بنات انا مثل حالاتها بالظبط والله ماااااااااااكو فررررررق !!

مرات احس نفسي ضعيفه شخصيه مع اني موجذي بالمره

بس اي شي اي شي مثلا لو اي غلطه اسويها تخليني ارجف ارررجف

ومرات لما اتهاوش مع احد من بنات خالاتي والا خواتي ,, يكون معاي الحق ..
اررجف واتلعثم وافتح لهم مجال يتغلبون علي ..

بالنسبه للغده الدرقيه انا عندي اشتباه بالغده الدرقيه ,,
وقال الدكتور انها نشطه ..

آبي حل صج =(

عيل دام عندج اشتباه الاغلب هذا هو السبب سوي تحليل مره ثانيه واخذي علاج لها لاتهملين هالموضوع

 

[كويتيه مذهله 87]

ان شالله فتره وتعدي وماتشووفين شر
دايما شغلي سوره البقره اوتقرينها افضل
,,,