اوووف الجامعه ماتجيبلي الا المشاكل>>شرايكم انا خربت على عمري؟

[مطيريه كووول]

قوه بنات شخباركم


انا كتبت من قبل موضوع عن مشكلتي مع واحد بالجامعه اللي يلاحقني ابشركم زهق مني وفكني منه
المهم انا مشكلتي الجديده هم تخص الجامعه نوعا ما وابي اخذ رايكم
انا مملجه على واحد مو من جماعتنا اوكي ولحد الحين ماتحدد الزواج وتعرفون البنات بالجامعه يسالون يبون يشوفون فلان منو خذا وجذيه واهلي منبهيني لااحد يعرفج من اهله المهم انا فيني دفاشه وتهور يعني اقول الشي واندم عليه اليوم في بنات اعرفهم من بعيد رفيجات رفيجتي المهم انهم من نفس فخذ عريس الغفله واحس اني خرتها من امه وقتلهم انا زوجي من فخذكم طلعو يعرفونه وانا قمت اقط خيط وخيط سألتها ماحددوا العرس قالت لا تو المهم انا يوم دريت انها تعرفهم بين علي اني ارتبكت وهي حست جان تقول عادي لاتخافين انا اعرفهم من بعيد بس هاذا اللي صار وقلت لاختي الكبيره وامي وزفوني زف
امي تقول بكره بيقولون هاذي تمشي وتقول انا متزوجه فلان ومستانسه ومرتهم خفيفه ورقله (عاد البنات حسيتهم حبوبات ومحترمات )
اووووف احس كرهت نفسي
انتو شرايكم تحسون من كلامي ينقد علي واني خربت على عمري مثل ماتقول امي ولا عادي؟؟؟؟
(تعرفون لما يصيرلج موقف بايخ وتتمنين الزمن يرد لو ساعه عشان تعدلينه انا احس جذيه)

 

[اميرة-الاحجار]

شوفي اذا البنات ارفيجاتج وتعرفينهم اتوقع مافيها شي سوالف ارفيجات وعادي
بس اذا ماتعرفينهم عدل او اول مره تقعدين معاهم اتوقع كلامج امج بيكون فيه نوع من الصحه

 

[فديت_روحي]

شوفي انا حضريه ,بس اشوف ما احس انج قلتي شي غلط!!

كلامج عادي مافيها شي لو قلتي ريلي من فخذكم!!!

مادري اذا عند البدو هذا شي ثاني



بس انتي مدام جذي قضبي لسانج ولاتقولين حق احد لين خلاص تتزوجين
ومدامهم على قولتج محترمات انشالله مايفكرون انج رقله وجذي,انشالله يسكتون
الله يوفقج ويتمم عليج الزواج على خير يارب

 

[مطيريه كووول]

ايه البنات اول مره اشوفهم واقعد معاهم احس خربت على عمري الله يستر
ومشكوره حبيبتي عالرد

 

[فنتوقه]

ماكو الا العافيه انشالله لا تحاتين ....والله يتتم عليج يارب ويبارك لج

 

[iTaLiyA]

خربتي على روحج بشنو؟ ليش انتي متزوجه بالسر؟
عادي يا قلبي مافيها شي نهائيا اصلا الزواج اشهار مو بالخش و الدس
استانسي بريلج و مالج شغل بالكلام اللي لا يودي ولا اييب

 

[الحنونهـ]

زين انك افتكيت من الشاب الي كان ماذيك والحمدالله خلصتي منه...
وصدقيني اذا لك نصيب بهالأنسان راح تأخذيته ومعليك من البنات ممكن مايقولون شي وخلاص انتي ملكتوا على بعض ومافيه شيء...إذا قلتي لهم...
واذا وحده من رفيقاتك تمون عليهم حيل خليها تقول لايقولون لأهل زوجك انهم شافوك..
وأخذي هالموقف درس لا تتكلمين في شيء الى إذا انتي متأكده منه...:0bee2e8d89:
الله يوفقك ولاتحرقين اعصابك...:eh_s(14):
تقبلي مروري..:tek:

 

[شندوخه]

شكو خربتي على عمرج
بعد ياربي ريلج بالحلال مو بالسر ولا عرفي عشان تخافين ماتبينين نفسج

 

[سلطـ زمانها ــانة]

شخربتي على عمرج فيه

الزواج اشهار

وبعدين شنو العيب بالموضوع وشنو الغلط انتي قلتي انج ماخذه فلان


واي عادي خيعرفون انج مستانسه وتفتخرين فيه ولا جان ماوافقتي عليه


وبعدين اهم شايفينج بالجامعه


يعني صج انا ماني فاهمه شنو الغلط بالموضوع

حرام اتعبين نفسج على هالشي

 

[أإلع ـشق دلع ـهـأإ]

بناات اهي قصدها خربت على عمرها يعني الحين البناات راح يقولون حق اهلهم شفنا مرت فلان وكل شوي تكلم عن زوجها م>> مثلا وشكلها مستانسه تبي العرس و و و الخ ..

