اول يوم برمضان وين تتفطرين ببت اهلج او بيت حمولتج

[احلا السمر]

قوه بناااات
مبارك عليكم الشهر :hjy5jewf:

يمكن يكون سؤالي سخييف بس والله محتاارة
خاااصة اني توني متزوجة .. وعايشة مع حمولتي
محتااارة وين اتفطر ان شاءالله اول يوم
ريلي اكيد بيتفطر عند اهله وانا ما ودي لا اكسر بخاطر امي ولا خالتي ولا ريلي
بليييز ساعوني :yaaaaaarb:
لو انتوا مكاني وين تتفطرووون
فديتكم

 

[So MuCh PaIn]

رد : اول يوم برمضان وين تتفطرين ببت اهلج او بيت حمولتج

شوفي ريلج حبيبتي واذا كان يبي يتفطر عند اهله مو مشكله بس بعد الفطور روحي لاهلج
اما عني فراح اتفطر فبيت حمولتي

 

[يا حبنـي له..}]

رد : اول يوم برمضان وين تتفطرين ببت اهلج او بيت حمولتج

ودي عند اهلي..بس بتفطر عند حمولتي وبعد الفطور طيراااااااااان لهلي

 

[‏إنگِسَارْ آلشَـوْق ..!]

رد : اول يوم برمضان وين تتفطرين ببت اهلج او بيت حمولتج

مدري بس أشوف الأفضل إنج تفطرين ببيت حمولتج وخصوصا إن أول رمضان لج مع زوجج .. مو حلوه تخلينه أول يوم ..~
وبعد الفطور روحي لأهلج ..~
وموفقه ..}

انا عني اول يوم عند حمولتي // لإن أصلا اهلي مسافرين
وحتى ولو إنهم موجودين بتفطر مع حمولتي ..~

 

[جـــواهر]

تفطري عند حمولتج وتسحري عند اهلج

انا جذي

 

[وردة النرجس]

رد : اول يوم برمضان وين تتفطرين ببت اهلج او بيت حمولتج

تفطري بيت أهله

وثاني يوم روحي فطور بيت أمج

وازني الأمور

 

[فطفط نجد]

حزب الطماشة العزابيات\\\\ههههههه

 

[om MaRyooM]

كل سنة طبعا اتفطر اول يوم عندهم ..

بس هالسنة طبعا اهوا بيتفطر عند اهله وانا عند اهلي .. مستحيل ادش بيتهم بعد اللي اكتشفته !

 

[ام ريمة2]

بيت اهل ريلي و ثاني يوم بيت اهلي

 

[miss mama]

اهلي

 

[*سويسرول*]

اول يوم عند حمولتي
وثاني يوم اهلي

 

[احلا السمر]

شوركم وهداية الله
واااااي عااد حدي ولهاانة علا طباااخ امي فديتها
ومشكورين

والعزابية عن الطماشة الشماته .. ربي يرزكم الريال الصالح

 

[كويتية بروما]

بنات يا حظكم اله يتمم عليكم وعليكم بالعافيه بس والله اقرا الردود وخنقتني العبره انا بتفطر مع ريلي بروحنا والله ولهت ع الكويت

 

[sunshine22]

رد : اول يوم برمضان وين تتفطرين ببت اهلج او بيت حمولتج

عند حموووووووووولتي
مع انه ودي عند اهلـــــــــــــــــــــــــــــــــــــــــــــــــــــــــــــــي
ميته صراحه الجو عندهم غيـــــــــــــــــــــــــــــــــــــــــــــــــــــر

الحموله خز مخازز وماكو حميميه معاهم كلششششششششششششش

 

[انا مو هني]

رد : اول يوم برمضان وين تتفطرين ببت اهلج او بيت حمولتج

تعودو من بدايه زواجكم اثنيناتكم تتفطرون بمكان واحد
دام اهوا قعد عند اهلا انتي قعدي معاه
ومن باجر دقي على امج قوليلها ماما بتفطر عندكم اليوم
ما اعتقد امج راح تزعل

 

[أمواج البحر]

عيل احنا غير

اول يوم ريلي في بيت اهله

وانا وعيالي في بيت يدي ويدتي الله يطول بعمرهم

تصير لمة العايلة الكريمه كللللللللللهم هناك (عمامي وعيال عمي وعيالهم)

وبيت اهلي ثالث يوم رمضان نروح مع ريلي نتفطر

ومبارك عليكم الشهر

 

[ام عثمانو]

رد : اول يوم برمضان وين تتفطرين ببت اهلج او بيت حمولتج

لوووول بما ان اول رمضان لي عندهم راح اتفطر معاهم .. وعقبها سيييييييييييييده عند اهلي

 

[عــود كمــبودي]

اكيد عند حمولتج

 

[احلا السمر]

رد: رد : اول يوم برمضان وين تتفطرين ببت اهلج او بيت حمولتج

لوووول بما ان اول رمضان لي عندهم راح اتفطر معاهم .. وعقبها سيييييييييييييده عند اهلي

الحال من بعضوووو
:hjy5jewf:
الله يتمم علينا وعليكم

 

[ابلة لولوة]

حبيبتي تفطري مع ريلج عند حمولتج الاصول جذيه

واهلج سلمي عليهم بعد الفطوور واليوم اللي وراه تفطري عند اهلج