امها ماتبيها تكلم احسن علشاان محد يقدر يصيد عليها الزله ..

شوفي حبيبتي ماعليج انسي ...

ومره ثانيه لاتكلميييييييييييييين عن شيي يخصج .. واثقلي جداام البناات << هههههههههه

والله يوفقج

 

[الزين نجدي والدلع شرقاوي]

اشوف السالفه عاديه ياقلبي بس يمكن عشان امج قالتلج ليه وجذي كبرت براسج
والله عادي
انا بدويه مثلج واشوف ان موقفج عادي جداااا اهم من نفس الفخذ وقلتي ريلي نفس فخذكم مافيها شي الكلمه ياربي !!!!!!!!!!!!!!!!!!
والله ضحكتيني ليه مكبره الموضوع:eh_s(6):

فديتج لاتفكرين بهالسالفه والله الشيطان قاعد يلعب براسج على موضوع صغيييييييييير وتفكيرج مو بمحله البنات الحين يقولون شفنا مرت فلان شحلاتها وانتي تفكرين انهم ناقدين

ريحي عمرج وانتي مااغلطتي

 

[مطـــيــريهـ فـــوشيـــآ]

مافيها شي غلط
بس يستحسن انج ماتحجين بهالامور عند وحده اوول مره تشوفينها

 

[منورة الكويتية]

خلاص الي صار صار
بس ديري بالج مره ثانيه

 

[Judy abbott]

خربتي على روحج بشنو؟ ليش انتي متزوجه بالسر؟
عادي يا قلبي مافيها شي نهائيا اصلا الزواج اشهار مو بالخش و الدس
استانسي بريلج و مالج شغل بالكلام اللي لا يودي ولا اييب

نفس رايي

وانتى ماقلتي شي غلط ولا جذبتي ؟؟

الله يتمم عليج على خير حبيبتي وانشاءالله وماكو الا العافيه :tek:

 

[[[ عيون جابر ]]]

لا حبيبتي ما أعتقد ان في شي غلط صار
لاتحاتين يا قلبي
خو انتي ما جذبتي ولا ألفتي كلام .. متزوجه على سنة الله ورسوله
تقبلي مروري

 

[baby johnson]

لاياقلبي ماقلتي شي عااااااااادي
تيك ات ايزي
ولاتضايقييييين عادي ماصار شي
دام بس قلتيلهم من فخذكم ويصيرلكم بسسسسس مافيها شي
والله يوفقج

 

[شوشو الشقيه]

يسلمو اختي والله بصراحه ما عندي خبره في هذه السوالف الزواج والخطبه
بس على ظني اعتقد عادي تقولين لانه انتي كاتبين كتابكم على سنه الله ورسوله
والزواج اشهار وليس سر تخافين منه ليش انتي فاعله شيء خطا
نفس ما قالوا البنات الي قبلي
والله هههههههه والله ما ادري يمكن المفروض ما تقولين الي يصير العرس والله ما ادري ما عندي خبره
انا اشوفها عادي لانج ما فعلتي شيء خطا وثانيا انتوا كاتبين كتابكم على سنه الله ورسوله
وانتوا مخطوبين تعتبرون صح لانكم كاتبين كتابكم بس بقي العرس
وبعد ما ادري يمكن كبار والاصول لها تعاريف واشياء محرضه ان تفعلها البنت
من اختج شوشو الشقيه

 

[yassoo]

عادي حبيبتي انا ماشوف فيها شي
الله يتمم عليج انشالله

 

[كوارين]

السالفة عادية جدا مافيها شي
ريلج عند ربج بالحلال اذا تكلمتي عنه
وماقبتي شي غلط عادي

 

[عذب الكلام]

شوفي انتي المفروض ما تتحجين بمثل هالامور مع اوادم ما تعرفينهم سبحان الله انتي ما تضمنين الناس لو يطلعون عليج حجي و سوالف انتي مره ثانيه ديري بالج تقولين شئ الا لمن تفكرين :O_SHH_:<< لا يغرج ترا انا جذي اقط الحجي من غير تفكير :cxxxp: